• Շքեղ փայլ Dior-ից. Ջեննա Օրտեգան, Անյա Թեյլոր-Ջոյը և Ջիսուն ներկայացնում են մաշկի նոր թինթը  

  Dior Beauty-ն ընդլայնում է դեմքի դիմահարդարման իր շարքը՝ ներկայացնելով Glow-Up Skin Tint-ը, իր առաջին հիբրիդային երեքը մեկում արտադրանքը: Երկար սպասված թողարկումը նշելու համար ապրանքանիշը ներգրավել է աստղային դեսպանների. Ջեննա Օրտեգան, Անյա Թեյլոր-Ջոյը և Ջիսուն գովազդային արշավի դեմքերն են, որոնք ներկայացնում են նոր արտադրանքի սնուցող բանաձևը...

• Գիտնականները պարզել են, թե ինչ տեսք ունի իդեալական կուրծքը

  Նոր ուսումնասիրությունը ցույց է տվել, որ կրծքի գրավչության հարցում համաչափությունը կարող է ավելի կարևոր լինել, քան չափսը․․․

• «Մաշկի դիետա»․ աշխատո՞ւմ է արդյոք կատարյալ մաշկ ունենալու համար TikTok-ի skin cycling մեթոդը

  Մաշկի խնամքը նույնպես վերածվել է հստակ գրաֆիկի. մի երեկո՝ թթուներ, հաջորդը՝ ռետինոլ, հետո՝ երկու օր վերականգնում, և այդպես շարունակ։ Այսպես TikTok-ը հորինեց skin cycling-ը (մաշկի ցիկլավորումը)՝ մի համակարգ, որն առաջարկում է ակտիվ նյութերն օգտագործել ոչ թե միանգամից, այլ հերթագայել ըստ օրերի...

• Ինչու է մանկական կոսմետիկան դարձել գեղեցկության միտում

  Մեծահասակ աղջիկները կրկին լոգարանից հանում են մանկական քսուքներ, յուղեր և շամպուններ․․․

• K-Beauty-ն նոր մակարդակի է հասնում. Հարավային Կորեան գեղեցկության նոր կանոններ է սահմանում

  Կորեական կոսմետիկան վաղուց դադարել է լինել վիրուսային սոցիալական ցանցերի միտում․․․

• «Սառցե դեմք». Արդյո՞ք սառը թերապիան իսկապես աշխատում է, և ի՞նչ է անում սառույցը ձեր մաշկի հետ

  Սառույցը կրկին դարձել է գեղեցկության հիմնական միջոցառում. աղջիկները դեմքերը թաթախում են սառցե ջրով լի ամանների մեջ, սառած գլանափաթեթներով սրբում մաշկը, դիմակները պահում սառնարանում և կարևոր իրադարձությունից առաջ կատարում են տնական սառցե դեմքի խնամք․․․

• Քնեք տգեղ, արթնացեք գեղեցիկ. ի՞նչ է թաքնված վիրուսային Morning Shed միտման հետևում

  Մինչև վերջերս աղջիկները քնում էին դեմքի կրեմով՝ հույս ունենալով արթնանալ ավելի մեղմ, ավելի խոնավեցված մաշկով․․․

• Էքստրեմալ «ինքդ արա» դարաշրջանը. TikTok-ի միտումներ, որոնք կփչացնեն ձեր մաշկը

  TikTok-ը վաղուց ոչ միայն միտումների աղբյուր է, այլև կասկածելի գեղեցկության խորհուրդների իսկական հանրագիտարան․․․

Աշունը փոփոխությունների ժամանակ է ոչ միայն բնության մեջ, այլեւ մեր ամենօրյա կյանքում։ Սառը քամին, անձրեւները եւ խոնավության նվազումն օդում կարող են իսկական փորձություն լինել մաշկի համար։ Շոգ ամառվանից հետո այն հաճախ ջրազրկվում է եւ հատուկ խնամքի կարիք ունի։ Ինչպե՞ս օգնել մաշկին թարմ, ձիգ եւ փայլուն մնալ անգամ տարվա այս եղանակին։ Կոսմետոլոգ-էսթետիստ Արմինե Աղաջանյանը NEWS.am STYLE-ի ընթերցողներին է ներկայացնում հինգ պարզ, բայց շատ արդյունավետ կանոններ, որոնք կօգնեն ձեզ պահպանել մաշկի առողջությունը եւ գեղեցկությունն աշնան սեզոնին։

Մաքրումը եւ խոնավեցումը աշնանային խնամքի հիմքն են

Երբ տերեւներն սկսում են գունափոխվել, մեր մաշկը նույնպես «տրամադրության փոփոխության» է ենթարկվում։ Այն կարող է դառնալ չոր, գունատ եւ զգայուն ամռան ակտիվ արեւից հետո։ Ուստի ճիշտ մաքրումը եւ խոնավեցումը ձեր գլխավոր դաշնակիցներն են։

Մաքրում.  Աշնանը կարեւոր է ընտրել փափկեցնող միջոցներ, որոնք խնամքով կհեռացնեն բծերը՝ չչորացնելով մաշկը։ Լվացվելու գելը, կաթը կամ միցելյար ջուրը հիանալի ընտրություն են։

«Ես միշտ խորհուրդ եմ տալիս օգտագործել ագրեսիվ բաղադրիչների նվազագույն քանակությամբ միջոցներ, որպեսզի մաշկը կարողանա շնչել եւ չջրազրկվել»։

