Համացանցում մեծ թափ են հավաքում հարուստ ամուսին գտնելու մասին հանձնարարականները: Այսպես կոչված հարաբերությունների («coaching») մարզիչները պնդում են, թե կանայք տեղով «ներդրում» են և համոզված են, որ կնոջ միակ նպատակն իր տղամարդուն հոգ տանելը պետք է լինի, գրում է El Pais պարբերականը:
«Ես Կառլա Էլիան եմ՝ փոխհարաբերությունների փորձագետ, որը ձգտում է կյանքի կոչելու աշխարհով մեկ նպատակասլաց գործընկերներ ներգրավելու կին առաջնորդների նպատակը: Յուրաքանչյուր կին կանացի հավասարակշռությանը տիրապետելու դեպքում օժտված է միասնական միջուկային (ամուսնական փոքր) ընտանիք, հաջող ամուսնություն և հաջող բիզնես ստեղծելու ներուժով։ Ահա թե ինչպես է Կառլան ներկայանում իր վեբ կայքում, որը նա գործարկել է, երբ հայտաբերել է, որ ընդունակ է հարուստ տղամարդու հետ ամուսնանալու խորհուրդները վերածել իրական բիզնեսի, ինչպես ինքն է արել: Նա պնդում է, որ ճիշտ տղամարդն «ընտանիքը կերակրողի մտածելակերպ» ունի։ «Տղամարդը պետք է հասկանա, որ իր ֆինանսական վիճակը պետք է իրեն հնարավորություն ընձեռի ներդրումներ կատարել կնոջ մեջ: Մենք ներդրում ենք»,- ասել է նա The Sun-ին տված հարցազրուցում։
Կառլա Էլիայի դեպքը բացառություն չէ և սերտորեն առնչվում է «ավանդական կանանց» վերածննդի գաղափարին. կանայք, ովքեր թողել են իրենց աշխատանքը, իրենց ամբողջ ժամանակը տնային տնտեսության վրա ծախսելու համար և պնդում են, որ իրենց ամուսիններին և երեխաներին ծառայելը երջանկություն է:
Թվային աշխարհում աճում է իրենց զուգընկերների կողմից «ապահովված» լինելու մասին պարծեցող կանանց պրոֆիլների թիվը: Հիանալի օրինակ է փաստաբան Սահար Խորրամնեժադը, որը ներկայիս փեսացուին հանդիպելուց հետո թողել է իր աշխատանքը: Ըստ նրա՝ կանայք չպետք է չափազանց հրապուրվեն մեծահարուստ տղամարդ գտնելու գաղափարով՝ պնդելով, որ «լավ ընտանիք կերակրողն» արդեն իսկ բավական է: Մեկ այլ օրինակ է Instagram-ում հայտնի Նեթը։ Իր @soynathc պրոֆիլում նա պարծենում է, թե ինչպես է գտել «կերակրողին»՝ վերջինիս նախաճաշ պատրաստելով կամ դիմահարդարվելով: Երկու կանայք էլ համամիտ են, որ իրական երջանկություն են գտել իրենց զուգընկերների շնորհիվ, ովքեր «երես են տալիս» են իրենց և նեցուկ լինում, որ իրենց կանայք ստիպված չլինեն տնից դուրս աշխատել: Տանը կանայք միշտ պատրաստ են իրենց ընկերոջ կամ ամուսնու «ոտքի տակ փռել» այն ամենը, ինչ նրանք խնդրեն։
