24-ամյա դասական դաշնակահար և մոդել Լիլիթ Պողոսյանը Հրազդան քաղաքից է: Նա 6 տարեկանից անցել է ստեղծագործական զարգացման բազմակողմանի ճանապարհ՝ դաշնամուրի, կիթառի, երգի, պարի, ջութակի և նկարչության խմբակներ, թատերական բեմականացումներ, համերգներ «Հայաստանի փոքրիկ երգիչներ» երգչախմբի կազմում` Հայաստանում, Եվրոպայում։ Զբաղվել է նաև սպորտով՝ 5 տարեկանից հաճախելով շախմատի խմբակ, ունի "DOCANDO" կարատեի կապույտ գոտի, զբաղվել է նաև լողով, մասնակցել տարբեր հեծանվային մրցաշարերի։
Լիլիթը 15 տարեկանից նկարահանվում է ֆիլմերում, գովազդներում։ Նկարահանվել է «ԱՐՓԱ» միջազգային կինոփառատոնին «Լավագույն կարճամետրաժ ֆիլմ» անվանակարգում նոմինացված «ԵՐԱԶ» գեղարվեստական ֆիլմում՝ որպես գլխավոր հերոսուհի, «Վազգեն․ վերջին սպարապետը» ֆիլմում, «Դասամիջոց» սերիալում և մի շարք այլ նախագծերում։ Լիլիթը զուգահեռ սովորում է նաև «Արթուր Գրիգորյանի երգի ակադեմիայում», պարում է «Նինահար» պարային համույթում և աշխատում Հրազդանի Երվանդ Քոչարի անվան մանկական արվեստի դպրոցում՝ որպես նվագակցող և դաշնամուրի դասատու։
Երիտասարդ աղջկա բազմազբաղ առօրյայում անփոխարինելի տեղ ունեն դաշնամուրն ու արվեստը։ Նա 6 տարեկանից հաճախել է դաշնամուրի խմբակ Հրազդանում, որպես դաշնակահար՝ մասնագիտական կրթությունը շարունակել Չայկովսկու անվան ՄՄԵԴ-ում, ապա՝ Երևանի Կոմիտասի անվան պետական կոնսերվատորիայում։ Նա կատարողական արվեստի մագիստրոս է և շարունակում է հետբուհական կրթությունը ԵՊԿ-ի «Կատարողական և ստեղծագործական բարձրագույն վարպետության լրացուցիչ կրթություն» բաժնում` դոցենտ Աննա Խաչատրյանի դասարանում, ում մասնագիտական հարուստ փորձն ու բարձր կատարողական մշակույթը կարևոր նշանակություն ունեն Լիլիթի ստեղծագործական անհատականության ձևավորման և մասնագիտական զարգացման գործում։
Նա մասնակցել է տարբեր համերգների, հանրապետական, միջազգային մրցույթների, փառատոների և, միշտ փայլելով իր տաղանդով ու կատարողական ինքնատիպությամբ, ունեցել բազմաթիվ հաջողություններ և ձեռքբերումներ։ Սակայն 2025-2026 թվականները երիտասարդ երաժշտի կյանքում բեկումնային եղան, քանի որ նրա կատարումները բարձր գնահատանքի արժանացան միջազգային ժյուրիի մեծ անձնակազմի կողմից:
Լիլիթը 2025 թվականին մասնակցելով Լոնդոնում անցկացվող Golden Time Talent միջազգային հեղինակավոր օնլայն մրցույթի 73-րդ սեզոնին՝ արժանացել է պատվավոր առաջին մրցանակի (94.5 միավոր) և հրավեր ստացել մասնակցելու տարեվերջյան Grand Final V-ին, որն անցկացվելու էր տարվա բոլոր սեզոնների լավագույն մասնակիցների միջև՝ աշխարհի շուրջ 35 երկրից։
Այս անգամ բոլոր կատեգորիաների և տարիքային խմբերի մասնակիցների մեջ հավաքելով ամենաբարձր միավորները՝ 99,8/100 , ճանաչվել է Grand Final-ի միանձնյա հաղթող և գործիքային կատարում անվանակարգում ստացել Grand Prix ու 2026 թվականի հունիսի 24-28-ը Լոնդոնում անցկացվող հեղինակավոր միջազգային մրցույթ-փառատոնին անվճար մասնակցության հրավեր։ Մեկնելով Մեծ Բրիտանիա՝ հունիսի 27-ին Լիլիթը մասնակցել է Լոնդոնի Թագավորական Երաժշտական Ակադեմիայի դահլիճում անցկացվող Աշխարհի տաղանդներ VI միջազգային մրցույթին և կրկին փայլել իր տաղանդով ու կատարողական հմտություններով, և դաշնամուրային անվանակարգում հավաքելով ամենաբարձր միավորները (100/100)՝ արժանացել գլխավոր մրցանակի՝ GRAND PRIX-ի։
Հունիսի 28-ին THE SHAW THEATRE-ում տեղի ունեցած մեծ մրցանակաբաշխությունում հրազդանցի դաշնակահարը արժանապատվորեն և հաղթանակած ծածանել է հայկական դրոշը՝ արդյունքում ստանալով առաջարկ դառնալու GLOBAL TALENT կոնֆեդերացիայի անդամ։ Լիլիթի մասին տպագրվել է WORLD TALENT AWARD ամսագրում, իսկ կատարումները զետեղված են պաշտոնական կայքերում և տարբեր օնլայն հարթակներում։
