• Սիրողական հայկական կատակերգությունից մինչև «Օսկար»-ի ռեկորդային անվանակարգեր. Սև Օհանյանի ճանապարհորդությունը դեպի Հոլիվուդ

  Հուլիսի 18-ին, «Ոսկե ծիրան» 22-րդ միջազգային կինոփառատոնի շրջանակներում, տեղի ունեցավ հանդիպում հոլիվուդյան հայազգի պրոդյուսեր Սևակ (Սև) Օհանյանի հետ, ով Proximity Media-ի հիմնադիրներից մեկն է և «Ֆրութվեյլ կայարան», «Որոնում», «Վազիր», ֆիլմերի, ինչպես նաև Օսկարի ռեկորդային թվով անվանակարգեր ստացած «Մեղսավորներ»-ի պրոդյուսեր է․․․

• Հոլիվուդը վախի մեջ. Ինչու են Իլոն Մասկի, Սեմ Ալտմանի և Պիտեր Թիլի մասին ֆիլմերը հայտնվել չեղարկման եզրին

  Հոլիվուդում գրաքննության նոր ճգնաժամ է հասունանում, և այս անգամ այն ​​կապված չէ արտաքին շուկաների, այլ Սիլիկոնյան հովտի հետ․․․

• Կարա Դելևինը խոստովանել է, որ մտերմացել է Էմբեր Հերդի հետ, երբ վերջինը բաժանվել է Ջոնի Դեփից

  Բրիտանացի մոդել և դերասանուհի Կարա Դելևինը առաջին անգամ անկեղծորեն խոսել է Ջոնի Դեփի և Էմբեր Հերդի աղմկահարույց ամուսնալուծության ժամանակ դերասանուհու հետ կապված երկարատև լուրերի մասին․․․

• Ջոնի Դեփը երկար դադարից հետո առաջին անգամ հայտնվել է կարմիր գորգին և կազմակերպել ռոքնռոլ ​​երեկույթ

  Ջոնի Դեփը հազվադեպ է հայտնվում կարմիր գորգին, հատկապես Լոս Անջելեսում, բայց այս անգամ նա բացառություն է արել, և դս արել է ոճային ձևով…

• Հայերը՝ «Օսկար 2026»-ում․ Սև Օհանյան, Նատալի Մուստիատա, Մադլեն Շարաֆյան․ ռեկորդային անվանակարգեր և 4 «Օսկար»

  Լոս Անջելեսում կայացավ ևս մեկ «Օսկար» մրցանակաբաշխություն, այս տարի՝ 98-րդ անգամ...

• Հոլիվուդյան սարսափներ. Ռեժիսոր Ռոբ Ռեյների և նրա կնոջ սպանության գործով նոր ողբերգական մանրամասներ

  «Page Six»-ը հաղորդում է, որ ռեժիսոր Ռոբ Ռեյների և նրա կնոջ՝ Միշել Ռեյների սպանության վերաբերյալ նոր ողբերգական մանրամասներ են ի հայտ եկել այն բանից հետո, երբ Լոս Անջելեսի շրջանի առողջապահության դեպարտամենտը հրապարակել է նրանց մահվան վկայականները…

• Բրեդլի Քուփերը Ջիջի Հադիդի հետ ամուսնության առաջին քայլն է անում

  Բրեդլի Քուփերի և Ջիջի Հադիդի հարաբերությունները, կարծես, նոր մակարդակի են հասնում․․․

• Պայքար Warner Bros.-ի համար. Netflix-ն ընդդեմ Հին Հոլիվուդի և կինոթատրոնների ճակատագիրը

  Warner Bros.-ի ձեռքբերումը դարձել է իսկական հոլիվուդյան էպոս՝ ներառելով հսկայական ֆինանսական շահարկումներ, կորպորատիվ ինտրիգներ և աստղերի պես մեծ ճանաչում ունեցող գործիչներ…

Այսպիսով՝ ավարտվեց «Թվին Փիքս» կուլտային սերիալի երրորդ սեզոնը, եւ այն ոչ միայն հարցերին չպատասխանեց, այլեւ միայն ու միայն նորերը ստեղծեց:

Showtime-ը մեկ օրում թողարկել է վերջին երկու՝ 17-րդ եւ 18-րդ սերիաները, քանի որ երկուսն էլ եզրափակիչ են համարվում, չնայած սեզոնն սկսելուց առաջ Դեւիդ Լինչը պնդում էր, որ ֆիլմը սերիաների չի բաժանել, այլ նկարահանել է (նկարահանումները 4 տարի են տեւել) 18 ժամանոց կինոնկար (դե ինչ, նրա ոգուն հատուկ է):

