Ժամանակակից ինտերիերի դիզայնը վաղուց հեռանում է կանոնականությունից եւ ձգտում է ոճերի ու կերպարների խառնուրդի: Տարբեր ժանրերի տարրեր կոլաժի նման շերտավորվում են իրար վրա՝ ստեղծելով ներդաշնակ պատկեր։ Այսօր կպատմենք արտասովոր դիզայնով սեղանի լամպերի հայկական ապրանքանիշի մասին։
Hin u min-ը հայկական բրենդ է, որը ստեղծում է ձեռագործ վինտաժ լամպեր։ Թիմը երկրորդ կյանք է տալիս կենցաղային հին իրերին։ Լամպերը համատեղում են ֆունկցիոնալությունն ու ոճը՝ ստեղծելով ու ընդգծելով ինտերիերի շեշտադրումները, հատկապես, երբ խոսքը վերաբերում է մինիմալիստական դիզայնին:
Անցյալի նրբագեղությունն ու ներկայի գեղագիտությունը համակցված են բրենդի լամպերի ոճում, ուստի դիզայնի մեջ հաճախ կարելի է նկատել հնագույն կենցաղային իրեր, որոնք խաղացել են նոր ձեւով:
Նրանց համար, ովքեր ցատկում են մեկնող «Loft» գնացքի վերջին վագոն, բետոնե լամպը կատարյալ ոճական ընտրություն է:
Նեոկլասիցիզմի սիրահարների համար հնդկական նախշերով ծաղկաման լամպն ավելի էլեգանտություն եւ նրբագեղություն կհաղորդի ինտերիերին:
Նրանց համար, ում համար ինտերիերի դիզայնն ինքնարտահայտման միջոց է, «Exhibitionist» լամպը կատարյալ է: Այն կտեղավորվի ինտերիերի մեջ՝ որպես արտասովոր ոճի ու ճաշակի եւս մեկ հաստատում։
Եթե այն բավականաչափ վառ չի թվում, ապա «Մսաղացը» շռայլություն կհաղորդի ինտերիերին եւ սեփականատիրոջ կերպարին:
«Նախկինում ավելի լավ էր» եւ «Իմ ժամանակ» արտահայտությունների դեսպանների համար ներկայացված է նոստալգիկ թեմայով արված լամպերի մի ամբողջ շարք։
Պտտվող հեռախոսը, օդի խոնավացուցիչը, հնաոճ ժամացույցը, կերոսինի լամպը եւ նույնիսկ սովետական հեռուստացույցը ոչ միայն լույս կհաղորդեն ինտերիերին, այլեւ մխիթարություն նրանց, ովքեր ձգտում են անցյալ դարաշրջանի:
Ջութակի, կիթառի, շեփորի ու տեսախցիկի ձեւով լամպերը պարտադիր են ստեղծագործ անհատների համար: Նրանք հիանալի տեղավորվում են արդյունաբերական, ֆյուժն եւ փոփ արտի մեջ:
Հագուստը, ճաշակի նախասիրությունները, հոբբիները եւ նույնիսկ ինտերիերի դիզայնն այսօր ինքնարտահայտման բազմաթիվ լեզուներից են, ուստի նույնիսկ այնպիսի պարզ կենցաղային իրը, ինչպիսին լամպն է, կարող է արտաքին աշխարհի հետ երկխոսության գործիք դառնալ իր անհատականության միջոցով:
Ռեգինա Մելիքյան
Հետևեք NEWS.am STYLE-ին Facebook-ում, Twitter-ում և Instagram-ում
20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