Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Պենելոպե Քրուզը՝ Elle-ի նոր ֆոտոշարքում․ դերասանուհին՝ «Ֆեռարի»-ում իր դերի, երեխաների ու տարիքի մասին

10:31, 19 հունվարի

Պենելոպե Քրուզը լուսանկարվել է Elle-ի համար՝ փայլելով նորաձեւ կերպարներով ու անկեղծանալով մի շարք թեմաների շուրջ: Պարբերականի հետ հարցազրույցում իսպանացի դերասանուհին խոսել է «Ֆեռարի» ֆիլմում իր կերպարի, գեղեցիկ «ծերանալու» եւ երեխաների դաստիարակության մասին:

elm020124wlpenelope-001a-659ed8ed351ab.jpg (56 KB)

Դերասանուհին մեկ անգամ չէ, որ մարմնավորել է իրական կերպարի։ «Ջանի Վերսաչեի սպանությունը. ամերիկյան հանցագործության պատմություն» սերիալում Քրուզը խաղացել է իր ընկերուհուն՝ Դոնաթելա Վերսաչեին։ Բայց ինչպես նշում է ամսագիրը, Լաուրա Ֆեռարին այլ կերպար էր: Նախ, նա միջազգայնորեն ճանաչված անուն չէ, ուստի Քրուզն իր ուսերին էր վերցրել «առաջին անգամ նրա ձայնը լինելու» պատասխանատվությունը։ 

elm020124fobcover-penelope-digital-update-65a6ed968fea5.jpg (129 KB)

Elle-ին տված հարցազրույցում Պենելոպեն հիշել է, որ Մոդենայում նկարահանումների ժամանակ գնացել էր գործարան եւ հանդիպել մարդկանց, ովքեր ճանաչում էին Լաուրային։ «Նրանք կարծես, թե չէին ուզում նշել, թե որքան ուժեղ էր նա: Գիտե՞ք, որ նա անվադողերով էր քնում․․․ Մրցավազքին նախորդող գիշերը նա անվադողերով էր քնում, որպեսզի ոչ ոք դրանք չվնասեր: Բայց մարդիկ ասում էին` ոչ, ոչ, նա դժվար կին էր, շատ թթու եւ անկանխատեսելի։ Ոմանք նրան խելագար էին անվանում՝ բառ, որ օգտագործվել է պատմության մեջ յուրաքանչյուր կնոջ համար՝ արդարացնելու նրա հանդեպ ճնշումը»։

elm020124wlpenelope-003a-659edac86dd16.jpg (56 KB)

Դերասանուհին խոստովանել է, որ ինքը վախենում է մեքենա վարելուց ու բացատրել, թե ինչու,-«Երբ ես 8-9 տարեկան էի, քրոջս հենց աչքիս առաջ մի մեքենա հարվածեց։  Հիշում եմ՝ նա կարմիր վերարկու էր հագել։ Այդ պահին ինձ համար ժամանակը կանգ առավ։ Դա մեծ տրավմա էր, քանի որ ես տեսա, թե ինչպես էր նա կորցնում գիտակցությունը: Իսկ ես հիվանդանոցում թմրած էի, մարդկանց ասում էի. «Քրոջս հենց նոր վրաերթի են ենթարկել»։

elm020124fobedletter-002-1a-659edb19565d7.jpg (103 KB)

Շնորհիվ իր մասնակցությամբ մի շարք ֆիլմերի՝ Քրուզն աշխարհի աչքում մայր էր դարձել, նույնիսկ, նախքան մայրանալը։ Հիմա նա ասում է․ «Իմ տարիքում կերպարների 80 տոկոսը կլինեն մայրեր, ամուսնալուծված կամ լքված կանայք, բայց ես շատ փոքրուց եմ մայրերի մարմնավորել»:

elm020124wlpenelope-002a-659edb3e5837a.jpg (62 KB)

Պենելոպեն ասում է, որ դեռ փոքրուց գիտեր, որ երեխաներ է ուզում ունենալ: «Բայց ես գիտեի, որ նրանց ավելի մեծ տարիքում եմ ուզում: Ես ուզում էի սպասել, մինչեւ կզգայի, որ պատրաստ եմ: Ես վստահ էի, որ դա կլինի ամենակարեւոր բանը, որ կանեմ իմ կյանքում»:

Քրուզն իր եւ Խավիեր Բարդեմի երեխաներին՝ 10-ամյա Լունային եւ 12-ամյա Լեոյին, հնարավորինս հեռու է պահում հանրային ուշադրությունից, բայց նշում է, որ չի խոչընդոտի նրանց ընտրությանը, եթե երբեւէ ցանկանան իր կամ ամուսնու ուղին բռնել․ «Դա նրանց որոշումը կլինի, նրանք պետք է հասկանան՝ արդյոք ուզո՞ւմ են ունենալ այնպիսի աշխատանք, որն առավել բացահայտ է հանրության համար: Նրանք կխոսեն այդ մասին, երբ պատրաստ լինեն»:

elm020124wlpenelope-004a-659ed9c4115ce.jpg (37 KB)

Զարմանալի չէ, որ Քրուզի երեխաները չունեն սոցիալական ցանցերի հաշիվներ․ նրանք, նույնիսկ, հեռախոսներ չունեն: «Այնքան հեշտ է մանիպուլյացիայի ենթարկվելը, հատկապես, երբ դեռ փոքր ես։ Դա դաժան փորձառություն է երեխաների եւ դեռահասների համար»,-ասում է դերասանուհին։

Հոլիվուդում շատ բան է խոսվում նրա, հատկապես նրա տարիքի՝ ավելի ճիշտ՝ չծերանալու մասին։  Որքան էլ թեման հոգնեցուցիչ լինի, կան որոշ հայտնիներ, որոնց մեդիան, կարծես, թույլ չի տալիս ծերանալ:

elm020124wlpenelope-005a-659eda73af3a4.jpg (36 KB)

«Բայց գիտե՞ք, թե ինչու ես դրա մասին չեմ անհանգստանում։ Որովհետեւ մարդիկ ինձ հարցնում էին տարիքի մասին, երբ ես  դեռ քսան տարեկան էի: Այն ժամանակ ավելի շատ էի անհանգստանում, քան հիմա։ Այժմ ավելի իմաստալից է քննարկել 50 տարեկան դառնալը: Դա գեղեցիկ բան է, եւ ես, իսկապես, ուրախ եմ իմ տարիներով: Դա նշանակում է, որ ես այստեղ եմ, առողջ եմ, ինչը լավ առիթ է խնջույք կազմակերպելու»:

Լուսանկարները՝ Զոեյ Գրոսման
Ոճաբան՝ Ալեքս Ուայթ


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search