• Կենդանի զեբր, սև խավիար և կենդանիների կերպարներով հյուրեր․ Դոնալդ Թրամփը Մար-ա-Լագոյի իր նստավայրում «Վայրի ջունգլիներ» թեմատիկ երեկույթ է կազմակերպել

  Դոնալդ Թրամփը որոշել է Հելոուինը նշել մեծ շուքով։ ԱՄՆ նախագահն իր՝ Ֆլորիդայի Մար-ա-Լագո նստավայրում թեմատիկ երեկույթ է կազմակերպել՝ տոնը վերածելով իսկական աշխարհիկ շքահանդեսի…

• Նկարիչը թանգարանի անվտանգության աշխատակիցների ուշադրությունը շեղել է անպարկեշտ ձայների միջոցով, որպեսզի գաղտնի կերպով կախի Met Gala-ն քննադատող իր նկարը

  Մինչ աստղերը երազում են հայտնվել Met Gala-ի հյուրերի շարքում, նկարիչ Դեյվիդ Սեբաստիանը որոշել է միջոցառման պատմության մեջ իր անունը թողնել բոլորովին այլ կերպ…

• Թրամփի ինքնագրով շոկոլադ և Սպիտակ տան վրայով թռչող ինքնաթիռ․ ինչով զարմացրեց Սպիտակ տան Հելոուինը

  Սպիտակ տանը հյուրերին բաժանել են Դոնալդ Թրամփի ինքնագրով շոկոլադներ, նրանց գլխավերևով անցել է նախագահական ինքնաթիռը, իսկ տոնակատարության փոքրիկ մասնակիցների շարքում հայտնվել են խորհրդային տանկիստ և փտած բանան…

• Դուբայում կբացվի աշխարհում առաջին ոսկե հետիոտնային արահետը

  Դուբայը նոր տեսարժան վայր է պատրաստում նրանց համար, ովքեր այս քաղաքը կապում են շքեղության և տպավորիչ ռեկորդների հետ…

• Ծաղկունք»-ի 10-ամյակը՝ Մոսկվայում․ երկու մեծամասշտաբ համերգային ծրագիր՝ մեկ հարթակում

  Հոկտեմբերի 25-ին Ռուսաստանի Դաշնության Մոսկվա քաղաքում կայացավ «Ծաղկունք» միջազգային 10-րդ հոբելյանական փառատոնը…

• 72-ամյա ամերիկուհին թոշակն ապահովելու անսովոր միջոց է գտել․ նա ամուսնու հետ մեծահասակների համար նախատեսված բովանդակություն է նկարահանում

  Ութ ծոռ, 40 տարվա ամուսնական կյանք և թոշակի անցնելու միանգամայն անսովոր ծրագիր…

• Եղջյուրներն՝ ընդդեմ խաչերի, երիտասարդներն՝ ընդդեմ մեծահասակների. Ինչպես Հելոուինը Հայաստանում բախում առաջացրեց սերունդների միջև

  Արդար զայրույթ, թե՞ ձանձրալի մեծահասակներ, զայրույթի արժանի երեխաներ, թե՞ անվնաս զվարճանք: Մինչ ոմանք փորձում են եղջյուրներ և կեղծ ժանիքներ, մյուսները հիշեցնում են նրանց քրիստոնեական արժեքների և ազգային ինքնության մասին…

• Նյու Յորքում 89,000 դոլար արժողությամբ ռոբոտը սովորում է շփվել մարդկանց հետ, որպեսզի ապագայում կարողանա դայակ դառնալ

  Նյու Յորքի այգում անցորդները զբոսանքի ժամանակ անսպասելիորեն հանդիպել են անսովոր էակի՝ 89,000 դոլար արժողությամբ մարդանման ռոբոտի, որը երգում էր երեխաների համար, պարում էր և սովորում շփվել մարդկանց հետ…

Նոյեմբերի 7-ից 14-ը Երևանը կրկին կհյուրընկալի աշխարհի տարբեր երկրներից ժամանած անիմատորների, նկարիչների և վիզուալ արվեստի սիրահարների։ Անիմացիոն կինոյի և կոմիքսների 18-րդ միջազգային ReAnimania փառատոնն այս տարի կներկայացնի ոչ միայն կինոցուցադրությունների ծրագիր, այլև մի շարք նոր կրթական ու ստեղծագործական նախաձեռնություններ՝ թվային արվեստի ReA Academy Lab լաբորատորիայից մինչև Jazz for Kids երաժշտական նախագիծ։ Գործունեության տարիների ընթացքում փառատոնը զգալիորեն ընդլայնել է իր միջազգային աշխարհագրությունը և շարունակում է նոր հնարավորություններ ստեղծել հայ հեղինակների համար։

Այս նոյեմբերին ReAnimania-ն կնշի իր 18-րդ տարեդարձը։ Գրեթե երկու տասնամյակի ընթացքում փառատոնը տեղական մշակութային նախաձեռնությունից վերածվել է միջազգային հարթակի՝ գրավելով տարբեր երկրների անիմացիոն ոլորտի ներկայացուցիչների ուշադրությունը։ Այսօր դրա մասին գիտեն աշխարհի ավելի քան 70 երկրներում, իսկ ամենամյա միջոցառումները համախմբում են շուրջ 500 մասնակցի, այդ թվում՝ օտարերկրյա հյուրերի, նկարիչների, ռեժիսորների և կինոարդյունաբերության մասնագետների։

