Լրատվամիջոց. արքայազն Հարին սպասում է, որ թագավորական ընտանիքը ներողություն խնդրի Մեգան Մարքլից

Մարտին Սասեքսի դուքսերն Օփրա Ուինֆրիին սկանդալային հարցազրույց են տվել, որի ընթացքում հայտնել են, որ թագավորական ընտանիքի անդամներից մեկն անհանսգտացել է, թե ինչ գույն է ունենալու իրենց երեխայի մաշկը։ 

Ամուսիններն այժմ ապրում են ԱՄՆ-ում, սակայն շուտով արքայազն Հարին պետք է Մեծ Բրիտանիա մեկնի՝ արքայադուստր Դիանայի նոր հուշարձանի բացման առիթով։ Սակայն առայժմ վաղ է հույս ունենալ, որ թագավորական ընտանիքում խաղաղություն կլինի, պնդում է ինսայդերը։ «Հարիի խնդիրն այն է, որ նա կենտրոնացած է իրավացի լինելու վրա։ Անկախ նրանից, որ նա պնդում է, թե պատրաստ է առաջ շարժվել, նա հետ չի կագնի, քանի դեռ իր ընտանիքից ներողություն չլսի»,- հայտնել է US Weekly-ի աղբյուրը։

Միեւնույն ժամանակ, կենսագիր Էնդրյու Մորթոնը հերքել է լուրերը, թե թագուհին Մեգան Մարքլին արգելել է նկարահանվել կինոյում. «Նրանց առաջին կարգի տոմսեր են տվել ու ասել. «Ընտրեք, թե որ երկիր եք ցանկանում գնալ, մենք ձեզ Համերաշխության դեսպաններ կդարձնենք»։ Եղիսաբեթ Երկրորդն, իսկապես, նրանց հնարավորություն է տվել անել այն, ինչ նրանք ցանկանում են։ Բացի այդ՝ նրանք Մեգանին ասել են, որ եթե նա չի ցանկանում մշտապես կատարել թագավորական պարտականությունները, կարող է շարունակել դերասանական կարիերան։ Այդ հնարավորությունները բաց են եղել նրա համար»։

Լուսանկարները՝ Getty Images