Մինչ միասին ապրելու որոշում կայացնելը, մտածեք այս կետերի մասին։
1. Կիսեք տնային գործերը
Ժամանակները փոխվել են: Տան հոգսը եւ հարմարավետության ստեղծումը եւ կնոջ, եւ տղամարդու պարտականություններն են: Եթե երկուսդ էլ աշխատում եք, պարզ է. գործերը հավասար կիսվում են: Իսկ եթե ձեզանից մեկն ավելի շատ է աշխատում, քան մյուսը, գուցե արժե, որ վերջինս ավելի շատ պարտականություններ ստանձնի կենցաղային հարցերի վերաբերյալ: Այսօրվա դրությամբ այլեւս չի գործում հին «օրենքը», որի համաձայն, կանայք պիտի ամբողջությամբ վարեին տնային տնտեսությունը: Անհրաժեշտ է օպտիմալ պայմաններ ստեղծել, որոնք կարող են կախված լինել աշխատավայրում ձեր ծանրաբեռնվածությունից:
2. Համաձայնեցրեք բյուջեն
Դուք պիտի այնպիսի բանաձեւ գտնեք, որի օգնությամբ երկու աշխատող զուգընկերն էլ միասին կիսեն ընդհանուր ծախսերը եւ որոշեն անձնական ծախսերի գումարը: Չնայած առաջին հայացքից այս թեման բոլորովին ռոմանտիկ չէ, բայց հենց այդ հարցը երկար տարիներ կպահպանի խաղաղությունը Ձեր ընտանիքում: Դուք պիտի գիտակցեք, որ եթե մարդը պատրաստ է ֆինանսական հարցերում թափանցիկության, եթե նա համաձայն է Ձեզ տեղյակ պահել իր պլաններին, դա միայն կամրապնդի ձեր հարաբերությունները` չխախտելով որեւէ մեկի ազատությունը:
3. Կյանքը ընտանիքում
Ամուր հարաբերությունները տանում են դեպի «սեփական» ընտանիքի ստեղծում: Դա նշանակում է պահպանել նորմալ եւ լավ հարաբերությունները ամուսիններից յուրաքանչյուրի ընտանիքի հետ: Սակայն ազգականների միջեւ ինտրիգներ եւ տարաձայնություններ են հնարավոր, եթե ընտանիքի կարծիքով, Ձեր զուգընկերն այնքան էլ չի «համապատասխանում» Ձեզ: Դա ընդամենը փչացնում է հարաբերությունները ինչպես Ձեր «սեփական» ընտանիքում, այնպես էլ սիրելի ազգականների հետ: Եթե ինչ-որ մեկը որոշում է ամուսնանալ կամ միասին ապրել, դա նշանակում է, որ ուզում եք ավելի շատ ուշադրություն հատկացնել այն մարդուն, որին անձամբ Դուք եք ընտրել: Հավասար ուշադրություն հատկացրեք Ձեր բոլոր սիրելի մարդկանց: Չէ որ նրանք ուղղակի վախենում են կորցնել Ձեզ:
4. Երեխաներ. ունենա՞լ, թե՞ ոչ
Այդ հարցի վերաբերյալ պետք է հստակորեն պայմանավորվել հարաբերությունների հենց սկզբում: Կարեւոր է հասկանալ, որ անկախ նրանից` ուզում եք երեխա, թե ոչ, այդ որոշումը պետք է երկկողմանի լինի:
5. Երեխաների կրթությունը
Երբ որոշեք` ուզում եք արդյոք երեխա ունենալ, մեկ այլ հարց է ծագում, որը վճռորոշ նշանակություն է ձեռք բերում եւ կարող է լուրջ տարաձայնություններ առաջ բերել. նրանց կրթությունը: Զույգը պիտի գիտակցի, որ կրթությունն էականորեն կախված է ծնողների անձնական կարիերայի աճից:
6. Որոշումներ կայացնելու մոդելը
Դուք ի սկզբանե պիտի հասկանաք, թե ինչպես են ընդունվելու լուրջ որոշումները Ձեր ընտանիքում. կամ մեկը պիտի ստանձնի ամբողջ պատասխանատվությունը, կամ էլ դա պիտի երկկողմանի որոշում լինի: Յուրաքանչյուր զույգ պիտի ստեղծի այն մոդելը, որն ամենից ավելի է համապատասխանում հենց իրեն:
7. Կարիերա
Երկու զուգընկերոջ կարիերան էլ շատ կարեւոր է, ինչպես նաեւ` նրանց անհատական ցանկությունները: Անհրաժեշտ է քննարկել իրար ցանկությունները եւ ձգտումները, որովհետեւ դա անմիջականորեն ազդում է հարաբերությունների վրա: Կարիերայի սանդուղքով առաջընթացն իր հետ մի շարք փոփոխություններ է բերում, օրինակ` տեղափոխությունը քաղաքի կամ նույնիսկ երկրի այլ շրջան: Այդ «թույլատրելի» փոփոխությունների սահմանները պիտի նախապես համաձայնեցվեն: Բայց երբեք մի մոռացեք, որ միշտ պետք է ազատ ժամանակ թողնել ընտանիքի համար: Եթե ուզում եք լավ հարաբերություններ ունենալ, պիտի հավասարակշռեք ձեր գրաֆիկը:
8. Կրոն, մշակույթ, արժեքներ
Անհրաժեշտ է գնահատել եւ հարգել զուգընկերներից յուրաքանչյուրի հավատը:
9. Բնակարանային հարց
Տո՞ւն թե բնակարան: Ա՞յս շրջանում: Ո՞ւմ կողքին: Այս հարցերը հասարակ են թվում, բայց շատ են ազդում զույգի հարաբերությունների եւ կյանքի որակի վրա: Դուք պիտի հասկանաք, որ բոլորի համար եւ միշտ պիտի հարմարավետ լինի:
Աղբյուրը` Klubber
Հետևեք NEWS.am STYLE-ին Facebook-ում, Twitter-ում և Instagram-ում
15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