Երեւանի «Ոսկե ծիրան» միջազգային կինոփառատոնի եւ Հայաստանի կինեմատոգրաֆիստների միության նախաձեռնությամբ երեկ՝ նոյեմբերի 5-ին, «Շառլ Ազնավուրի անվան հրապարակում բացվեց անվանի կինոօպերատոր Ռուդոլֆ Վաթինյանի աստղը։
«Ոսկե ծիրան» կինոփառատոնի գեղարվեստական տնօրեն Կարեն Ավետիսյանը ցավով է նշում, որ հանրահայտ օպերատորի աստղը բացվել է հետմահու` նրա հոբելյանական տարին նշանավորելու համար:
«Եթե, պարզապես, հիշատակի աստղ չէ, այլ կապված է տվյալ տարվա ընթացքում մեծություններից մեկի` կյանքից հեռանալու հետ, մեզ համար, անխոս, դա շատ տխուր փաստ է լինում, եւ մենք չենք ցանկանում, որ այդ տրամաբանությունից ելնելով այս պուրակն ընդլայնվի, բայց, ցավոք, շատ կորուստներ ունեցանք` ոչ միայն կինոյի ասպարեզում, այլեւ` առհասարակ: Վաթինյանն ընդհանուր կինոոլորտում կարեւոր դեր ուներ, եւ նրա մահը ծանր կորուստ էր ամբողջ դաշտի համար»,-իր խոսքում նշեց Ավետիսյանը:
Աստղի բացման արարողությանը հաջորդեց Ռուդոլֆ Վաթինյանի ծննդյան 80-ամյակին նվիրված «Վերջին արդիները. Ռուդոլֆ Վաթինյան ֆոտո-դիմանկարները՝ 1960-80թթ» ցուցահանդեսը, որը բացվեց Միրզոյան գրադարանի ցուցասրահում:
«Սա հարգանքի տուրք է մի մարդու, որը երկար տարիներ աշխատել է Հայաստանի կինոգործիչների միությունում եւ որն, առհասարակ, մեծ ներդրում ունի հայկական կինոյում»,- հավելեց Հայաստանի ազգային կինոկենտրոնի նախագահի խորհրդական Արայիկ Մանուկյանը:
Ռուդոլֆ Վաթինյանը ճանաչված հայ լուսանկարիչ եւ կինոօպերատոր էր, որն աշխատել է այնպիսի անվանի ռեժիսորների հետ, ինչպիսիք են Ալբերտ Մկրտչյանը, Վիգեն Չալդրանյանը, Յուրի Երզնկյանը, Կարեն Գեւորգյանը եւ այլք:
Վաթինյանն ավարտել է Մոսկվայի կինեմատոգրաֆիստների համամիութենական ինստիտուտը: Աշխատել է «Հայֆիլմ» կինոստուդիայում, եղել է Հայաստանի կինեմատոգրաֆիստների միության քարտուղարը: Ճանաչվել է լավագույն օպերատոր, մրցանակների է արժանացել «Սիրով եւ երախտագիտությամբ», «Օգոստոս», «Տեր ողորմյա» ֆիլմերի համար: Հայտնի է նաեւ «Խաթաբալա», «Հին օրերի երգը», «Մեր մանկության տանգոն», «Ուրախ ավտոբուս» եւ այլ սիրված նախագծերում իր աշխատանքով:
Ռուդոլֆ Վաթինյանը կյանքից հեռացել է 2021 թ-ի հունվարին՝ 79 տարեկանում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»15:36, 9 մայիսի
«Լադանիվա»-ն այսօր ելույթ կունենա «Եվրատեսիլ 2024» երկրորդ կիսաեզրափակչին․ ի՞նչ է լինելու բեմում15:26, 9 մայիսի
Ռոբերտ Դե Նիրոյին նվիրված առաջին փառատոնը տեղի կունենա Նյու Յորքում14:34, 9 մայիսի
Կիանու Ռիվզը ցանկանում է նկարահանել «Արագություն» ֆիլմի երրորդ մասը՝ Սանդրա Բուլոքի մասնակցությամբ13:23, 9 մայիսի
Շակիրան մեծ հաղթանակ է տարել Իսպանիայում իր հարկերի վերաբերյալ երկրորդ հետաքննության ընթացքում12:50, 9 մայիսի
Շեքսպիրի «անտեսված» կերպարը՝ յուրովի մեկնաբանությամբ. Արա Երնջակյանը ներկայացրեց «Հորացիոյի գաղտնիքը» գիրքը12:16, 9 մայիսի
Փերիս Հիլթոնը եւ Նիկոլ Ռիչին վերադառնում են ռեալիթի շոու11:18, 9 մայիսի
Քլոե Քարդաշյանը պատմել է, թե ինչպես է նիհարել 36 կիլոգրամով10:55, 9 մայիսի
Քիմ Քարդաշյանը «կոտրված Margiela տիկնիկի» դերում