Դդումը բացառապես աշնանային մթերք է, որը հարուստ է աշնան գույներով, բույրով, մի փոքր քաղցր ու սուր համով։ Այս մթերքը հիանալիորեն կարելի է օգտագործել ուտեստներ պատրաստելիս եւ վայելել աշնան անձրեւային եղանակին, երբ միայն տաք ու համեղ մի բան ես ցանկանում ուտել։ Հայերը հիմնականում նախընտրում են դդումն օգտագործել աղանդեր պատրաստելիս, սակայն այսօր ես ձեզ կառաջարկեմ դդումով պատրաստվող ճաշատեսակներ, որոնք կարելի է մատուցել եւ որպես առաջին, եւ որպես երկրորդ ուտեստ։
Դդումով եւ չորահացով կրեմ-ապուր
Ուտեստը պատրաստելու համար անհրաժեշտ է 1 սոխ, 50գր. բեկոն, ռոզմարին, աղ, պղպեղ, 100 գր. յուղալի սերուցք (կարելի փոխարինել նաեւ ջրով) եւ իհարկե, դդում։ Սոխն ու բեկոնը պետք է մի փոքր տապակել ձիթապտղի յուղի մեջ։ Դդումն անհարժեշտ է քառակուսու ձեւով կտրատել եւ սերուցքի կամ ջրի մեջ շոգեխաշել։ Երբ դդումը կփափկի, կաթսայի մեջ կարելի է ավելացնել սոխն ու բեկոնը, համեմել աղով ու պղպեղով. ստացված զանգվածը պետք է լցնել բլենդերի մեջ։
Սխտորով չորահացերը նույնպես շատ հեշտ ու արագ պատրաստման եղանակ ունեն. ձեռքի տակ եղած հացը պետք է շերտերով կտրատել, մի փոքր ձիթապտղի յուղ, իսկ հետո առատորեն սխտոր քսել եւ 5-7 րոպե դնել ջեռոցի մեջ։
Ապուրը մատուցելուց առաջ պետք է մի քիչ ռոզմարին եւ քերած պարմեզան պանիր ավելացնել։
Բանջարեղենով ռագու
Այս ճաշատեսակի պատրաստման համար անհրաժեշտ է գազար, սոխ, սալորաչիր, հունական ընկույզ, դարչին, համեմի սերմեր, լոլիկ, 1 թեյի գդալ շաքարավազ, չիլի պղպեղ (ըստ ճաշակի)։ Գազարը, սոխը շերտազատում եք, տապակում ձիթապտղի յուղի մեջ եւ ավելացնում լոլիկը։ Այս ամենը շոգեխաշում եք մոտ 10 րոպե, մինչեւ գազարը կփափկի։ Այնուհետեւ ավելացնում եք դդումը, սալորաչիրը, շաքարավազը, համեմի սերմերը, մանրացված ընկույզը եւ չիլի պղպեղը։ Անհրաժեշտության դեպքում կարող եք նաեւ մի քիչ ջուր լցնել։ Այս ամենը պետք է շոգեխաշել մարմանդ կրակի վրա։
Ուտեստը պատրաստ է. այն կարելի է մատուցել եւ տաք, եւ սառը վիճակում։
Դդումով խավարտ մսագնդերին հետ մատուցելու համար
Խավարտը շատ հեշտ ու արագ պատրաստման եղանակ ունի։ Դրա համար անհրաժեշտ է դդումը քռակուսու ձեւով կտրատել, մանրացնել սամիթի պալարասոխուկը (հարցրեք մայրաքաղաքի սուպերմարկետներում) եւ 5 պճեղ սխտորը։ Այնուհետեւ այս ամենը պետք է լցնել կաթսայի մեջ եւ մի քիչ ջուր ավելացնել. ստացված զանգվածը համեմել աղով եւ սպիտակ պղպեղով։ Ի դեպ, ես նաեւ ավելացնում եմ խմելի-սունելի։ Ստացված զանգվածը եփում եք մոտ 10 րոպե. ուշադրություն, դդումը չպետք է շատ մանրացնել կամ երկար եփել, այլապես շիլայանման զանգված կստացվի։ Վերջում ավելացնում եք նաեւ համեմի սերմերը։
Իսկ մսագնդեր պատրաստելու համար անհրաժեշտ է թարմ աղացած միս, սոխ, սխտոր, ռոզմարին եւ մեկ ձու։ Այս բոլոր բաղադրիչները պետք է խառնել, գնդիկների տեսք տալ եւ տապակել բուսական յուղի մեջ։
Այս համեղ եւ անչափ ախորժաբեր ու հագեցնող ուտեստը պատրաստ է։ Բարի ախորժակ։
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը