Bulgari-ն ներկայացրել է ժամացույցների 4 նոր մոդելներ։ Շարքը ներառում է Octo Finissimo-ի երկու ապշեցուցիչ տարբերակները, նրբագեղ եւ համարձակ Octo Roma-ն եւ աչք շոյող Serpenti հավաքածուն, որը մշակվել է ճապոնացի հայտնի ճարտարապետ Թադաո Անդոյի հետ համատեղ:
Թեեւ Թադաո Անդոն նախկինում տվել է իր գեղարվեստական տեսլականը Bulgari ժամացույցներին, սա երկու կողմերի միջեւ առաջին համագործակցությունն է, որը կենտրոնացած է Serpenti-ի վրա:
Չորս սահմանափակ քանակությամբ մոդելներից յուրաքանչյուրը ներկայացնում է տարվա սեզոններից մեկը եւ այն տրամադրությունը, որը այն փոխանցում է: Կորպուսի լայնությունը 35 մմ է: Յուրաքանչյուր ժամացույց անհատապես ներկայացված է եզակի ոսկեզօծ թվաչափով, որը շրջապատված է 38 ադամանդներով պատրաստված շլացուցիչ շրջանակով:
Octo Finissimo Ultra
Bulgari Octo Finissimo Ultra-ի նորագույն տարբերակը, որը նոր նշաձող է սահմանում մեխանիկական ժամացույցների արտադրության մեջ, ունի ապշեցուցիչ՝ 1,7 մմ հաստություն: Նոր մոդելը, որը զգալիորեն բարելավված է նախորդների համեմատ, կյանքի է կոչվել Concepto-ի փորձագետների եւ Տան հետազոտության եւ պատրաստման սեփական բաժնի համատեղ ջանքերի շնորհիվ:
Հետեւի պատյանը ծառայում է որպես ներքին տրամաչափի BVL180-ի հիմնական պլատա, որը, չնայած իր էլեգանտ տեսքին, ապահովում է մինչեւ 50 ժամ էներգիայի պաշար: Նոր Octo Finissimo Ultra-ն սահմանափակված է 20 օրինակով եւ փաթեթեավորված է բացառիկ տուփի մեջ: Տիտանից պատրաստված ժամացույցը հասանելի է 529,000 դոլարով, իսկ պլատինե տարբերակը՝ 546,000 դոլարով:
Octo Finissimo Tourbillon
Այս անգամ Bulgari-ն պատրաստել է երեք Octo Finissimo Tourbillon մոդելներ՝ աննախադեպ կոնֆիգուրացիաներով, այդ թվում՝ պլատինե, տիտանի եւ վարդագույն ոսկուց պատյաններով: 196 000 դոլար արժողությամբ պլատինե տարբերակը ունի 42 մմ պատյան եւ ծածկված է ատլասով: Այն ունի կապույտ թեւկապ՝ պատրաստված ալիգատորի կաշվից, իսկ ժամի եւ րոպեի սլաքները ներկված են անփայլ սեւ գույնով, ինչով էլ ստեղծում են գունային ապշեցուցիչ հակադրություն:
Սեւ DLC ծածկույթով տիտանի մոդելն ունի բաց թվատախտակ եւ արժե 127 000 դոլար: Վարդագույն ոսկուց տարբերակը, նույնպես, հասանելի է 40 մմ պատյանով եւ առանձնանում է մոխրագույն թվատախտակով ու վարդագույն ոսկուց պատված սլաքներով: Գինը կազմում է 154 000 դոլար։ Երկու տարբերակներն էլ ունեն BVL 268SK մեխանիզմ:
Octo Roma Steel
Ներկայացվել են նաեւ Octo Roma-ի երկու նոր տարբերակներ: Երկու մոդելները, որոնք պատրաստված են DLC-մշակված պողպատից, ներկված են սեւ գույնով, որոնցում լույսն ու խորությունը համատեղված են Clous de Paris-ի լաքապատ թվատախտակներով: Երեք սլաք ունեցող ավտոմատ տարբերակը, որի պատյանի չափսը 41 մմ է, կարժենա 8050 դոլար:
Octo Roma Chronograph-ը, որն իր չափսերով մի փոքր ավելի մեծ է՝ ունի 42 մմ տրամագիծ, արժե 9900 դոլար:
Հետևեք NEWS.am STYLE-ին Facebook-ում, Twitter-ում և Instagram-ում
16:12, 16 մայիսի
Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին15:24, 16 մայիսի
Երգչուհի Վալերիան բացատրել է Բուզովայի կյանքում տղամարդու բացակայության պատճառը14:05, 16 մայիսի
Սամվելը, Անին, Արսենն ու Հայկուհին՝ այսուհետ «Ազգային band»-ում13:16, 16 մայիսի
«Պետք է կարողանանք լսել, որ չմնանք «փահլեւան»–ի կարգավիճակում»․ Ռաֆայել Երանոսյանի նոր մոնոներկայացման պրեմիերան (Ֆոտո)12:32, 16 մայիսի
Գեւորգ Մկրտչյանն իր ծննդյան 26-ամյակին իրեն շքեղ նվեր է արել (VIDEO)11:36, 16 մայիսի
Մայրանալ պատրաստվող Հեյլի Բիբերը ցուցադրել է իր կլորիկ փորիկը10:20, 16 մայիսի
Հայկական հարսանիքի ավանդույթների հետքերով․ «7 օր, 7 գիշեր» ֆիլմի պրեմիերան՝ Երեւանում09:00, 16 մայիսի
ՄԱՅԻՍԻ 16-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 15 մայիսի
Արեւայրուք՝ առանց արեւի ու տնից դուրս գալու22:31, 15 մայիսի
Գաղտնի գեղատեսիլ լճեր Իտալիայում, որոնց մասին չգիտեն շատ զբոսաշրջիկներ21:18, 15 մայիսի
Բիանկա Սենսորին զայրացած է Քանյե Ուեսթի՝ պոռնո հարթակ բացելու ծրագրերի պատճառով20:24, 15 մայիսի
Ավստրալացի մոդելը նշել է 118 պատճառ, թե ինչու չի ցանկանում երեխա ունենալ