Դերասանուհի Անի Լուպեն բավական ակտիվ է սոցցանցերում, որտեղ, պարբերաբար, կիսվում է նոր լուսանկարներով: Ֆոտոշարքերում 38-ամյա դերասանուհին աչքի է ընկնում ոչ միայն հրապուրիչ ֆիզիկական տվյալներով, այլեւ թարմ մաշկով ու հմայիչ ժպիտով: STYLE-Beauty խորագրի ներքո NEWS.am STYLE-ը փորձել է պարզել՝ որն է դերասանուհու հմայքի գաղտնիքն ու ինչ միջոցներով է խնամում իր մաշկը:
Անին չկարողացավ մտաբերել, թե երբվանից է սկսել զբաղվել մաշկի խնամքով,-«Միայն հիշում եմ, որ երբ չկային շատ գեղեցկության սրահներ եւ դեմքի խնամքի համար նախատեսված նյութերն այսքան տարածված չէին, տանը ելակով, վարունգով ու բանանով դիմակ էի պատրաստում եւ դնում դեմքիս»,-պատմում է դերասանուհին:
Կախված եղանակից՝ Լուպեն խնամքի տարբեր միջոցներ է նախընտրում, նշում է, որ ամենասիրելի ձեւը դեմքի մերսումն է:
«Աշխատում եմ հասցնել խնամքիս ժամանակ տրամադրել, բայց իմ աշխատանքային գրաֆիկն այնպիսին է, որ երբեմն չի հաջողվում դա անել, ավելի ճիշտ՝ ալարում եմ»,-խոստովանում է նա:
Անին խորհուրդ չի տալիս ինքնուրույն մտածել դեմքը խնամելու դիմակների բաղադրատոմսեր,-«Ինքս չունեմ նման բաղադրատոմսեր, որովհետեւ այն, ինչ վերաբերում է դեմքիս մաշկին, ես վստահում եմ միայն պրոֆեսիոնալ մասնագետներին: Իմ կողմից մարդկանց խորհուրդ տալը սխալ կլինի, որովհետեւ յուրաքանչյուրի մաշկը տարբեր է․ կարող եմ ասել, որ ես՝ ինքս, խոնավեցնող կրեմներ եմ հաճախ օգտագործում»:
«Ազիզյանները» սիթքոմից եւ թատրոնի բեմից հայտնի դերասանուհին կարծում է՝ ճանաչված լինես, թե ոչ, խնամված լինելը կարեւոր է: Նա նաեւ դեմ չէ որոշակի միջամտություններին.
«Եթե կարիք լինում է, այո, փոքրիկ միջամտություններ անում եմ, բայց՝ ոչ հաճախ: Դա անում եմ միայն մասնագետի խորհրդով»:
Տանից չշպարված դուրս գալու բարդույթ դերասանուհին չունի,-«Եթե հնարավոր լիներ, երբեք չէի շպարվի», -ասում է նա,-«Պարզապես, աշխատանքի բերումով չի ստացվում: Բայց չշպարվելու հետ կապված ոչ մի բարդույթ չունեմ: Սիրում եմ ինձ այնպիսին, ինչպիսին Աստված է ստեղծել»:
Անկեղծ լինել՝ առաջին հերթին ինքդ քո հետ, հետո՝ մնացածի՝ սա է, ըստ Անիի, իր հմայքի իրական գաղտնիքը:
Սյունե Առաքելյան
Լուսանկարները՝ Անի Լուպեի ֆեյսբուքյան էջից
Հետևեք NEWS.am STYLE-ին Facebook-ում, Twitter-ում և Instagram-ում
21:18, 15 մայիսի
Բիանկա Սենսորին զայրացած է Քանյե Ուեսթի՝ պոռնո հարթակ բացելու ծրագրերի պատճառով20:24, 15 մայիսի
Ավստրալացի մոդելը նշել է 118 պատճառ, թե ինչու չի ցանկանում երեխա ունենալ19:43, 15 մայիսի
Հրեաներն ու հայերը պատմականորեն զուգահեռ են շարժվում. Երբ սկսվում է մեր կործանումը, սկսվում է ձեր կործանումը. Միխայիլ Կազինիկ16:05, 15 մայիսի
Կինոյից այն կողմ․ Փարաջանովը եւ նորաձեւությունը ցուցահանդեսը՝ անվանի կինովարպետի 100-ամյակին15:32, 15 մայիսի
Մարկ Ցուկերբերգը որոշել է իր 40-ամյակը նշել 300 միլիոն դոլար արժողությամբ զբոսանավում14:22, 15 մայիսի
A$AP Ferg-ը ուշադրություն է գրավել իր անսովոր գրիլզով, որի վրա պատկերված են նրա սիրելիները, որոնց ռեփերը կորցրել է13:50, 15 մայիսի
Կաննի կինոփառատոնի բացման օրվա լավագույն կերպարները13:11, 15 մայիսի
Երկաթե գահի համար պայքարը շուտով կվերսկսվի. «Վիշապի տունը» սերիալի երկրորդ եթերաշրջանի պաշտոնական թրեյլերը12:17, 15 մայիսի
Քիմ Քարդաշյանը՝ Պամելա Անդերսոնի՝ 90-ականների կերպարով11:48, 15 մայիսի
Երգչուհի Սլավան դժգոհել է սեքսի բացակայությունից. «Ես շատ եմ դա ուզում11:21, 15 մայիսի
Կաննի կինոփառատոնը, ամենայն հավանականությամբ, կլինի նույնքան դրամատիկ, որքան աստղային կինոպրեմիերաների սյուժետային գծերը10:20, 15 մայիսի
Մերիլ Սթրիփը «Ոսկե արմավենու ճյուղ» է ստացել