• Կրեմի և ասպիրինի փոխարեն՝ տավարի ճարպ պիլինգի համար. գեղեցկության խորհուրդներ բլոգերներից, որոնք ավելի լավ է չկրկնել

  Ինտերնետը կարող է գրեթե ամեն ինչ վերածել գեղեցկության սենսացիայի, և որքան ավելի արտասովոր է փորձը և որքան ավելի տպավորիչ է տեսանյութի արդյունքը, այնքան մեծ է հավանականությունը, որ հազարավոր օգտատերեր կկրկնեն այն․․․

• Կանայք «կոտրում են» իրենց կողոսկրերը՝ իշամեղվի ձև ունեցող իրան ունենալու համար. նոր ծայրահեղ վիրահատությունը հարցեր է առաջացնում բժիշկների շրջանում

  Գեղեցկության ոլորտը հասել է մի կետի, որը մի ժամանակ անհնար էր համարվում. այժմ հնարավոր է փոխել ոչ միայն ճարպային հյուսվածքը, կուրծքը կամ դեմքը, այլև կողերի ձևը…

• Հայ կանանց գեղեցկության լավագույն ընտրությունները այս աշնանը. սեզոնի 5 հիմնական խնամքի միջոցները

  Այս աշնան լավագույն հաճոյախոսությունն է՝ «Դուք հանգստացած տեսք ունեք»․․․

• Մաշկի վերակենդանացում. SOS ուղեցույց ամառային արևայրուքից և այրվածքներից հետո

  Ամառը իր ետևում է թողնում ոչ միայն լողափնյա լուսանկարներ և գեղեցիկ արևայրուք, այլև դեմքի և մարմնի վրա այնպիսի հետքեր, որոնք պակաս հաճելի են և որոնք մենք կցանկանայինք թաքցնել․․․

• Գեղեցկություն՝ անակնկալով. գիտնականները երկարացված թարթիչների տակ մանրադիտակային տզեր են հայտնաբերել

  Telegraph-ի հաղորդմամբ՝ նոր ուսումնասիրության համաձայն՝ կանայք, ովքեր պարբերաբար թարթիչներ են կրում, մեծ հավանականությամբ կարող են ունենալ մանրադիտակային տզեր…

• «Տիտղոսակիր բազուկները»՝ շքեղության նոր խորհրդանիշ. նյույորքաբնակ հարուստ կանայք հազարավոր դոլարներ են ծախսում կատարյալ բիցեպսներ ունենալու համար

  Նյու Յորքում սեզոնի գլխավոր կարգավիճակային աքսեսուարը բոլորովին էլ բարձրակրունկ կոշիկները կամ դիզայներական պայուսակը չեն։ Հիմա դա մկանոտ բազուկներն են...

• 220 դոլարանոց ամանորյա օրացույց՝ 400 դոլարանոց կոսմետիկ պարագաներով. Charlotte Tilbury-ն կրկին խենթացնում է երկրպագուներին

  Այս տարվա տոնական գնումները սկսվում են իսկական գեղեցկության գանձով: Հոլիվուդյան աստղերի կողմից սիրված Շառլոտ Թիլբերին ներկայացրել է իր ամենամյա ամանորյա օրացույցը, որն արդեն դարձել է պաշտամունքային դասական: Չնայած այն հասանելի է բացառապես ապրանքանիշի կայքում, երկրպագուները հնարավորություն ունեն ձեռք բերել ցանկալի հավաքածուն, նախքան այն կանհետանա դարակներից...

• Վազելին՝ կրեմի, դիմակի և բալզամի փոխարեն. կարո՞ղ է արդյոք մեկ միջոցը փոխարինել կոսմետիկ պարագաների կեսին

  Վազելինը հերթական գեղեցկության վերադարձն է ապրում․․․

Անցանկալի մազերի հեռացումը վաղուց դարձել է շատ կանանց կյանքի մասը։ Բայց ընտրությունն էլոսի եւ լազերային մազահեռացման միջեւ հաճախ հարցեր է առաջացնում. ո՞րն է ավելի լավ, անվտանգ, արդյունավետ։ Կոսմետոլոգ Արմինե Աղաջանյանը ներկայացնում է իր մասնագիտական կարծիքը, որպեսզի դուք կարողանաք ճիշտ որոշում կայացնել։

Ինչո՞վ են տարբերվում էլոսը եւ լազերային մազահեռացումը։

Այս երկու մեթոդներն իսկապես տարբեր են՝ չնայած երկու միջամտություններն էլ ուղղված են նույն նպատակին՝ մազահեռացմանը։

Էլոս էպիլյացիան համադրում է լուսային եւ ռադիոհաճախական (RF) ալիքները։ Էներգիան ուղղվում է մազի ֆոլիկուլին՝ քայքայելով նրա կառուցվածքը, բայց չազդելով շրջակա հյուսվածքների վրա։ Միջամտությունից 7-14 օր հետո մազերն անհետանում են, իսկ աղվամազերը կարող են նորից հայտնվել, բայց ավելի քիչ քանակությամբ։

Առավելությունները. հարմար է մաշկի բոլոր տեսակների համար, այդ թվում թուխ եւ արեւայրված, ինչպես նաեւ բաց գույնի մազերին։ Այնքան էլ ցավոտ չէ, որքան լազերային մազահեռացումը։

Թերությունները. պահանջում է ավելի շատ սեանսներ, քան լազերը, իսկ արդյունքը մի փոքր ավելի քիչ է տեւում։

Լազերային մազահեռացումը օգտագործում է լույսի ճառագայթը, որն ազդում է մազերի մելանին պիգմենտի վրա։ Դա հանգեցնում է մազի ֆոլիկուլի տաքացման եւ քայքայման։ Արդյունավետությունը կախված է մազերի եւ մաշկի գույնից. միջամտությունը ավելի լավ է ազդում մուգ մազերի եւ թուխ մաշկի վրա։

Առավելությունները. մազերի արագ եւ արդյունավետ հեռացում։ Հարմար է մեծ գոտիների համար, ինչպիսին են ոտքերը կամ մեջքը։ Արդյունքը կարող է պահպանվել մինչեւ 1-2 տարի։

Թերությունները. հարմար չէ բաց եւ սպիտակ մազերին, կարող է ցավոտ լինել զգայուն հատվածներում։

Ինչպե՞ս ընտրել հարմար միջամտությունը

Ձեր ընտրությունը կախված է մաշկի տեսակից, մազերի գույնից եւ այն գոտուց, որտեղից ցանկանում եք հեռացնել մազերը։

- Մուգ մազերի եւ բաց գույնի մաշկի համար. լազերային մազահեռացումը կատարյալ տարբերակ է։

- Բաց գույնի, աղվամազերի կամ խարտյաշ մազերի համար. ավելի արդյունավետ է էլոս մազահեռացումը։

- Զգայուն գոտիների համար ինչպիսին են դեմքը կամ բիկինին. էլոսը կարող է այնքան էլ ցավոտ չլինել եւ ավելի անվտանգ է։

Արմինեն ընդգծում է. «Միջամտության ընտրությունը պետք է հենված լինի ձեր անհատական առանձնահատկությունների վրա։ Գլխավորը ձեր մաշկը մասնագետներին վստահելն է, որպեսզի խուսափեք այրումից եւ տհաճ այլ հետեւանքներից»։

Ի՞նչ կասեք բիկինիի գոտու մազահեռացման մասին։

Բիկինիի գոտում մազահեռացումը ամենաքննարկվող թեմաներից է։ Լազերը եւ էլոսը կարելի է օգտագործել այդ գոտում, բայց կարեւոր է հիշել, որ ինտիմ գոտու մազերը պաշտպանական դեր են խաղում՝ խոչընդոտելով մանրէների թափանցմանը։

Եթե այնուամենայնիվ որոշել եք հեռացնել մազերը, կոսմետոլոգը խորհուրդ է տալիս.

- Ընտրել ստուգված կլինիկաներ եւ փորձառու մասնագետներ։

- Դիտարկել այլընտրանքները, ինչպիսին են տաք մոմը կամ շուգարինգը, որոնք ավելի մեղմ են ազդում մաշկի վրա։

«Լազերային մազահեռացումը բիկինիի գոտում կարող է արդյունավետ լինել, բայց եւ կարող է հանգեցնել հիպերպիգմենտացիայի կամ այրվածքների, հատկապես եթե մաշկը զգայուն է։ Միշտ քննարկեք հնարավոր ռիսկերը մասնագետների հետ»,- խորհուրդ է տալիս Արմինեն։

Ինչո՞ւ միշտ չէ, որ լազերն օգնում է։

Լազերային մազահեռացումը մազերի վրա ազդում է միայն  աճի ակտիվ փուլում, իսկ դա բոլոր մազերի մոտ 20 տոկոսն է։ Ուստի լիակատար արդյունքի համար պահանջվում է մի քանի սեանս։ Լազերը նաեւ արդյունավետ է միայն մելանինով մազերի համար՝ մուգ կամ դարչնագույն։ Բաց, խարտյաշ կամ սպիտակ մազերը գրեթե չեն ենթարկվում լազերի ազդեցությանը։ «Շատ հաճախորդներ զարմանում են, թե ինչու լազերը արդյունք չի տալիս առաջին անգամից,- նշել է Արմինեն։- Բայց կարեւոր է հիշել. դա փուլային գործընթաց է։ Մաշկը եւ մազերը անհատական են, եւ դրա վրա ազդում է անգամ հորմոնալ ֆոնը»։

Երկու միջամտություններն արդյունավետ են, բայց ընտրությունը կախված է ձեր մաշկի, մազերի եւ ազդեցության գոտու  տեսակից։ Եթե դեռ կասկածներ ունեք, միշտ խորհրդակցեք մասնագետի հետ։ «Մազահեռացումը պարզապես կոսմետիկական միջամտություն չէ, այլ ձեր հարմարավետության եւ վստահության քայլ։ Մեթոդի ճիշտ ընտրությունը եւ գրագետ խնամքը սեանսներից հետո կօգնեն ձեզ վայելել հարթ մաշկը երկար ժամանակ»,- ամփոփել է Արմինեն։

Հետեւեք ձեզ, չէ՞ որ հարթ, խնամված մաշկը կանանց էլ ավելի վստահ եւ հիասքանչ է դարձնում։

Հետևեք NEWS.am STYLE-ին Facebook-ում, Twitter-ում և Instagram-ում