• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

Պարզվում է` երգչուհի Աստղիկ Սաֆարյանը, իսկական, կինոման է: Աստղիկը դեռ 10 տարեկանից դիտել է այնպիսի ֆիլմեր, որոնք բնույթով բարդ են եղել եւ խորիմաստ:

«Պետք է խոստովանեմ, որ այդ ֆիլմերն իմ ինքնադաստիարակության հարցում շատ մեծ դեր են խաղացել, քանի որ դրանք ուսուցողական են եղել: Բաղմաթիվ ֆիլմեր եմ դիտել` տարբեր ժանրերի մեջ: Դժվար է ընդամենը հինգը առանձնացնելը»,-մեզ հետ զրույցում նշեց երգչուհին, որին, այնուամենայնիվ, հաջողվեց կողմնորոշվել եւ թվարկել իր ամենասիրելի հինգ ֆիլմերը: Ահա դրանք.

«Պալատականը»/The Butler

«Այս ֆիլմը ներկայացնում է մի սեւամորթ ծառայողի հոգեվիճակը` թե ինչպես է նա հասարակ «կոշիկ մաքրողից» դառնում Սպիտակ տան գլխավոր պալատականը: Ֆիլմում ցուցադրվում է, թե ինչպիսի մեծ աշխարհ կա այդ ծառայողական բնագավառում, որտեղ նա հասնում է իր «կարիերայի գագաթնակետին»: Նա իր ամբողջ կյանքում ծառայում է Սպիտակ տանը` ի վերջո հասնելով նրան, որ Միացյալ Նահանգների նախագահն անձամբ նրան հրավիրում է իր մոտ ճաշելու` որպես հյուր, այլ ոչ թե սպասավոր: Ըստ իս` հիանալի ֆիլմ է, որից շատ բան կարելի է սովորել»:

«Տրոյա»/Troy

«Պատմական ֆիլմերի շաքում սա, կարելի է ասել, ինձ համար ամենատպավորիչն է: Ֆիլմում տեսնում ես հզոր պայքար, պատմական արժեքներ, պատերազմ, իսկական տղամարդկային կերպարներ, սեր, պաշտպանություն, հաղթանակ եւ, իհարկե, Աքիլեսին, որն ինձ համար շատ ուժեղ, վճռական, արդար եւ հաղթող տղամարդու կերպար է: Ըստ իս Բրեդ Փիթին շատ ճիշտ են ընտրել այս երանելի տղամարդու կերպարը մարմնավորելու համար: Նա կարողացավ այս կերպարը դարձնել շատ տպավորիչ»:

«Սապատավոր լեռը»/Brokeback Mountain

«Կարծում եմ` շատ խորը ֆիլմ է` մարդկանց հոգեւոր կապի մասին: Այստեղ տեսնում ես երկու հոգու, որոնք գտել են միմյանց անմարդաբնակ սարերում: Բոլորի համար այդ դատարկ թվացող սարերը դարձան նրանց երջանկության աշխարհը: Անկախ նրանից, թե կյանքն ինչ ճանապարհով էր տանում նրանց, նրանք հոգով հավատում էին միմյանց: Բայց քանի որ հասարակությունը քարկոծում էր նրանց կապը, նրանք ստիպված էին դա գաղտնի պահել: Նրանք միմյանց հանդիպում էին միայն իրենց «աշխարհում»: Ջեք Ջիլենհոլն ու Հեթ Լեջերը բարձրակարգ դերասաններ են եւ հրաշալի կերպով կարողացել են կերտել այդ կերպարները, որոնց միջոցով անմիջապես փոխանցում են այդ ազնիվ զգացմունքն ու պարգեւում հուզմունք»:

«Ժամանակ»/In Time

«Համոզված եմ` նա, ով դիտել է այս ֆիլմը, միանշանակ, սկսել է գնահատել իր ժամանակը: Երբ օդեղենը վերածվում է նյութականի, միայն այդժամ ես հասկանում, թե ինչքան թանկ արժե մեր ժամանակը եւ որքան սխալ ենք երբեմն մենք այն օգտաործում: Ջասթին Թիմբերլեյքը, չլինելով դերասան, կարողացել է իր խաղով հեռուստադիտողին լարված պահել եւ փոխանցել ֆիլմի գլխավոր խորհուրդը: Սա եւս մեկ անգամ ապացուցում է նրա բազմատաղանդ լինելը»:

«Գերազանցում»/Transcendence

«Իսկապես, տպավորվել եմ այս ֆիլմից: Ֆիլմի հերոսը, որին մարմնավորում է Ջոնի Դեփը, ինքն իր կյանքը զոհաբերելով` ստեղծում է ապագայի մի նոր գիտություն, որը կարող է լուծել ցանկացած հարց: Ֆիլմը դիտելիս, անկեղծ ասած, մի փոքր վախեցա մեր ապագայի համար: Այն դիտելիս հասկանում ես, որ ապագայում նորանոր տեխնոլոգիաները կարող են բերել նրան, որ ստանաս բոլոր խնդիրներիդ լուծումները` առանց բժիշկի միջամտության բուժվես, նույնիսկ, դառնաս անմահ: Հասկանում ես, որ մերօրյա տեխնոլոգիաները որքան էլ, որ օգտակար են երեւում, իրականում, մեզ տանում են անզգայացման: Կարծում եմ` ֆիլմն ակնարկում է, որ մի կողմից` լավ է, որ կան գյուտեր, բայց մյուս կողմից էլ` այդ նույն գիտության սխալ օգտագործումը կարող է կործանիչ լինել մարդկանց համար»:

Սյունե Առաքելյան

Լուսանկարը` Աստղիկ Սաֆարյանի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում