Հայաստանի ներկայացուցիչ Ռոզա Լինը ելույթ է ունենալու «Եվրատեսիլ 2022»-ի եզրափակչի առաջին կեսում: Այս մասին պարզ է դարձել մրցույթի առաջին կիսաեզրափակչի ավարտից հետո` եզրափակիչ անցած տասը երկրների ներկայացուցիչների մամուլի ասուլիսի ժամանակ իրականացված վիճակահանության արդյունքում:
Ռոզան, որն իր Snap երգով հաղթահարել է կիսաեզրափակիչ փուլը, պատասխանել է նաեւ լրագրողների հարցերին: Հայաստանի ներկայացուցչից հետաքրքրվել են` ի՞նչ է զգում գիտակցելով, որ իր շնորհիվ Հայաստանը, վերջապես, կրկին ստացավ եզրափակչի ուղեգիր (վերջին տարիներին հայ մասնակիցներին չէր հաջողվում հաղթահարել կիսաեզրափակիչ փուլը).
«Ես չափազանց հայրենասեր մարդ եմ, եւ հպարտ եմ, որ իմ` եզրափակիչ անցնելով ուրախացրել եմ իմ հայրենակիցներին: Վերջին երկու տարում մենք շատ փորձությունների միջով ենք անցել, եւ ես ավելի, քան ուրախ եմ, որ կարողացա իմ ժողովրդի դեմքին ժպիտ առաջացնել»,-նշել է երգչուհին` հավելելով, որ իր հաջողությունն առավել, քան կարեւոր նշանակություն ունի իր ընտանիքի համար,-«Նախորդ տարիների ընթացքում հարազատ մարդկանց կորուստ էլ եմ ունեցել, եւ իմ ընտանիքը եւս սարսափելի ժամանակներ է ապրում... Ինձ համար շատ կարեւոր է, որ այսօր կարողացա ընտանիքիս էլ ժպիտ պարգեւել»:
Առավել ուշադիր լրագրողները նկատել էին, որ երգչուհու ելույթի ժամանակ տեխնիկական փոքրիկ խնդիր է եղել, եւ Ռոզան երկրորդ փորձից է կարողացել պոկել թղթե օղակը, ինչը, սակայն, չի խանգարել նրա` փայլուն ելույթին: Երգչուհուն հարցրել են` չի՞ հուզվել, արդյոք, այդ պահին.
«Իհարկե, շատ անսպասելի պահ էր, քանի որ փորձերին ամեն բան նորմալ էր, բայց կարծում եմ` բեմի մարդը պետք է պատրաստ լինի ամեն ինչի: Հուսով եմ` ինձ մոտ ստացվեց հնարավորինս պրոֆեսիոնալ դուրս գալ իրավիճակից»,-ժպիտով պատասխանել է նա:
Ինչ վերաբերում է «Եվրատեսիլ 2022»-ի եզրափակչին, այն տեղի է ունենալու մայիսի 14-ին, իսկ մինչ այդ` մայիսի 12-ին, անցկացվելու է մրցույթի երկրորդ կիսաեզրափակիչը, որի արդյունքում էլ կվորոշվի եզրափակչի մյուս տասնյակը:
Սյունե Առաքելյան
Լուսանկարները՝ EBU/Andres Putting
Հետևեք NEWS.am STYLE-ին Facebook-ում, Twitter-ում և Instagram-ում
23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում22:24, 8 մայիսի
Մայքլ Դուգլասը համեմատել է սեքսուալ տեսարանների նկարահանումները իր ծաղկման ժամանակների հետ. «Ես անցել եմ այն տարիքից, երբ պետք է անհանգստանայի»21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին