Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

90 տարեկանում մահացել է «Աստղային ճանապարհ» սերիալի աստղ Վալտեր Քյոնիգը, որը մարմնավորել էր Պավել Չեխովի դերը

11:47, 27 հոկտեմբերի

90 տարեկանում կյանքից հեռացել է ամերիկացի դերասան Ուոլթեր Քյոնիգը, որը հայտնի էր «Աստղային ճանապարհ» պաշտամունքային գիտաֆանտաստիկ սերիալում ռուս նավարկող Պավել Չեխովի դերով: Նրա գործակալ Զաքարի ՄակԳինիսի խոսքով՝ Քյոնիգը մահացել է կիրակի օրը՝ Հյուսիսային Հոլիվուդում գտնվող իր տանը՝ տարիքիքային խնդիրների պատճառներով։

Քյոնիգը միացել է բնօրինակ սերիալին 1967 թվականին՝ երկրորդ եթերաշրջանի ընթացքում: «Աստղային ճանապարհ»-ի ստեղծող Ջին Ռոդենբերին ցանկանում էր «Էնթերփրայզ»-ի անձնակազմին ավելացնել մի երիտասարդ հերոսի, որը կգրավեր դեռահաս հանդիսատեսին: Այսպիսով, ծնվեց Չեխովը՝ իր յուրահատուկ սանրվածքով, յուրահատուկ առոգանությամբ և ֆրանշիզայի պատմության մեջ անսպասելիորեն կարևոր դերով։

Կերպարի արտաքին տեսքը նույնպես խորհրդանշական էր. Սառը պատերազմի գագաթնակետին ռուս հերոսը հայտնվեց ամերիկյան սերիալի դրական կերպարների շարքում: Չնայած Չեխովի առոգանությունը հաճախ կատակների թեմա էր, Քյոնիգը լուրջ էր վերաբերվում կերպարի զարգացմանը: Նա իր արտասանությունը վերագրում էր այն փաստին, որ ռուսերենը իր հոր մայրենի լեզուն էր։

Չեխովի հետ նրա ամենահիշարժան տեսարաններից մեկը այլմոլորակային արարածի կողմից նրա տանջանքներն էին «Աստղային ճանապարհ 2. Խանի զայրույթը» ֆիլմում: Արարածը մտնում է կերպարի ականջը և փաթաթվում նրա ուղեղի շուրջը: Քյոնիգը կերպարի սարսափը այնքան համոզիչ է պատկերել, որ այդ տեսարանը դարձել է ֆրանշիզայի ամենասարսափելի դրվագներից մեկը: Դերասանն ինքը մի անգամ կատակել է, որ նա կմահանա՝ դագաղի հետ միասին. «Այստեղ է հանգչում Վալտեր Քյոնիգը: Նա լավ գոռում էր»:

Այնուամենայնիվ, նրա կարիերան չի սահմանափակվել «Աստղային ճանապարհով»: «Բաբելոն 5» գիտաֆանտաստիկ սերիալում Քյոնիգը խաղացել է Ալֆրեդ Բեսթերի՝ խնդրահարույց անցյալ ունեցող տելեպատի դերը: Դերասանը այս դերը համարել է հատկապես հետաքրքիր, քանի որ նրա կերպարը անմիջականորեն ազդել է սյուժեի վրա, այլ ոչ թե պարզապես արձագանքել է իրադարձություններին:

Իր անձնական կյանքում Քյոնիգը ծանր ողբերգություն է ապրել: 2010 թվականի փետրվարին նրա որդին՝ Էնդրյուն, ով նույնպես դերասան էր և հայտնի էր «Աճող ցավեր» սիթքոմում իր դերակատարմամբ, անհետացավ Վանկուվեր կատարած ուղևորության ժամանակ: Նրա մարմինը հայտնաբերվեց քաղաքային այգում մի քանի օր անց: Էնդրյուն 41 տարեկան էր: Ավելի ուշ Վալտեր Քյոնիգը հրապարակավ հայտարարեց, որ որդին ինքնասպան է եղել և խոսեց նրա տառապանքների մասին։

Նույնիսկ տարիներ անց դերասանը շարունակեց վերադառնալ Չեխովի դերին։ Նա 2015 թվականին խաղաց այս կերպարը «Աստղային ճանապարհ. Ռենեգատներ» երկրպագուների համար նախատեսված ֆիլմում, իսկ 2023 թվականին նա կրկին հնչյունավորեց նրան՝ «Աստղային ճանապարհ. Պիկարդ» սերիալում։ Քյոնիգը խոստովանել է, որ ցանկանում էր ավարտին հասցնել կերպարի պատմությունը՝ հավատալով, որ ասել է այն ամենը, ինչ անհրաժեշտ էր նրա մասին։

Դերասանի ներկայացուցիչների հայտարարության համաձայն՝ մահվան պահին նա եղել է իր դստեր և զարմուհու հետ։ Հայտարարության մեջ նաև ընդգծվում է, որ Քյոնիգի ժառանգությունը տարածվում է էկրանից շատ ավելի հեռու. նա տարիներ շարունակ հանդիպել է երկրպագուների հետ և աջակցել «Աստղային ճանապարհի» շուրջ ձևավորված համայնքին։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search