Ճապոնիայում կրծկալների, ժանյակավոր կիսավարտիքի եւ գիշերազգեստի ստեղծման գործում մասնագիտացած ընկերությունը «Տղամարդու ցանկությունը» անվանումով նոր շարք է թողարկել:
Արտադրանքն արդեն վաճառքի է հանվել ճապոնական Rakuten առեւտրի կենտրոնում: Ճապոնական RocketNews24 կայքի տվյալներով, նոր հավաքածուն ներառում է կանացի ներքնազգեստ, որն առաջարկվում է տղամարդկանց: Այն հատուկ մշակվել է՝ հաշվի առնելով տղամարդու ֆիզիոլոգիան, ընդ որում, դիզայներները պահպանել են կանացի ներքնազգեստի բոլոր ատրիբուտները. ժանյակ, ծաղիկներ, ժապավեններ:
Հավաքածուի հեղինակների խոսքով՝ այդ ինքնատիպ ներքնազգեստը ստեղծել են, որպեսզի տղամարդկանց հնարավորություն տան «վայելել ներքնազգեստի այն նրբությունն ու շքեղությունը, որոնց կանայք այդքան սովորել են»:
«Ինձ դուր է գալիս հագնել այս ներքնազգեստը: Ես դրանով հրաշալի եմ զգում ինձ»,- լրագրողներին ասել է ընկերության ներկայացուցիչ Մասայուկի Ցուտիյան: Նա նաեւ կրծկալ է հագնում, որը սովորական հագուստի տակից անհնար է նկատել:
Կազմակերպության գործադիր տնօրեն Ակիկո Օկունոմիյան խոստովանել է, որ զարմացած էր, թե որքան մեծ թվով տղամարդիկ էին հետաքրքրված իրենց ստեղծած ներքնազգեստով:
«Կարծում եմ՝ ավելի ու ավելի մեծ թվով տղամարդիկ են հետաքրքրվում կրծկալներով: Երբ թողարկեցինք տղամարդկանց համար նախատեսված կրծկալները, սկսեցինք երջանիկ հաճախորդներից շնորհակալական նամակներ ստանալ, ովքեր նշում էին, որ երկար ժամանակ սպասում էին դրան»,- ասել է տնօրենը:
Տղամարդկանց համար այս ինքնատիպ ներքնազգեստի թողարկումը համացանցում թեժ քննարկումների պատճառ է դարձել: Ճապոնական սոցիալական ցանցերից մեկում այս թեմայով վիճաբանությանը մասնակցել են շուրջ 8.000 ճապոնացիներ:
Տղամարդկանց համար նախատեսված կանացի ներքնազգեստի գույներն ու կտորն ապշեցուցիչ են: Ընկերության աշխատակիցների համոզմամբ, նույնիսկ ամենաքմահաճ հաճախորդը կարող է իրեն հարմար մոդելն ու երանգավորումը գտնել: Ներքնազգեստները բավական էժան են՝ 1.995 իեն (շուրջ 30 դոլար):
Նյութը՝ mirtesen.ru կայքի
Հետևեք NEWS.am STYLE-ին Facebook-ում, Twitter-ում և Instagram-ում
23:11, 14 մայիսի
Աշխարհի ամենաթանկ շրթներկների հնգյակը22:34, 14 մայիսի
Ինչո՞ւ են հասուն կանայք նախընտրում ավելի երիտասարդ տղամարդկանց21:11, 14 մայիսի
Սերը` առաջին համբույրից, գուցե, իրականություն է20:22, 14 մայիսի
Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը19:35, 14 մայիսի
«Սարսափելի գիշեր էր». Բրենդոն Լիի մահից 30 տարի անց16:13, 14 մայիսի
«Դաունթոնի աբբայության» հիման վրա երրորդ ֆիլմը կնկարահանվի15:23, 14 մայիսի
Նաոմի Քեմփբելը «նրբագեղության մարմնացում է» դասական փոքրիկ սեւ զգեստով14:37, 14 մայիսի
Ջորջ Քլունին իր դեբյուտը կկատարի Բրոդվեյում14:04, 14 մայիսի
Սերժ Թանկյանը ցանկանում էր հեռանալ System of a Down-ից13:16, 14 մայիսի
Քեյթ Մոսը սիրավե՞պ ունի Բոբ Մարլիի թոռան հետ12:35, 14 մայիսի
Շերը շլացուցիչ սեւ բոդիով է ներկայացել «Բոբ Մաքի. մերկ պատրանք» ֆիլմի պրեմիերային11:58, 14 մայիսի
Ինչու էին Շարլիզ Թերոնն ու Թոմ Հարդին ատում միմյանց «Խենթ Մաքսը» ֆիլմի նկարահանման հրապարակում