Սակայն Լիլիթի հաջողություններն այսքանով չեն սահմանափակվել։ Մասնակցելով «Nouvelles etoiles» ֆրանսիական միջազգային մրցույթին՝ ստացել է երկրորդ կարգի մրցանակ և հրավիրվել Ֆրանսիա։ Մեկնելով Ֆրանսիա՝ ամառային ակադեմիա, դաշնակահարը մասնակցել է տարբեր վարպետության դասերի և համերգների՝ Փարիզի Ռախմանինովի անվան կոնսերվատորիայում և Նորմանդիայում։
Առջևում Լիլիթին սպասվում է ևս մեկ կարևոր իրադարձություն: Լինելով BALKAN THALBERG PIANO միջազգային մրցույթի դափնեկիրներից մեկը՝ նա ընտրվել է մասնակցելու նոյեմբերի 20-ին Ավստրիայում կայանալիք ԳԱԼԱ համերգին, որին մասնակցելու են երիտասարդ տաղանդավոր դաշնակահարներ ամբողջաշխարհից։
Համերգը տեղի կունենա Վիեննայի հեղինակավոր Mozarthaus-ում՝ Մոցարտի տուն-թանգարան։ Այժմ Լիլիթը պատրաստվում է մեկնել և նշում է, որ իր համար մեծ պատիվ է ներկայացնել Հայաստանը այնտեղ, որտեղ ապրել, ստեղծագործել և ելույթ է ունեցել աշխարհահռչակ կոմպոզիտոր և դաշնակահար Վոլֆգանգ Ամադեուս Մոցարտը։
Միջազգային մրցույթները թեև ֆինանսական որոշակի դժվարություններ են ստեղծել, բայց այդ ամենը չի խանգարել երիտասարդ դաշնակահարին գնալ նպատակին ընդառաջ և հաղթել: Այս հարցում նրա կողքին են եղել ընտանիքը, ընկերներն ու Լիլիթին ճանաչողները:
Այս ամենին զուգահեռ տաղանդավոր հայուհին հասցրել է մասնակցել տարբեր գեղեցկության մրցույթների, որոնցից նշանակալին «Armenian Beauty 2026» մրցույթն է, որտեղ նա արժանացել է II Vice Miss World Armenia 2026 տիտղոսին։ Լիլիթն ասում է, որ ինքն ուզում է դառնալ այն երիտասարդ դաշնակահարներից մեկը, որը դասական երաժշտությունը կհնչեցնի միջազգային բեմերում:
Հետևեք NEWS.am STYLE-ին Facebook-ում, Twitter-ում և Instagram-ում
16:24, 18 նոյեմբերի
«Թրամփի տակդիրների պայուսակը». նախագահի օգնականը համացանցում ծաղրի է ենթարկվել ասիական շրջագայության ժամանակ կրած հսկայական պայուսակի պատճառով16:01, 18 նոյեմբերի

15:14, 18 նոյեմբերի
Մահճակալի չափ լողացող տուն. բլոգերը կառուցել է աշխարհի ամենափոքր հաուսբոթը, սակայն դրա մեջ անցկացրած երեք օրն իսկական փորձություն է դարձել14:22, 18 նոյեմբերի
«Ես հենարան էի փնտրում և վախենում էի միայնությունից». Ջենիֆեր Լոպեսն անկեղծացել է չորս ամուսնությունների ու սիրային հիասթափությունների մասին13:17, 18 նոյեմբերի
Ջեֆ Բեզոսն անձամբ է ընտրել նոր Ջեյմս Բոնդին. միլիարդատերը խոստովանել է, որ ակտիվորեն ներգրավված է եղել Ռոբերտ Փաթինսոնի քասթինգում12:18, 18 նոյեմբերի
Cartier-ի ինքնակոչ ժառանգորդուհուն վռնդել են Նյու Յորքում կայացած աշխարհիկ միջոցառումից11:20, 18 նոյեմբերի
Էնն Հեթեուեյը երրորդ անգամ մայր է դարձել. 44-ամյա դերասանուհուն նկատել են նորածինը գրկին10:30, 18 նոյեմբերի
Ջենիֆեր Լոպեսին ծաղրել են շրթունքների 150 դոլարանոց բալզամի գովազդի համար. ԱԲ-ով ստեղծված հոլովակն անվանել են «ապրանքի ամենաաբսուրդային թողարկումը պատմության մեջ»09:00, 18 նոյեմբերի
ՆՈՅԵՄԲԵՐԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:01, 17 նոյեմբերի
Դևիդ Բեքհեմը 41 միլիոն դոլար է պահանջում «հեղինակությանը հասցված հարվածի» համար. լեգենդար ֆուտբոլիստը պատերազմ է հայտարարել իր օծանելիքը վաճառող ընկերությանը22:22, 17 նոյեմբերի
Պաբլո Էսկոբար՝ նարկոկարտելների աշխարհի միլիարդատերը. ինչպես էր Կոլումբիայի կոկաինային արքան յոթ տարի անընդմեջ հայտնվում Forbes-ի վարկանիշային աղյուսակում21:19, 17 նոյեմբերի
Ժամանակն է, որ Nike-ը բաժանվի Քիմ Քարդաշյանից. Bloomberg-ը մարզական հսկային կոչ է արել խզել Skims-ի հետ գործընկերությունը