Այս տարի կազմակերպիչները որոշել են ընդլայնել փառատոնի ավանդական ձևաչափը։ Անիմացիոն ֆիլմերի ցուցադրություններից բացի, այցելուներին սպասվում են նոր նախագծեր, կրթական ծրագրեր, հանդիպումներ միջազգային մասնագետների հետ, ինչպես նաև վիզուալ արվեստի տարբեր ուղղություններին ծանոթանալու հնարավորություններ։

Կինոցուցադրությունների ծրագիրը կընդգրկի լիամետրաժ և կարճամետրաժ ֆիլմեր, այդ թվում՝ Կաննի և Անսիի հեղինակավոր միջազգային փառատոներում ներկայացված աշխատանքներ։ Լիամետրաժ ֆիլմերի շարքում են «Հանգույցներ» (Knots), «Երկաթե տղան» (Iron Boy), «Ջութակահարուհին» (The Violinist), «Կարմեն․ ըմբոստ թռչունը» (Carmen: A Rebel Bird), «Խատուտիկի ոդիսականը» (Dandelion's Odyssey) և «Arco» ֆիլմերը։

Նախատեսված են նաև Arcane – League of Legends անիմացիոն տիեզերքին նվիրված հատուկ ցուցադրություններ։ Փառատոնի մասնագիտական ծրագիրը կհամալրի MarAni անիմացիոն շուկան, որտեղ հայ և արտասահմանցի մասնագետները հնարավորություն կունենան ներկայացնելու իրենց նախագծերը, մասնակցելու փիչինգների (նախագծերի ներկայացման հանդիպումների) և քննարկելու համատեղ արտադրության հեռանկարները։ Հյուրերին սպասվում են նաև միջազգային փորձագետների վարպետության դասեր և կոմիքսների արվեստին նվիրված Comics Art Exhibition ցուցահանդեսը։

Այս տարվա գլխավոր նորություններից մեկը կլինի ReA Academy Lab-ը՝ անիմացիային, թվային նկարչությանը և վիզուալ պատմապատումին նվիրված կրթական լաբորատորիան։ Նախագծի առաջին փուլն արդեն իրականացվել է առցանց ձևաչափով՝ համախմբելով 25 մասնակցի։ Մեկ ամսվա ընթացքում նրանք աշխատել են իրենց ստեղծագործական գաղափարների շուրջ, իսկ այժմ հնարավորություն կունենան փառատոնի շրջանակում ներկայացնելու արդյունքները, հանդիպելու արտասահմանցի մասնագետների հետ և ստանալու մասնագիտական կարծիք ու գնահատական։

Սակայն ReA Academy Lab-ը նախատեսված չէ պարզապես որպես մեկանգամյա կրթական դասընթաց։ Ինչպես նշում է փառատոնի հիմնադիր-տնօրեն Վրեժ Քասունին, կազմակերպիչները հեռանկարում մտադիր են այն վերածել թվային արվեստի և անիմացիայի լիարժեք միջազգային դպրոցի։ Նախաձեռնության գաղափարը պայմանավորված է նաև հայկական անիմացիոն ոլորտում որակավորված մասնագետների պակասով։ Այսօր Հայաստանում գործում է շուրջ 50 անիմացիոն ստուդիա, որոնք նոր մասնագետների և մասնագիտական զարգացման հնարավորությունների կարիք ունեն։

Փառատոնի մեկ այլ նորամուծություն կլինի Jazz for Kids նախագիծը։ Առաջին անգամ անիմացիոն ծրագիրը կհամալրվի հատուկ երաժշտական նախաձեռնությամբ, որի շրջանակում կենդանի ջազային կատարումները կմիավորվեն վիզուալ արվեստի հետ։ Հայտնի երաժիշտները կներկայացնեն անիմացիոն պատկերաշարով ուղեկցվող ստեղծագործություններ, իսկ պատանի հանդիսատեսը հնարավորություն կունենա ջազին ծանոթանալու իրեն արդեն հարազատ՝ էկրանային պատմապատումի միջոցով։ Քասունու խոսքով՝ նախատեսվում է կրկին ցուցադրել անիմացիայի դասական գործերը՝ դրանք նոր սերնդին ներկայացնելով կենդանի երաժշտական ուղեկցությամբ։

Այս տարի առանձնահատուկ ուշադրություն կդարձվի նաև հայկական անիմացիոն ժառանգությանը։ Ծրագրի շրջանակում նախատեսվում է կրկին անդրադառնալ խորհրդային շրջանի աշխատանքներին, հանդիսատեսին ներկայացնել այն նկարիչներին ու ռեժիսորներին, որոնք ձևավորել են հայկական անիմացիոն դպրոցը, ինչպես նաև ներկայացնել Սերգեյ Փարաջանովի ստեղծագործությունը։

Միևնույն ժամանակ, փառատոնը չի սահմանափակվում անցյալի ժառանգության վերարժևորմամբ․ երիտասարդ հայ հեղինակներին աջակցելը և ժամանակակից վիզուալ մշակույթի զարգացումը շարունակում են մնալ դրա գլխավոր ուղղություններից։

ReAnimania-ի 18-րդ թողարկումը խոստանում է դառնալ ոչ միայն Երևանի մշակութային կյանքի հերթական խոշոր իրադարձությունը, այլև հայկական անիմացիոն միջավայրի զարգացմանն ուղղված շարունակական աշխատանքի կարևոր փուլ։ Միջազգային ֆիլմերի ցուցադրությունները, նոր կրթական նախագծերը, երաժշտությունն ու վիզուալ արվեստն այս տարի կմիավորվեն մեկ ընդհանուր ծրագրում, որն աստիճանաբար դուրս է գալիս կինոփառատոնի ավանդական ձևաչափի սահմաններից։

Հետևեք NEWS.am STYLE-ին Facebook-ում, Twitter-ում և Instagram-ում