• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

• Որքա՞ն պետք է տևի իդեալական համբույրը

  Ըստ Gottman Institute-ի՝ սեքսի, հարաբերությունների և ընտանիքների վերաբերյալ առաջատար հետազոտական, ուսուցողական և խորհրդատվական մարմնի՝ ավելի երկար համբուրվելը կարող է հանգեցնել ավելի մեծ կապի ձեր զուգընկերոջ հետ...

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

• Օրգազմը նպաստում է սեռական զուգընկերների միջեւ երկարատեւ կապի հաստատմանը

  Օրգազմը միայն հաճույքի կամ բազմացման համար չէ: Օրգազմը նպաստում է սեռական զուգընկերների միջեւ երկարատեւ կապի հաստատմանը․․․

• Տղամարդիկ ամուսնությունից հետո ավելի շատ քաշ են հավաքում, քան կանայք

  Տղամարդիկ ամուսնությունից հետո ավելի շատ քաշ են հավաքում, քան կանայք․․․

Ողջույն, որոշել եմ նամակ գրել ձեզ՝ հուսալով, որ մի օգտակար խորհուրդ կստանամ։ Ես ծայրահեղ հուսահատության գիրկն եմ ընկնել եւ արդեն չգիտեմ՝ ինչ պետք է անել։ Ես արդեն երկու տարի է ամուսնացած եմ։ Այնպես է ստացվել, որ ես ամուսնուս երկրորդ կինն եմ։ Երբ մենք ծանոթացանք, նա արդեն ամուսնալուծության հարցերով էր զբաղված։ Առաջին ամուսնությունից նա մեկ որդի ունի, ով վերջերս դարձավ 5 տարեկան։ Անկեղծ ասած՝ սկզբում նրա անցյալը բավականին անհանգստացնում էր ինձ, եւ ես երկար ժամանակ երկմտում էի իմ զգացմունքների եւ մեր հարաբերությունների հարցում, բայց ի վերջո, ես «հանձնվեցի». չէ՞ որ նա ոչ առաջին, ոչ էլ վերջին տղամարդն է, ով չի կարողացել դասավորել իր անձնական կյանքը։ Նշեմ, որ ամուսինս անկեղծորեն զգուշացրել էր ինձ, որ իր նախկին կինը փորձելու է խաթարել մեր կյանքն ու անդորրը, բայց ես հուսով էի, որ ժամանակի ընթացքում ամեն ինչ կկարգավորվի. չէ՞ որ մենք չափահաս ու քաղաքակիրթ մարդիկ ենք եւ կարող են ընդհանուր լեզու գտնել։

Ես երբեք չեմ ընդդիմացել ամուսնուս եւ իր երեխայի շփմանը. կարծում եմ, որ երեխան մեղավոր չէ, որ ծնողներն այլեւս չեն սիրում միմյանց։ Բացի այդ, ես աջակցում էի ամուսնուս, երբ նա փորձում էր ֆինանսապես օգնել իր նախկին կնոջը։ Սակայն նրա նախկին կինը պարզապես ագահ է։ Երբ ես եւ ամուսինս դեռ հանդիպում էինք, նա իրեն քիչ թե շատ քաղաքավարի էր դրսեւորում, բայց երբ իմացավ մեր ամուսնության մասին, կարելի է ասել՝ խելքը կորցրեց։ Իմ ամուսինը բավականին պարկեշտ անձնավորություն է. նա իր մեքենան, բնակարանը թողել է նախկին կնոջը եւ պարտաճանաչ վճարում է ալիմենտները։ Բայց այս ամենը մշտապես քիչ է այդ կնոջ համար։ Նա բոլորին հայտարարում է, որ ամուսինը իրեն ու երեխային սովամահության է մատնել, բայց համաձայնեք, ամսական 300000 դրամն այնքան էլ քիչ գումար չէ, բացի այդ, ամուսինս վճարում է նաեւ բոլոր կոմունալ վարձավճարները։ Սակայն այս ամենի հետ մեկտեղ այդ կինը պարբերաբար բավականին կլորիկ գումարներ է պահանջում։ Անկեղծ ասած՝ գումարներ պահանջելը ինձ այնքան էլ չի բարկացնում, քանի որ մենք երկուսս էլ բավականին լավ ենք վաստակում. ես շատ ուրախ կլինեի, որ նա բավարարվեր միայն գումարով։ Բայց այս կինը փորձում է նաեւ ներխուժել մեր կյանք եւ խաթարել մեր անդորրը։

Մի անգամ նա նույնիսկ գնացել է ամուսնուս աշխատավայր եւ նրա գործընկերների մոտ հիստերիկ տեսարաններ խաղացել. եկել ու սկսել է խելագարի պես գոռգոռալ, սպառնացել, որ ինքնասպանության կդիմի, բղավել, որ երեխան սովամահ է լինում։ Կամ կարող է կեսգիշերն անց զանգել եւ լացակումած ձայնով ասել, որ երեխան առողջական խնդիրներ ունի։ Ամուսինս անմիջապես գնում է նրա մոտ եւ պարզվում, որ երեխան պարզապես մի փոքր մրսել է։ Նույնիսկ չեմ ուզում պատմել, թե ինչ զզվելի խոսքեր է ասում իմ հասցեին, երբ զանգում է ինձ։ Սկզբում փորձում էի մարդկային լեզվով խոսել նրա հետ՝ հուսալով, որ նա կհասկանա ինձ ինչպես կինը՝ կնոջ։ Սակայն նա ինձ բացահայտորեն ասաց, որ երբեք հանգիստ չի թողնելու մեզ։ Իսկ ամենասարսափելին այն է, որ ժամանակի ընթացքում նրա զայրույթն ու կատաղություն ավելի է մեծանում։ Նա անգամ այնքան է «իջել», որ  երեխային օգտագործում ու տրամադրում է հոր դեմ։ Ես կասկածում եմ, որ նա հոգեկան խանգարումներ ունի։ Նրա վրա ոչինչ չի ազդում։ Անգամ իմ սկեսուրն ու իր մայրն են փորձել ինչ-որ մի կերպ խելքի բերել նրան, բայց անօգուտ։  Ընդհակառակը՝ ամեն օր դրությունն էլ ավելի է վատանում։  Մի անգամ ամուսնուս ակնարկեցի, որ կարելի է այդ կնոջը տանել հոգեբույժի մոտ, բայց նա լսել անգամ չի ուզում այդ մասին՝ պատճառաբանելով, որ չի կարող այդպես վարվել սեփական որդու հետ։ Բայց արդյունքում, տառապում են բոլորը՝ այդ թվում նաեւ ես... Այս իրավիճակն արդեն անտանելի է։ Ի՞նչ կարող եմ անել։ Ես ոչ մի լուծում չեմ տեսնում. ասես մղձավանջ լինի։

Անահիտ Գ.

Հետևեք NEWS.am STYLE-ին Facebook-ում, Twitter-ում և Instagram-ում