Մարտի 14-20-ը Նյու Յորքում անցկացվելու է ոչ առեւտրոյին կինոյի Rated SR Socially Relevant Film Festival փառատոնը, որտեղ ներկայացվելու է հայկական արտադրության կամ հայկական թեմատիկայով վեց ֆիլմ: Փառատոնը հիմնադրել է հայկական արմատներով ֆրանսիական ճանաչված դերասանուհի Նորա Արմանին:
Փառատոնին ներկայացվելու են.
If Only Everyone («Եթե բոլորը…») - ֆիլմը պատմում է մի աղջկա մասին, ով փնտրում է Արցախյան պատերազմի ժամանակ զոհված հոր գերեզմանը:
Orphans of the Genocide («Ցեղասպանության որբերը») – Ցեղասպանության որբերի հիշողությունները ներկայացնող փաստագրական ֆիլմ:
Armenian Activists Now! («Հայկական ակտիվիստներ, Հիմա՛») – Ռոբերտ Դավիդյանի ֆիլմը՝ Հայաստանի ներկա սոցիալ-քաղաքական իրավիճակի մասին:
Bavakan («Բավական») ֆիլմը, որը պատմում է Հայաստանում հղիության արհեստական ընդհատման մասին, Լուսինե Սահակյանի Hamshen Community at the Crossroads of Past and Present-ը՝ իսլամացած հայերի մասին, եւ Դավիթ Հովանի Later than Usual («Ավելի ուշ, քան սովորաբար») ժապավենը:
Ընդհանուր առմամբ, փառատոնին ներկայացվելու է շուրջ 40 ֆիլմ:
Ավելի վաղ NEWS.am STYLE-ին տված հարցազրույցում Նորա Արմանին ասել էր. «Ես «Rated SR Socially Relevant Film Festival New York»-ի հիմնադիրն ու գեղարվեստական ղեկավարն եմ: Այն միաժամանակ ե՛ւ փառատոն է, ե՛ւ շուկայի պահանջարկը բավարարող ֆիլմերի լաբորատորիա: Փառատոնը շեշտադրումներ է կատարում հասարակ մարդկային պատմությունների վրա՝ միաժամանակ այլընտրանք առաջարկելով այսօրվա կինոարտադրության մեջ բռնության եւ հանցագործությունների տարածմանը: Փառատոնի գլխավոր մրցանակն է՝ մեկ շաբաթ անվճար ֆիլմի ցուցադրությունը Նյու Յորքի «Quad» կինոթատրոնում, ինչի շնորհիվ հաղթող ժապավենն Օսկարի թեկնածուների ցուցակում ընտրվելու հնարավորություն կստանա:
Մեր առաքելությունն այն կինոգործիչներին աջակցելն է, ովքեր զբաղվում են սոցիալական արժեքավոր ֆիլմերի արտադրությամբ: Այդ կատարվում է մի հարթակի միջոցով, որը նրանց կոչ է անում արտադրել սոցիալական արժեքավոր ֆիլմեր, որոնց պակասը զգացվում է շուկայում: Ես միշտ ունեցել եմ նման փառատոն ստեղծելու մտահաղացում, բայց այդ հայտնվեց այն ժամանակ, երբ ես գտա ժամանակ եւ անհրաժեշտ ամեն ինչ՝ նախագիծը սկսելու համար:
Բռնության տարածումը մեր հասարակության մեջ սարսափելի է, եւ անձամբ ես կորցրել եմ ինձ համար շատ թանկ մարդկանց՝ Հակոբ քեռուս եւ զարմիկիս՝ Վանյա Էքսերջյանին: Մի քանի տարի առաջ նրանք զոհվել են Եգիպտոսում ատելության հողի վրա կատարված հանցագործության հետեւանքով: Այդ փառատոնը հարգանքի տուրքն է նրանց հիշատակի հանդեպ՝ ի լրումն այն բոլոր սոցիալական արժեքավոր մարդկային պատմությունների, որոնց մասին անհրաժեշտ է պատմել»:
Աղբյուրը՝ www.ratedsrfilms.org
Հետևեք NEWS.am STYLE-ին Facebook-ում, Twitter-ում և Instagram-ում
14:26, 29 ապրիլի
Անգլիացու անպարկեշտ դաջվածքը զայրացրել է իսպանացի ոստիկաններին13:28, 29 ապրիլի
Լեգենդար դերասանուհի Շիրլի Մաքլեյնն իր 90-ամյակի առթիվ կիսվել է իր երկարակեցության գաղտնիքով12:34, 29 ապրիլի
Հարուստներն իրենց քմահաճույքներն ունեն. նյույորքցի միլիարդատիրոջ արտառոց հարսանիքը՝ Եգիպտոսի Մեծ բուրգերի մոտ11:59, 29 ապրիլի
Քլոե Քարդաշյանի անձնական կյանքը հետին պլան է մղվել11:06, 29 ապրիլի
Բրիթնի Սփիրս. «Ընտանիքս ինձ ցավ է պատճառել»10:40, 29 ապրիլի
Քիմ Քարդաշյանը Lo Máximo Awards 2024 մրցանակաբաշխությանը ներկայացել է «mob wife aesthetic» ոճում10:11, 29 ապրիլի
«Եվրատեսիլ 2024»-ում Հայաստանի ներկայացուցիչներն արդեն Մալմյոյում են09:00, 29 ապրիլի
ԱՊՐԻԼԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը15:08, 28 ապրիլի
Սիլվեստր Ստալոնեն մեմուարներ է գրում13:30, 28 ապրիլի
Բրիթնի Սփիրսը համաձայնության է եկել հոր հետ11:44, 28 ապրիլի
Doja Cat-ը շատ համարձակ ու բաց լողազգեստով ցուցադրել է կազմվածքը