• «Ձեր կյանքի ամենաերկար և ամենագեղեցիկ հաղթանակը թող ձեր սերը լինի». Նազենի Հովհաննիսյան  

  Հաղորդավարուհի և դերասանուհի Նազենի Հովհաննիսյանը ներկա է գտնվել օլիմպիական չեմպիոն Արթուր Ալեքսանյանի և նրա ընտրյալ Անիի հարսանեկան արարողությանը, որն անցկացվել է Կիպրոսում։ Նազենին սոցիալական ցանցի իր էջում հրապարակել է հարսանիքից լուսանկարներ և ջերմ շնորհավորանք հղել...

• Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս  

  Այս անգամ մեր բլից զրույցի հյուրը ռեժիսոր Մարիկա Դովլաթբեկյանն է։ Փորձել ենք նրան ճանաչել ոչ թե մասնագիտական կենսագրության, այլ անձնական նախասիրությունների, փոքրիկ վախերի, երազանքների ու կյանքի հանդեպ վերաբերմունքի միջոցով...

• Երեք հայ ընդգրկվել է Լոս Անջելեսի 34 ազդեցիկ տղամարդկանց ցանկում․ «Los Angeles Magazine»  

  «Los Angeles Magazine» պարբերականն իր ամենամյա «2026 L.A. Man List» ցանկում միանգամից երեք հայի է ընդգրկել։ Ցանկը ներառում է այն 34 տղամարդկանց, որոնք նշանակալի ազդեցություն ունեն Լոս Անջելեսի մշակութային, գործարար և հասարակական կյանքի վրա...

• Նոր կադրեր՝ Արթուր Ալեքսանյանի հարսանիքից  

  Օլիմպիական չեմպիոն Արթուր Ալեքսանյանի հարսանեկան արարողությունը տեղի է ունեցել նոյեմբերի 8-ին՝ Կիպրոսի Լիմասոլ քաղաքում։ Մարզիկն ամուսնացել է Անիի հետ, որը նույնպես Գյումրիից է...

• Սերժ Ավետիքյան. «Հայկական կինոն պետք է խոսի աշխարհին հասկանալի լեզվով»  

  Արհեստական բանականությունը խելացի է, բայց ոչ մարդու պես։ Այն համադրում է տեղեկույթն ու փորձում գտնել պատասխանելու ամենաճիշտ տարբերակը։ Սակայն մարդուն միշտ չէ, որ ամենաճիշտ պատասխանն է պետք։ Մարդը պետք է արձագանքի հույզերով, իր ուրույն և ինքնատիպ ընկալմամբ...

• Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն (VIDEO)

  S.am STYLE-ի տաղավարում դերասանուհի Աիդա Կարապետյանը ու նրա ամուսինը՝ Արամ Խանսամանյանը, առաջին անգամ պատմում են իրենց սիրո պատմությունը…

• Ներկայացվել է «Մոնթե» գեղարվեստական ֆիլմի պաշտոնական թրեյլերը

  Ֆիլմի պրեմիերան նախատեսված է նոյեմբերի 25-ին...

• Մեծ էկրաններին արդեն ամանորյա տրամադրություն է․ «Հարսնացուն Ամերիկայից կամ Նոր տարվա կինո 2» ֆիլմի պրեմիերան  

  Ֆիլմն ամանորյա նոր կատակերգություն է, որը խոստանում է ոչ միայն ծիծաղ ու տոնական տրամադրություն, այլև սիրո, ընկերության ու մարդկային արժեքների մասին հուզիչ պատմություն...

Հայ ճանաչված դերասան Մկրտիչ Արզումանյանի («Կարգին» Մկո) անունը վերջին շրջանում հաճախ է հայտնվում մամուլում: Սովորաբար խոսքը նոր ֆիլմի մասին է լինում, որտեղ նա նկարահանվում է Հովհաննես Ազոյանի հետ: NEWS.am STYLE-ը որոշեց փոքր-ինչ տարբերվել եւ դերասանի հետ զրուցել այլ թեմաների՝ տրանսպորտի, վթարների, խցանումների, ինչպես նաեւ Երեւանի Հանրապետության հրապարակում Հայկոյի ու Մկոյի հուշարձանը կանգնեցնելու հնարավորության մասին:

Մկո, ի՞նչ եք մտածում քաղաքային տրանսպորտի ուղեվարձի թանկացման մասին:

Իսկ Դուք ի՞նչ եք կարծում: Իհարկե, ես դեմ եմ, քանի որ առանց այդ էլ մեր ժողովրդի յուրաքանչյուր լուման հաշված է, հիմա էլ՝ այս: Այդ 50 դրամը զգալի ազդեցություն կունենա հայերի գրպանի վրա: Կարծում եմ՝ պետությունը պետք է այնպես աներ, որ թանկացումները չազդեին քաղաքացիների վրա:

Բայց չէ՞ որ սա քաղաքի միակ խնդիրը չէ: Երեւանում ավելացել են խցանումները: Կարծում եք՝ ի՞նչն է պատճառը:

Առաջին պատճառը, իհարկե, ավտոմեքենաների մեծ քանակությունն է: Դրանց թիվն օրեցօր ավելանում է, եւ այդ հարցում ոչինչ անել հնարավոր չէ: Պատճառներից մեկն էլ այն է, որ վարորդների թվում շատ են սկսնակները, ինչը բարդացնում է ճանապարհային երթեւեկությունը:

Ցանկանում եմ նշել, որ Ճանապարհային ոստիկանության աշխատակիցները նույնպես մեղքի իրենց բաժինն ունեն, քանի որ հաճախ կանգնում են մոտակայքում եւ ոչինչ չեն անում: Նրանց խնդիրը ճանապարհային երթեւեկությունը կարգավորելն է: Պետք է հիշեն այդ մասին:

Հաճախ խցանումներ են առաջանում նաեւ վթարների պատճառով: Ինչպե՞ս եք գնահատում ապահովագրական ընկերությունների աշխատանքը:

Միանգամայն համաձայն եմ Ձեզ հետ: Ճանապարհին խնդիրներ են առաջանում նաեւ վթարների կամ ապահովագրական ընկերությունների չկարգավորված աշխատանքի արդյունքում: Ամբողջ աշխարհում ապահովագրությունը պարտադիր է, բայց Հայաստանում այդ ոլորտը դեռեւս կարգավորված չէ: Մարդիկ վթարի վայրում կանգնում եւ ժամերով սպասում են…

Եվս մեկ ոչ ստանդարտ հարց. ո՞ւմ հուշարձանը կտեղադրեիք Երեւանի Հանրապետության հրապարակում:

Հայ ժողովուրդը բազմաթիվ մեծեր ունի: Հենց նրանց հուշարձաններն էլ պետք է տեղադրել հրապարակում: Բայց հիմա դժվարանում եմ որեւէ անուն նշել, քանի որ այդպիսիք շատ են…

Իսկ ինչպե՞ս կարձագանքեք, եթե հրապարակում Հայկոյի հետ Ձեր արձանը կանգնեցնեն:

Մեր հուշարձանն ինչի՞ համար է: Մենք դրա կարիքը չունենք: Եթե կենդանության օրոք հուշարձան են կանգնեցնում, արդեն վատ է:

Մենք որոշեցինք այլեւս չչարաշահել Մկոյի համբերությունը, քանի որ վերջին հարցն ակնհայտորեն նրա սրտով չէր…

Ռուզաննա Մանուկյան

Հետևեք NEWS.am STYLE-ին Facebook-ում, Twitter-ում և Instagram-ում