Ինչ վերաբերում է սյուժեին, ապա այստեղ ընդհանրապես խառնաշփոթ է՝ այնպես արված, որ ակներեւաբար կարելի է նկարահանել ե՛ւ չորրորդ, ե՛ւ հինգերորդ սեզոնները: Որքանով հայտնի է դարձել, եթե ընդհանրապես ինչ-որ բան գոնե հայտնի է դարձել, ապա առաջին, երկրորդ եւ երրորդ սեզոնները, ժապավենի հերոսներով հանդերձ, ցնդաբանություն են՝ սա ՄաքԼահլենի հանճարեղ մարմնավորմամբ գլխավոր գործակալ Դեյլ Քուփերի երեւակայական երազն է: Կամ այդ բոլոր սպանությունները, անորոշ անհետացումները, անհասկանալի արարածները. սա զուգահեռ աշխարհ է, որը ոչ մի բացատրություն չունի:

Երրորդ սեզոնում Լինչը ֆիլմում գաղափարներ է ներառել իր նախորդ բոլոր կինոնկարներից (օրինակ՝ «Ավազաբլուր» եւ «Խճուղի»), իսկ ավարտին ընդհանրապես անակնկալ է մատուցել ողջ մնացած Լորա Փալմերով եւ նրան գտած Դեյլ Քուփերով: Իհարկե, պարզվել է, որ զուգահեռ աշխարհից վերադարձած (եւ այնտեղ կրկին վերադառնալ խոստացած) Քուփերը ոչ մի կերպ չի կարողանում գտնել Լորայի ծնողներին, իսկ ժապավենի ավարտն ուղղակի խելացնորություն է՝ Քուփերը չգիտի, թե որ ժամանակում է գտնվում, իսկ Լորա Փալմերը չգիտի, թե ինքն ով է («Մուլհոլանդ դրայվին» նման ինչ-որ բան):

Երեք սեզոնին էլ մենք թափառել ենք Լինչի երեւակայության աշխարհում, գրողը տանի, իսկ գուցե եւ նրա հոգեկան փոթորկոտ աշխարհում:

Եվ այսպես՝ ի՞նչ չհասկացանք: Սա ապագա՞ն է: Սա անցյա՞լն է: Սա զուգահեռ իրականությո՞ւնն է: Հնարավոր է՝ երբեւէ չիմանանք էլ: Սա օրիգինալ Քուփերն է, սա եւս մեկ Կրկնակ է կամ գուցե սա մեկ ուրի՞շ բան է: ՄաքԼահլենի փայլուն խաղը կարող է լիովին խճճել հանդիսատեսին: Սեզոնի եզրափակիչ կադրը՝ Լորան Կարմիր սենյակում ինչ-որ բան է շշնջում Քուփերի ականջին: Ի՞նչ է նա, այնուամենայնիվ, ասում Դեյլին, եւ ինչպե՞ս է դա կապված ավարտի հետ:

Նոր, այլընտրանքային իրականության մեջ Քուփերն ու Դիանան, հավանաբար, նոր անուններ ունեն՝ Ռիչարդ եւ Լինդա: Այս անուններն առաջին անգամ առաջին սերիայում բարձրաձայնել է Հսկան: Արդյոք Լորան ո՞ղջ է մնացել որեւէ զուգահեռ աշխարհում, թե՞ նա գոյություն ունի միայն գործակալ Քուփերի երեւակայության մեջ:

Օդրիի մասնակցությամբ բոլոր տեսարաններում հիշատակվում է Բիլի անունով անհետ կորածի մասին, որին մեզ այդպես էլ չեն ցուցադրում: Հնարավո՞ր է՝ նա բանտախցի ջնջխված դեմքով խելագարն է: Բիլին 3-րդ սեզոնի հիմնական հանելուկներից մեկն է: Նոր Լորա Փալմերի տանն է գտնվում փտող դիակը՝ ճակատին գնդակի անցքով: Ո՞վ է այս սպանվածը եւ ինչպե՞ս է հայտնվել Քերիի տանը: Գուցե 4-դ սեզո՞նը կպատասխանի...

Հետևեք NEWS.am STYLE-ին Facebook-ում, Twitter-ում և Instagram-ում