Հոկտեմբերի 11-ից դեկտեմբերի 25-ն ընկած ժամանակահատվածում ստեղծագործող և կատարող Վահան Արծրունին հանդես կգա «Հինգ համերգային նախագիծ 2015» համերգաշարով: Այսօր կայացած մամուլի ասուլիսի ընթացքում Արծրունին խոսեց նախագծի և համերգաշարում ներառված ծրագրերի մասին:
«Յուրաքանչյուր արվեստագետի համար գոյություն ունեն կլոր տարեթվեր: Իմ դեպքում խոսքը գնում է ծննդյանս 50 և բեմական գործունեության 30-ամյակի մասին: Այսպես` որոշեցի վաղուց իմ մեջ առաջացած այս համերգաշարի գաղափարը կյանքի կոչել»,-նշեց երաժիշտը` ընդգծելով, որ համերգների ընթացքում ներկայացնելու է այն արվեստը, որին հավատարիմ է եղել այս 30 տարիների ընթացքում:
«Իմ արվեստը եղել է իմ հայրենիքը, որտեղ կարողացել եմ ինքնադրսևորվել: Սա մի ընթացք է եղել, որում ունեցել եմ թե՛ դժվարություններ, թե՛ հաջողություններ, բայց բացի դրական ապրումներից, ուրիշ ոչինիչ չեմ զգացել»,-ասում է Արծրունին և շեշտում. «Այս հինգ համերգային ծրագրերը ցանկանում եմ ներկայացնել` իբրև ստեղծագործական հաշվետվություն: Համերգներից յուրքանչյուրը ներկայացնելու է որոշակի ժանր և չի կրկնվելու, իսկ գալահամերգը տեղի կունենա դեկտեմբերի 25-ին, որի ընթացքում արդեն կամփոփենք այդ հինգ համերգները »:
Արծրունին նշեց, որ համերգների ընթացքում կհնչեն և՛ արդեն հայտնի ու սիրված ստեղծագործություններ, և՛ նոր կատարումներ:
Խոսելով մեծ բեմի և ակումբային համերգների տարբերության մասին` երաժիշտն ասաց. «Բեմն այլ տեսակ է… հանդիսատեսի հետ շփումն այլ է, դու բեմի վրա ես կանգնած, հանդիսատեսը նստած հետևում է քեզ, ակումբում ավելի անմիջական է հանդիսատեսի հետ շփումը: Ես ոչ կհամեմատեի այս երկու հարթությունները, ոչ էլ կառանձնացնեի միմյանցից»:
Անդրադառնալով իր հանդեսին` Արծրունին նշեց. «Եթե առաջ իմ հանդիսատեսի շարքում միայն իմ հասակակիցներն էին, ապա այսօր ուրախ եմ, որ համերգներիս գալիս են տարբեր տարիքային խմբի մարդիկ` սկսած 14 տարեկանից»:
Վահան Արծրունին նաև շնորհակալություն հայտնեց ՀՀ առաջին տիկին Ռիտա Սարգսյանին, ում հովանու ներքո էլ իրականացվում է այս նախագիծը:
Բոլոր նրանց, ովքեր ցանկություն ունեն ներկա գտնվելու երաժիշտի համերգներին, տեղեկացնենք, որ դրանք անցկացվելու են հետևյալ օրերին`
Հոկտեմբերի 11-ին` ժ. 19:00, Կոմիտասի անվան կամերային երաժշտության տուն:
Հոկտեմբերի 28-ին` ժ. 19:00, Առնո Բաբաջյանի անվան ֆիլհարմոնիկ փոքր համերգասրահ:
Նոյեմբերի 9-ին` ժ. 19:00, Հ.Թումանյանի անվան ԵՊՏԹ
Նոյեմբերի 30-ին` ժ. 19:00, Հ.Թումանյանի անվան ԵՊՏԹ
Դեկտեմբերի 25-ին` ժ. 19:00, Արամ Խաչատրյանի անվան Մեծ ֆիլհարմոնիկ համերգասրահ:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
15:06, 4 մայիսի
Դերասանուհի Թիֆանի Հադիշը ցանկանում էր սեքսով զբաղվել Հենրի Քավիլի հետ, սակայն նրա հետ հանդիպելուց հետո մտափոխվել է13:29, 4 մայիսի
Քեւին Սփեյսի. նոր վավերագրական ֆիլմում 10 տղամարդ «անհոգի հրեշին» մեղադրում են սեռական ոտնձգության մեջ12:30, 4 մայիսի
Քլոե Քարդաշյանն ակնարկել է, որ բաց է կնոջ հետ հարաբերությունների համար12:08, 4 մայիսի
«Էթնո ջազ» խորագրով համերգը`նվիրված Սերգեյ Փարաջանովի 100-ամյա հոբելյանին (ֆոտո)11:13, 4 մայիսի
Սերենա Ուիլյամսը ծննդաբերությունից 9 ամիս անց անհավանական տեսք ունի սպիտակ լողազգեստով10:17, 4 մայիսի
Հղիության մասին լուրերի ֆոնին Քայլի Ջենները ցուցադրել է իր հարթ որովայնը09:00, 4 մայիսի
ՄԱՅԻՍԻ 4-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 3 մայիսի
Ֆորմուլա 1-ի լեգենդ Միխայել Շումախերի ութ շքեղ ժամացույցներ աճուրդի են հանվել22:08, 3 մայիսի
Հոլլի Բերին տարված է իր դաշտանադադարով և հրապարակայնորեն խոսում է այդ մասին21:14, 3 մայիսի
NEWS.am STYLE-ի նոր սյունակ. Ծաղիկներ տանը և ոչ միայն. Ինչպես չսպանել խոլորձը և ծաղկեցնել20:26, 3 մայիսի
Wine Story. Սովինյոն Բլանի միջազգային օր՝ ձեր սիրելի սպիտակ գինու տոն19:43, 3 մայիսի
Կոպենհագենում Միշլեն աստղով ռեստորանները ամենաթանկն են աշխարհում