Խոնավեցում. Մաքրումից հետո անպայման հոգացեք մաշկի սնուցման եւ խոնավեցման մասին։ Աշունը այն ժամանակն է, երբ թեթեւ խոնավեցնող գելերը կարելի է փոխարինել ավելի հարուստ կազմ ունեցող նյութերով։ Նշի յուղը կատարյալ ընտրություն է։ Թեթեւ, հիպոալերգեն եւ սնուցող այս յուղը մաշկին կնվիրի նուրբ փայլ եւ կվերականգնի ջրային հավասարակշտությունը ամռան սթրեսից հետո։ Այն քսեք երեկոյան, թեթեւ մերսող շարժումներով, որպեսզի մաշկը արթնանա թարմ եւ փայլող։

Դեմքի մերսում. երես առնելու ժամանակն է

Աշունը կատարյալ պահ է այն բանի համար, որ մեր առօրյայում ներառվի դեմքի մերսումը։ Սառը եղանակին մաշկը կորցնում է իր բնական ճկունությունը, եւ մերսումն օգնում է վերականգնել դրա տոնուսը։

«Մերսումը պարզապես հաճելի միջամտություն չէ, այն խթանում է արյան շրջանառությունը, մաշկը սնում է թթվածնով եւ գործի է դնում բիջների թարմացման գործընթացը»։

Մերսման համար օգտագործեք թեթեւակի տաքացված նշի յուղ, դրա տաք բաղադրությունն ակնթարթորեն ներծծվում է՝ մաշկը դարձնելով նուրբ եւ խոնավ։ Մերսումը կատարեք երեկոյան, երբ մաշկը հատկապես ընկալունակ է սնուցող նյութերի հանդեպ։  Նուրբ օղակաձեւ շարժումները կօգնեն ոչ միայն մաշկին, այլեւ ձեզ՝ թուլանալու երկար օրվանից հետո։

Ուլտրաձայնային մաքրում. մաշկի նուրբ թարմացում

Ցրտերի գալուն պես մաշկը թարմացման, բայց եւ միաժամանակ՝ խնամքի կարիք է ունենում։ Եթե դուք ցանկանում եք ազատել այն կարծրացած բջիջներից եւ պատրաստել սնուցող միջոցներ ընդունելուն, ուլտրաձայնային մաքրումը հիանալի լուծում կդառնա։

«Այդ միջամտությունը անվտանգ է եւ նուրբ, այն օգնում է թարմացնել մաշկը՝ վնաս չպատճառելով դրան»։

Ուլտրաձայնային սքրաբերի եւ հատուկ գելի օգնությամբ կարելի է քնքշորեն հեռացնել մեռած բջիջները՝ չխախտելով մաշկի ջրային հավասարակշռությունը։ Սա դեմքը սնուցող եւ շիճուկների դիմակ պատրաստելու  կատարյալ միջոց է։

Մեզոթերապիա կամ մեզոռոլեր. տնային լիֆթինգ

Եթե ցանկանում եք մաշկին լրացուցիչ խթան հաղորդել թարմացման եւ ձգելու համար, ուշադրություն դարձրեք մեզոռոլերին։ Դա նուրբ ասեղներով սարք է, որը կօգնի մաշկի ավելի խոր հատվածներ հասցնել ակտիվ բաղադրիչները եւ խթանել դրա ռեգեներացիան։

Մեզոռոլերը ասես փոքրիկ ընտանեկան լիֆթինգ լինի։ Այն կարելի է օգտագործել ինքնուրույն, բայց միայն ճիշտ տեխնիկայով։ Տնային օգտագործման համար խորհուրդ են տրվում 0,3-0,5 միլիմետր երկարությամբ ասեղներ, որպեսզի մաշկը չվնասվի։ Սկսելուց առաջ մանրամասն ուսումնասիրեք հրահանգը եւ հետեւեք սարքի մաքրությանը։ Մշտական օգտագոծման դեպքում մեզոռոլերը բարելավում է մաշկի կազմը, ձգում դեմքի օվալը եւ այն ավելի ձիգ դարձնում։

Դիմակներ դեմքի համար. բավարարության պահ

Աշունը կատարյալ ժամանակ է թուլացնող եւ սնուցող դիմակների համար։ Դրանք օգնում են վերականգնել խոնավության հավասարակշռությունը, մաշկը հագեցնել վիտամիններով եւ պարզապես ձեզ ձեր մասին հոգալու հաճելի պահեր պարգեւել։

Հիդրոգելային, հյուսվածքային եւ քսուքային դիմակները լավագույն ընտրությունն են աշնան խնամքի համար։ Դրանք հարմար են մաշկի բոլոր տեսակներին եւ խոր խոնավեցում են ապահովում։

Իսկ ահա կավե դիմակները արժե օգտագործել զգուշությամբ, մանավանդ եթե ձեր մաշկը չոր է։ Կավը կարող է այն լրացուցիչ չորացնել։ Իսկ եթե, այնուամենայնիվ, կնախընտրեք կավե դիմակները, խառնուրդին ավելացրեք մեկ թեյի գդալ նշի յուղ, դա կփափկեցնի էֆեկտը եւ կկանխի գրգռումը։

Մաշկի մասին խնամքն աշնանը ոչ միայն գեղեցկության, այեւ ձեր հանդեպ սիրո մասին է։ Հետեւելով այս պարզ, բայց արդյունավետ խորհուրդներին՝ դուք կկարողանաք ոչ միայն պաշտպանել ձեր մաշկն աշնան քամիներից եւ չորությունից, այլեւ վայելել խնամքի փոքր միջամտությունները, որոնք բավարարություն եւ թուլացում են պարգեւում։ Հիշեք, որ խնամված մաշկը ներքին հավասարակշռության եւ ներդաշնակության արտացոլումն է։ Խնամված կինը միշտ հիասքանչ է, տարվա ցանկացած եղանակին։

Հետևեք NEWS.am STYLE-ին Facebook-ում, Twitter-ում և Instagram-ում