Ի՞նչն է կանգնած սոցիալական մեդիայի հազարավոր հետևորդներով պրոֆիլների աճի հետևում, որոնք կանանց հարուստ ամուսին գտնելու խորհուրդներ են տալիս: Մադրիդի Կոմպլուտենսե համալսարանի սոցիոլոգ և պրոֆեսոր Բեատրիս Ռանեայի կարծիքով թե՛ այս, և թե՛ «ավանդական կանանց» ֆենոմենը ֆեմինիստական դիսկուրսի և առաջընթացի հանդեպ հայրիշխանական արձագանքի մի մասն է սոսկ: «Ըստ իս, դա ֆեմինիստական մոբիլիզացիայի բումի տարիների պատասխան ձևակերպումն է, ինչպես նաև այն, թե ինչպես է ֆեմինիզմը փորձում հանրային և մասնավորի միջև անջրպետը փշրել: Ներկայում, ֆեմինիստական մոբիլիզացիայի աճին զուգընթաց, նկատվում է հակազդեցություն իրերի պահպանմանն այնպսին, ինչպիսին դրանք կան, միաժամանակ անցյալի հայրիշխանական ստատուս քվոյին վերադառնալու փորձ է արվում՝ կնոջն իդեալական կնոջ և տնային տնտեսուհու դերին վերադարձնելու համար», - պարզաբանում է պրոֆեսորը:
Ծանոթությունների շքեղ Seeking կայքն ընդհանուր առմամբ Իսպանիայում ունի 480 հազար գրանցված 20-50 տարեկան օգտատեր և ազդարարում է, որ հարթակի օգտատերերի մեծամասնությունն իբրև իրենց պոտենցիալ զուգընկերոջ հիմնական հատկանիշ ընտրում է շքեղ ապրելակերպը, որին հաջորդում է հուզական կապը, այսինքն՝ փողը հաղթում է սիրուն: Ապշեցուցիչ է, թե «ինչ են փնտրում հարաբերություններում» հարցին, ընդամենը 26%-ն է պատասխանում «իսկական սեր»՝ իհակադրություն 46,4%-ի, որոնք խոստովանում են, որ «շքեղ ապրելակերպ» են փնտրում։
Հետևեք NEWS.am STYLE-ին Facebook-ում, Twitter-ում և Instagram-ում
23:01, 19 նոյեմբերի
Birkin-ը՝ GTA 6-ի աշխարհից․ Hermès-ի խորհրդանշական պայուսակը պատվել է Vice City-ի ոճով փայլող բյուրեղներով22:19, 19 նոյեմբերի
Աթեիստ, որը հանդիպել է Հռոմի պապին, փանկ-ռոքի երկրպագու և ծանոթությունների հավելվածի ստեղծող․ արհեստական բանականության աշխարհի յոթ արտասովոր միլիարդատերերը21:34, 19 նոյեմբերի
WSJ․ Ի պաշտպանություն կաշվե բաճկոններ կրող միջին տարիքի տղամարդկանց20:20, 19 նոյեմբերի
600 միլիոն ֆունտ ստեռլինգ՝ «արժանապատիվ կյանքի» համար․ ռուսաստանցի օլիգարխի նախկին կինը ամուսնալուծությունից հետո ռեկորդային գումար է պահանջում19:35, 19 նոյեմբերի
Նյու Յորքի Հինգերորդ պողոտան կրկին դարձել է աշխարհի ամենաթանկ առևտրային փողոցը18:00, 19 նոյեմբերի

16:30, 19 նոյեմբերի
Dior-ը, Omega-ն և Aston Martin-ը պայքարում են նոր գործակալ 007-ի կողքին հայտնվելու համար15:26, 19 նոյեմբերի
Ֆլորենս Փյուն պատասխանել է քննադատներին․ դերասանուհին բացահայտել է նիհարելու և արտաքինի փոփոխության իրական պատճառները14:33, 19 նոյեմբերի
«Նա հիշաչար է». Քրիստինա Ռիչին պատմել է, թե ինչու է Շերը դադարել շփվել իր հետ14:14, 19 նոյեմբերի
Սարդ-մարդը կմարմնավորի ChatGPT-ի ստեղծողին․ Սեմ Ալթմանը խոստովանել է, որ իր կյանքն առանց այդ էլ չափազանց տարօրինակ է13:06, 19 նոյեմբերի
Բրիտանական կառավարությունը ծաղրել է նոր Ջեյմս Բոնդին12:31, 19 նոյեմբերի
«Հանգստացիր կամ հեռացիր բեմից». Մրայա Քերին քննադատության է արժանացել Բրազիլիայում ունեցած տարօրինակ ելույթից հետո