• Երևանում կանցկացվի «Անցյալի ապագա» միջազգային էթնո-նորաձևության փառատոնը

  «Անցյալի ապագա» միջազգային մշակութային փառատոնի հյուրերն արդեն ժամանում են Հայաստան...

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Մաքուր միջավայրում մաքուր մտքեր են ծնվում․ Հակոբ Միկոյանի «ՄաքրաՊատումը»

  Աղբը սովորաբար տեսնում ենք այնտեղ, որտեղ այն չպետք է լինի՝ փողոցում, անտառում, ճանապարհի եզրին, գետի ափին․․․

• «Ես պետք է այստեղ բնակարան գնեմ». «Եվրատեսիլ 2026»-ի հաղթող DARA-ն Coca-Cola Fest 2026-ի բեմից պատմել է Հայաստանից ստացած իր տպավորությունների մասին

  «Եվրատեսիլ 2026»-ի հաղթող բուլղարացի փոփ երգչուհի DARA-ն (Դարինա Յոտովա) դարձավ Coca-Cola Fest 2026-ի գլխավոր միջազգային աստղերից մեկը Հայաստանում…

• «ԹԷԱՏՐՈՆ» փառատոնի շրջանակում Երևանում կցուցադրվի «Ֆոլիա» ներկայացումը

  Սեպտեմբերի 14-ից 28-ը, Երևանի քաղաքապետարանի գլխավոր հովանավորությամբ, ՀՀ արտաքին գործերի նախարարության և ՀՀ էկոնոմիկայի նախարարության Զբոսաշրջության կոմիտեի աջակցությամբ, Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը․․․

• «ԹԷԱՏՐՈՆ» փառատոնի շրջանակում Երևանում կներկայացվի բելգիական «Չայկա» թատերախմբի «Լոկո» խամաճիկային ներկայացումը

  Սեպտեմբերի 24-ին, ժամը՝ 19:30-ին, «ԹԷԱՏՐՈՆ» կատարողական արվեստների միջազգային ֆրանկոֆոն փառատոնի շրջանակում Սոս Սարգսյանի անվան Համազգային թատրոնում կներկայացվի բելգիական «Չայկա» թատերախմբի «Լոկո» խամաճիկային ներկայացումը...

• Հայաստանում կանցկացվի «ԹԷԱՏՐՈՆ» կատարողական արվեստի միջազգային ֆրանկոֆոն փառատոնը

  2026 թվականի սեպտեմբերի 14–28-ը Երևանի քաղաքապետարանի գլխավոր հովանավորությամբ Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը...

• «Սեքսի գմբեթը» վերակենդանացել է մոխրից. Burning Man-ում վերաբացվել է մեծահասակների համար նախատեսված սկանդալային վայրը՝ 15,000 պահպանակի պաշարով  

  Հայտնի մեծահասակների վրանը՝ Orgy Dome-ը, հաղթական վերադարձ է կատարել Burning Man փառատոն, անցյալ տարի փոթորկի պատճառով բառացիորեն ջնջվելուց հետո...

«Սանկտ Պետերբուրգի պալատներ» միջազգային երաժշտական փառատոնն առաջին անգամ անցկացվում է Երեւանում։ Փառատոնի շրջանակում երեկ՝ հունիսի 18-ին, Ա․ Սպեդիարյանի անվան օպերայի եւ բալետի ազգային ակադեմիակամ թատրոնում կայացավ գալա համերգ՝ նվիրված համաշխարհային հայտնի բաս Ֆյոդոր Շալյապինին։ Համերգը մեկտեղել էր Սանկտ Պետերբուրգի, Մոսկվայի եւ Երեւանի առաջատար վոկալիստներին՝ նշանավոր օպերային թատրոններից:​

Փառատոնը մեկնարկել է հունիսի 16-ից։ Այն անց է կացվում Ռուսաստանի վաստակավոր արտիստ Մարիա Սաֆարյանցի ղեկավարությամբ։

«Այսօր հրաշալի թեմա ունենք, որը նվիրված է Ֆյոդոր Շալյապինին՝ օպերային բեմի ամենաառանցքային դեմքերից մեկին։ Գիտե՞ք կան այնպիսի դեմքեր, ինչպիսիք են, օրինակ, Արտուրո Տոսկանինին, Էնրիկո Կառուզոն, Մարիա Կալասը․․․ այդպիսին էր նաեւ Ֆյոդոր Շալյապինը։ Նա մեծապես փոխել է օպերային արվեստը։ Նրա կյանքը մի կողմից հաջողված էր, քանի որ նա սիրված եւ ընդունված էր բոլորի կողմից, մյուս կողմից՝ նա լքեց իր երկիրը հեղափոխական իրադարձությունների պատճառով, եւ ապրեց Եվրոպայում, բայց մնաց ռուս քրիստոնյա։ Դեռ անցած տարվանից էինք մտադիր նրան հարգանքի տուրք մատուցել այստեղ, սակայն փառատոնը հետաձգվեց, այնպես որ՝ սա կարող ենք համարել հետհոբելյանական համերգ»,-նշեց Մարիա Սաֆարյանցը։

Համերգին ելույթ ունեցան ինչպես հայ արտիստներ՝ Հայաստանի օպերայի եւ բալետի ազգային թատրոնից, այնպես էլ ռուս կատարողներ՝ Մարիինյան, Միխայլովսկի եւ Մեծ թատրոններից։ Հնչեցին հայտնի արիաներ, ռոմանսներ, երգեր հոբելյարի երգացանկից: 

«Սանկտ Պետերբուրգի պալատներ» միջազգային երաժշտական փառատոնի Հայաստանի ներկայացուցչության տնօրեն Անի Եփրիկյանի խոսքով՝ փառատոնը Հայաստանում անցկացնելը դրական տեղաշարժ է դասական արվեստն այստեղ պրոպագանդելու գործում։ Խոսելով հենց Շալյապինին Հայաստանում անդրադառնալու մասին՝ նա մանրամասնեց․

«Մեր փառատոնը բաղկացած է 3 մասից։ Անցած տարի նշվում էր Շալյապինի 150-ամյակը։ Բացի այդ, նա համաշխահային օպերային գործիչ է, նրա երգացանկն այնքան հարուստ է եւ բազմազան. նա նաեւ ռուսական արվեստի վառ ներկայացուցիչ է, եւ քանի որ մեր փառատոնն էլ գալիս է Ռուսաստանից՝ Պետերբուրգից, անպայման կար ցանկություն այստեղ նրան անդրադառնալու: Այս համերգի առանձնահատկությունը նրանում է, որ սա հենց բասերի համերգ է. Հայաստանի օպերային թատրոնից ունենք սոլիստ, եւ երեք արտիստ՝ Ռուսաստանի առաջատար թատրոններից: Երգիչներին ռեպերտուարը լավ ծանոթ էր, նրանք այդ ստեղծագործություններին վաղուց տիրապետում են, եւ շատ սիրով են մասնակցել այս ծրագրին»,-հավելեց նա։ 

Հայտնի լրագրող, ռեժիսոր Աշոտ Ջազոյանի խոսքով՝ փառատոնը յուրահատուկ կապ է ստեղծում Ռուսաստանի եւ Հայաստանի միջեւ։ 

«Կարծում եմ՝ Մարիան բավական լավ գործ է ձեռնարկել: Ինձ համար շատ կարեւոր է սա. Հայաստանն, ընդհանրապես, մշակույթի կենտրոն է։ Այն ոչ միայն հին մշակույթի եւ քաղաքակրթության վայր է, այլեւ տեղ, որի սիրտը բաց է, բաց են ամբիոնները, յուրաքանչյուր մշակույթ ընդունելի է՝ մանավանդ ռուսական մշակույթը, հատկապես Ֆյոդոր Շալյապինը: Կարծում եմ՝ այս բոլոր միջոցառումները մետաֆիզիկական կապ են ստեղծում Ռուսաստանի եւ Հայաստանի միջեւ: Կարեւոր է նաեւ այն, որ մարդիկ երբ գալիս են Հայաստան, բացահայտում են ոչ միայն մեր երկիրը, այլեւ հասկանում են, թե որքան հին է մեր մշակույթը եւ ինչքան հնարավորություններ ունի՝ աշխարհին ներկայանալու»,-ընդգծեց Ջազոյանը։ 

Փառատոնի հանդիսավոր բացումը տեղի է ունեցել հինավուրց Զվարթնոցի տաճարում, որտեղ երեւանցիներին եւ հյուրերին ներկայացվել է պատմաերաժշտական ներկայացում՝ նվիրված Տիգրան Մեծին: ​​​Ելույթ են ունեցել օպերային բեմի համաշխարհային աստղեր Իտալիայից, Հայաստանից եւ Ռուսաստանից։ Փառատոնը կեզրափակվի հունիսի 23-ին՝ Արամ Խաչատրյան համերգասրահում, որտեղ կկայանա գալա-համերգ Իտալիայից եւ Ռուսաստանից ամենահեղինակավոր մրցույթների հաղթողների մասնակցությամբ: Կհնչեն բոլոր ժամանակների գլուխգործոցներ ու կինոհիթեր։ Համերգը կկայանա սիմֆոնիկ նվագախմբի նվագակցությամբ՝ ռուս ժամանակակից առաջատար դիրիժոր, միջազգային մրցույթների դափնեկիր, նշանավոր երաժշտական դինաստիայի ներկյացուցիչ Յարոսլավ Զաբոյարկիի գլխավորությամբ:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում