• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Այս ուրբաթ լի է արկածային եւ պատմական ճամփորդություններով. այս հարցում մեծապես կօգնեն «Վիկինգները» եւ «Անիծվածների կացարանը» ֆիլմերը, որոնցից առաջինը կստիպի ձեզ հայտնվել Բրիտանիայի՝ 9-րդ դարում կատարվող իրադարձությունների կենտրոնում, իսկ երկրորդը՝ զգալ 19-րդ դարի վերջին բնորոշ հոգեբուժարանի «հաճույքը»։

«Վիկինգներ» ֆիլմը պատմական մարտաֆիլմ է։ Անկեղծ ասած՝ կինոնկարը ոչ մի լուրջ, ինտելեկտուալ գաղափարներ չի առաջադրում, ինչպես «Խիզախ սիրտը» ֆիլմը, եւ իր մասշտաբներով զիջում է «Գլադիատորին»։ Այնուամենայնիվ, եթե ցանկանում եք ուրբաթ երեկոյան կտրվել առօրյա հոգսերից, չծանրաբեռնվել, եւ «գլուխն ազատել» ամենօրյա խնդիրներից, ապա «Վիկինգները» հենց այն է, ինչ անհրաժեշտ է ձեզ։

Իրադարձությունները զարգանում են Շոտլանդիայի ափերին, որտեղ վիկինգների առագաստանավը հայտնվում է փոթորկի մեջ եւ կործանվում։ Նրանց միակ փրկությունը վիկինգների բնակավայրը գտնելն է։ Բայց դրա համար անհրաժեշտ է անցնել մի շարք անծանոթ ու վտանգավոր վայրերով, որտեղ նրանք նախկինում երբեք չեն եղել։ Ավելին, պատահաբար վիկինգների մոտ գերի է ընկնում Շոտլանդիայի արքայադուստրը, եւ նրանք մտադիր են փրկագին պահանջել աղջկա դիմաց։ Բայց իհարկե, թագավորը չի պատրաստվում հանձնվել եւ անմիջապես հավաքում է իր «գայլերի ոհմակը»՝ իրենց կատաղությամբ ու վայրենությամբ հայտնի զինվորիների մի խումբ...

«Անիծվածների կացարանը» ֆիլմը նկարահանված է Էդգար Պոյի փոքրիկ վեպի հիման վրա, սակայն ֆիլմը շատ քիչ ընդհանրություններ ունի բնօրինակ ստեղծագործության հետ։ Դժվար է հասկանալ, թե ինչ ժանրի կինոնկար է այն, քանի որ իրականում ֆիլմը կարելի է եւ դրամա, եւ սարսափ, եւ քրեական, եւ սեւ կատակերգություն համարել։ Չնայած ֆիլմը ներկայացնում են որպես թրիլլեր եւ սարսափ, բայց այս ֆիլմերի սիրահարները հիասթափություն կապրեն, քանի որ ֆիլմ ընդհանրապես սարսափի զգացում չի առաջացնում. կան հատվածներ, որոնք անգամ հումորային ու զվարճալի են։

Ֆիլմը պատմում է երիտասարդ բժիշկ Էդվարդ Նյուգեյթի մասին, ով գալիս է մի հին հոգեբուժարան՝ փորձ ձեռք բերելու համար։ Այս բուժհաստատությունը հայտնի է նրանով, որ տեղի բոլոր հիվանդները սոցիալական բարձր շերտի ներկայացուցիչներ են։ Հիվանդներից մեկը՝ Էլիզա Գրեյվսը, գրավում է  երիտասարդ բժշկի ուշադրությունը։ Շուտով պարզվում է, որ հոգեբուժարանի գլխավոր բժիշկը՝ Սիլաս Լեմբը, իրականում բժիշկ չէ, այլ հոգեկան հիվանդ, իսկ իրական բուժանձնակազմը փակված է նկուղում։ Էդուրադը հասկանում է, որ Էլիզային փրկելու եւ այս իրավիճակից դուրս գալու համար նա ստիպված է ներթափանցել «բժիշկ» Լեմբայի գիտակցության մեջ...

Յուլիա Վարդանյան 

Հետևեք NEWS.am STYLE-ին Facebook-ում, Twitter-ում և Instagram-ում