Ռուսական հայտնի մոդելավորող Վյաչեսլավ Զայցեւը կոտրել է ողնաշարը։ Ըստ Segodnya-ի, մի քանի շաբաթ առաջ հայտնի դիզայները լոգարանում սայթաքել ու ընկել է։ Հարվածը շատ ցավոտ է եղել, բայց Զայցեւը բժշկի չի դիմել։ Հաջորդ օրը ցավն ուժեղացել է, եւ նա ստիպված է եղել հիվանդանոց գնալ։ Աստղին հետազոտող բժիշկները փափուկ հյուսվածքների վնասվածք են հայտնաբերել եւ հիվանդին տուն են ուղարկել՝ խորհուրդ տալով շատ հանգստանալ։
Երկու օր անց Զայցեւը Փարիզ է մեկնել, իսկ չորս օր անց, վերադառնալով Մոսկվա, գնացել է Իվանովո։ Ամբողջ ընթացքում մոդելավորողը մեջքի շրջանում սուր ցավեր է ունեցել։ Իվանովոյում Զայցեւը ստիպված է եղել կրկին գնալ հիվանդանոց, քանի որ ցավն անտանելի է դարձել։ Որքան մեծ է եղել դիզայների զարմանքն ու սարսափը, երբ Իվանովոյի բժիշկները նրա մոտ 11-րդ եւ 12-րդ ողերի երկու կոտրվածք են հայտնաբերել։
«Բժիշկներն ինձ ասացին. «Սլավա, գժվե՞լ եք։ Ինչպե՞ս եք կարողանում քայլել։ Կարող են լուրջ հետեւանքներ լինել։ Դուք երկու ող ունեք կոտրված, անհապաղ վիրահատություն է հարկավոր»։ Ես ցանկանում էի Իվանովոյում վիրահատվել, բայց ինձ այնտեղ չընդունեցին, խորհուրդ տվեցին Մոսկվայի հիվանդանոց դիմել։ Վերադարձա Մոսկվա եւ Բուրդենկոյի անվան հիվանդանոցում ինձ վիրահատեցին»։
Վիրահատությունը մի քանի ժամ է տեւել եւ բժիշկները պնդել են, որպեսզի դիզայները վերականգնողական կուրս անցնի։ Սակայն Զայցեւն ուշադրություն չի դարձրել նրանց խորհրդին եւ մի քանի օր անց նորաձեւության ցուցադրություն է կազմակերպել։ Նրանք, ովքեր հավաքվել էին ցուցադրությանը, չեն էլ կասկածել, թե ինչ է ապրում հայտնի դիզայները։
Զայցեւը խոստովանում է, որ գրեթե չի հանգստանում, քանի որ լավագույն հանգիստն աշխատանքն է։ «Իհարկե, դժվարանում եմ քայլել։ Ցավը չի անցնում։ Բայց բժիշկներն ասում են, որ պետք է համբերել եւ շատ հանգստանալ։ Իսկ ինձ համար լավագույն հանգիստն աշխատանքն է։ Ես չեմ կարողանում պառկել, պետք է ինչ-որ բանով զբաղվեմ։ Ես գրեթե չեմ հանգստանում, այդ պատճառով վերականգնման գործընթացը, ամենայն հավանականությամբ, երկար կտեւի»։
Հետևեք NEWS.am STYLE-ին Facebook-ում, Twitter-ում և Instagram-ում
20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն