• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Հայաստանի պետական սիմֆոնիկ նվագախումբը սկսում է 21-րդ համերգաշրջանը․ «Մեր նպատակն է Հայաստանը ներկայացնել աշխարհի մշակութային քարտեզում»

  Հայաստանի պետական սիմֆոնիկ նվագախումբը ազդարարել է նոր՝ 21-րդ համերգաշրջանի մեկնարկը․․․

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

• «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը

  «Օսկար»-ի «Լավագույն միջազգային լիամետրաժ ֆիլմ» անվանակարգում Հայաստանը կներկայացնի ռեժիսոր Թամարա Ստեփանյանի «Արտոյի երկիրը» ֆիլմը, հայտնում է Հայաստանի ազգային կինոակադեմիան․․․․

• «Մի գդալ սեր», Coca-Cola Fest ու հարսանիքներ․ Instagram-ը՝ նախորդ շաբաթ

  Նախորդ շաբաթ Instagram-ից սեր էր ճառագում։ Սիրո մասին նոր ֆիլմի պրեմիերա ու աստղային հարսանիքներ․․․ Սկսենք սկզբից...

• Մաքուր միջավայրում մաքուր մտքեր են ծնվում․ Հակոբ Միկոյանի «ՄաքրաՊատումը»

  Աղբը սովորաբար տեսնում ենք այնտեղ, որտեղ այն չպետք է լինի՝ փողոցում, անտառում, ճանապարհի եզրին, գետի ափին...

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

2024-ը լի էր տարաբնույթ իրադարձություններով, որոնք ձեւավորեցին մեր քաղաքի տրամադրությունը։ Փառատոններ, պրեմիերաներ ու հետաքրքիր մարդիկ, որոնք չվրիպեցին NEWS.am STYLE-ի սրատես ֆոտոխցիկից։

Առաջարկում ենք վերհիշել տարվա ամենահիշարժան իրադարձությունները, որոնք ֆիքսել ենք մենք։

«Բարի օր»․ պրեմիերա

Փետրվարի 29-ին, «Մոսկվա» կինոթատրոնում կայացավ Գրիգոր Գասպարյանի եւ Արման Սարգսյանի «Բարի օր» ֆիլմի պրեմիերան: Ֆիլմի գլխավոր հերոսը Մհեր Մխիթարյանի սքեթչերից հայտնի տաքսիստ Հենդոն է, որին կատակերգությունում եւս մարմնավորում էր դերասանը։ Ֆիլմի պրեմիերայից առաջ Կինոմոսկվայի բակում կայացավ կարմիր գորգի արարողությունը։

«Անահիտ» մրցանակաբաշխություն

Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը, որի շրջանակում պարգեւատրվեցին նախորդ երկու տարիների լավագույնները:

Երեւանի գինու օրեր

«Yerevan Wine Days» փառատոնը ոչ միայն հայկական գինիները համտեսելու, այլեւ ինքնադրսեւորվելու հնարավորություն է։ Այս տարի այն անցկացվեց հունիսին։ 

Արա Մալիկյանի մենահամերգը Երեւանում

Լիբանանահայ ջութակահար Արա Մալիկյանը կրկին իր անհավանական էներգիան տարածեց Երեւանում: Կարեն Դեմիրճյանի անվան մարզահամերգային համալիրում հունիսի 3-ին տեղի ունեցավ Իսպանիայում բնակվող մեր աշխարհահռչակ հայրենակցի եւ նրա խմբի՝ արդեն երկրորդ համերգը:

«Ոսկե ծիրան»

Երեւանում հուլիսի 7-ին 21-րդ անգամ մեկնարկեց ամենասպասված կինոտոնը՝ «Ոսկե ծիրան» միջազգային կինոփառատոնը։ Այս տարի փառատոնի բացումը կայացավ ոչ ավանդական «կարմիր գորգով»․ հյուրերը քայլեցին արվեստագետ Դավիդ Քոչունցի դիզայնի հիման վրա տեղացի գորգագործ վարպետների ձեռքերով պատրաստած գորգերի վրայով, որոնք կազմում են «Տեղորոշում» («Point of Reference») հավաքածուն։ Փառատոնի գլխավոր հյուրը հոլիվուդյան հայտնի դերասան Քեւին Սփեյսին էր, որը հայտնի է մի շարք հոլիվուդյան ֆիլմերից, այդ թվում House of Cards կուլտային սերիալից։ Բացման արարողությանը ներկա էր նաեւ կանադահայ ռեժիսոր Ատոմ Էգոյանը, որը ինչպես եւ Սփեյսին, արժանացավ «Փարաջանովյան թալլեր» գլխավոր մրցանակին։ 

Հելոուինը Երեւանում

Ով ասես որ չի եղել Երևանի կենտրոնում: Այստեղ են եղել Շրեկը, վամպիրները, քնքուշ վհուկները, կախարդները, հնարավոր բոլոր սուպերհերոսները, իսկ ոմանք անգամ Շոն Դիդդի Կոմբսի շուրջ սկանդալին ակնարկ անող հանդերձներով էին:

ReAnimania անիմացիոն ֆիլմերի փառատոնը

Երևանում աշունը հանկարծակի սկսվեց. ցուրտ թարմ օդը կտրուկ իր տեղը զիջում է կանացի օծանելիքի խեղդող խառնուրդին: Կինոյի տան նեղ ճեմասրահում մոտ հիսուն մարդ է հավաքված, բոլորը ողջունում են միմյանց և ուրախ քննարկում վերջին նորությունները։ Մայրաքաղաքում այսպես մեկնարկեց «ՌեԱնիմանիա» հայկական անիմացիոն ֆիլմերի ամենամյա միջազգային փառատոնը։ 

«Նոր տարվա կինո»-ի պրեմիերան

Ժպիտ, հույզեր, արցունքներ․ հենց այսպիսի էմոցիաներ թողեց հանդիսատեսի աչքերում ու սրտերում ռեժիսոր Ելենա Արշակյանի «Նոր տարվա կինոն», որի պրեմիերան կայացավ նոյեմբերի 20-ին, Կինոմոսկվայում։

Նախորդ տարի NEWS.am STYLE-ը ֆոտոշարքերով ներկայացրեց մի շարք հայտնիների՝

Աստղիկ Սաֆարյան

Անի Լուպե 

Րաֆֆի Գալստյան

Ռուզաննա Մանուչարյան

Օլյա Հակոբյան

Եղավ նաեւ ֆուրորային ֆոտոշարք՝ հոլիվուդյան աստղ Լեոնարդո դի Կապրիոյի նմանակի՝ Ալեքսանդր Յասենի հետ։

Համաշխարհային աստղերից Հայաստանում ելույթ ունեցան ամերիկացի երգիչ Ջեյսոբ Դերուլոն եւ բրիտանացի աստղ Քրեյգ Դեւիդը։

Посмотреть эту публикацию в Instagram

Публикация от NEWS.am STYLE (@style.news.am)

Տարին, իհարկե, եզրափակեցինք հանրապետության գլխավոր տոնածառի լույսերի վառման կախարդական արարողությամբ։ 

2025-ին սպասեք մեր նոր լուսաբանումներին։ 

Լուսանկարները՝ Արսեն Սարգսյանի եւ Նաստյա Շեւչենկոյի

Հետևեք NEWS.am STYLE-ին Facebook-ում, Twitter-ում և Instagram-ում