• «Մաշկի դիետա»․ աշխատո՞ւմ է արդյոք կատարյալ մաշկ ունենալու համար TikTok-ի skin cycling մեթոդը

  Մաշկի խնամքը նույնպես վերածվել է հստակ գրաֆիկի. մի երեկո՝ թթուներ, հաջորդը՝ ռետինոլ, հետո՝ երկու օր վերականգնում, և այդպես շարունակ։ Այսպես TikTok-ը հորինեց skin cycling-ը (մաշկի ցիկլավորումը)՝ մի համակարգ, որն առաջարկում է ակտիվ նյութերն օգտագործել ոչ թե միանգամից, այլ հերթագայել ըստ օրերի...

• Ինչու է մանկական կոսմետիկան դարձել գեղեցկության միտում

  Մեծահասակ աղջիկները կրկին լոգարանից հանում են մանկական քսուքներ, յուղեր և շամպուններ․․․

• K-Beauty-ն նոր մակարդակի է հասնում. Հարավային Կորեան գեղեցկության նոր կանոններ է սահմանում

  Կորեական կոսմետիկան վաղուց դադարել է լինել վիրուսային սոցիալական ցանցերի միտում․․․

• «Սառցե դեմք». Արդյո՞ք սառը թերապիան իսկապես աշխատում է, և ի՞նչ է անում սառույցը ձեր մաշկի հետ

  Սառույցը կրկին դարձել է գեղեցկության հիմնական միջոցառում. աղջիկները դեմքերը թաթախում են սառցե ջրով լի ամանների մեջ, սառած գլանափաթեթներով սրբում մաշկը, դիմակները պահում սառնարանում և կարևոր իրադարձությունից առաջ կատարում են տնական սառցե դեմքի խնամք․․․

• Քնեք տգեղ, արթնացեք գեղեցիկ. ի՞նչ է թաքնված վիրուսային Morning Shed միտման հետևում

  Մինչև վերջերս աղջիկները քնում էին դեմքի կրեմով՝ հույս ունենալով արթնանալ ավելի մեղմ, ավելի խոնավեցված մաշկով․․․

• Էքստրեմալ «ինքդ արա» դարաշրջանը. TikTok-ի միտումներ, որոնք կփչացնեն ձեր մաշկը

  TikTok-ը վաղուց ոչ միայն միտումների աղբյուր է, այլև կասկածելի գեղեցկության խորհուրդների իսկական հանրագիտարան․․․

• 2026 թվականի ամռան 5 լավագույն կոսմետոլոգիական հիթերը

  Ամառը միտումներ է սահմանում ոչ միայն նորաձևության, այլև կոսմետոլոգիայի մեջ․․․

• Գեղեցկության գաղտնիքներ. Ի՞նչ են պեպտիդները և ինչպե՞ս դրանք ճիշտ օգտագործել

  Այս օրերին ինտերնետը լի է մաշկի խնամքի ինքնահռչակ մասնագետներով․․․

Այսօր Հայաստանում գեղեցկության ոլորտը իսկական բում է ապրում. կոսմետոլոգիան այլեւս չի ընկալվում որպես «էլիտար» ինչ-որ բան, այլ դառնում է անձնական խնամքի ծանոթ մաս: Կանայք ավելի շատ են դիմում ներարկումների, ապարատային տեխնիկայի եւ մասնագիտական խնամքի, բայց միեւնույն ժամանակ նրանք բախվում են մեկ այլ խնդրի՝ իսկապես բանիմաց կոսմետոլոգ գտնելն ավելի դժվար է, քան թվում է:

Ինչո՞ւ են այդքան շատ որակավորում չունեցող մասնագետները։ Ինչո՞ւ որոշ դեպքերում նույնիսկ դեմքի պարզ մաքրումը կարող է հանգեցնել բարդությունների: Կոսմետոլոգ Արմինե Աղաջանյանը ներկայացնում է իր դիտարկումները, թե ինչին պետք է ուշադրություն դարձնել, եւ ինչ պետք է անի կոսմետոլոգը, որպեսզի վստահեն նրան։

Գեղեցկության ոլորտում հեշտ է տարվվել սոցցանցերի գեղեցիկ խոստումներով եւ վառ լուսանկարներով: Բայց լավ կոսմետոլոգը ոչ թե սոսկ հավաստագիր ունեցող մասնագետ է, այլ մաշկի հետ աշխատելու խոր գիտելիքներով եւ փորձով հարուստ անձնավորություն։ Հայաստանում, ցավոք, դեռեւս խիստ կանոնակարգման բացակայություն կա այս ոլորտում, եւ շատ կոսմետոլոգներ կարճաժամկետ դասընթացների միջոցով վկայականներ են ստանում, որից հետո անմիջապես սկսում են աշխատել ներարկումներով։

Արդյունքը միջոցների ընտրության սխալներն են, ներարկման սխալ տեխնիկան եւ անհատական մոտեցման բացակայությունը:

«Հաճախ հաճախորդները գալիս են ինձ մոտ անհաջող բուժումներից հետո, քանի որ նրանց մաշկը սխալ է ուսումնասիրվել, կոսմետոլոգը պարզապես արել է այն, ինչը «հանրահայտ» էր, այլ ոչ թե այն, ինչ իրականում պահանջվում էր»,- նշում է Արմինեն։

Եթե մասնագետը չի կարողանում բացատրել, թե ինչու է ձեզ անհրաժեշտ այս կամ այն միջամտությունը, ինչ ռիսկեր կան եւ ինչ հաճախակիությամբ են սեանսները, դա զգուշանալու պատճառ է։ Կոսմետոլոգիան միայն մաշկը «ներարկելու» կամ «մաքրելու» մասին չէ, այլ հասկանալու, թե կոնկրետ ինչի կարիք ունի եւ ինչու:

Բայց մի բան է միջամտությունն իրականացնելը, մեկ այլ բան՝ հաճախորդին վերականգնման գործընթացում ուղղորդելը: Հայաստանում շատ կոսմետոլոգներ աշխատասենյակից դուրս գալուն պես մոռանում են հաճախորդների մասին։

Բայց ներարկումները, պիլինգները, մաքրումը գործընթացներ են, որոնք պահանջում են հետեւողականություն: Ի՞նչ է անում պրոֆեսիոնալը:

- Հետաքրքրվում է, թե ինչպես է արձագանքում մաշկը միջամտությունից հետո։

- Կապ է պահպանում հաճախորդի հետ, պատասխանում է նրա հարցերին եւ հետեւում խնամքին։

- Նախազգուշացնում է հնարավոր կողմնակի ազդեցությունների մասին եւ նախապես բացատրում, թե ինչպես հաղթահարել դրանք։

Եթե կոսմետոլոգը չի շփվում եւ հարցերին պատասխանում է «սա նորմալ է» կամ «խնդիր չկա, պարզապես սպասիր», սա ակնհայտ նշան է, որ նրան չի հետաքրքրում արդյունքը։

«Ես միշտ հաճախորդներին ասում եմ. միջջամտությունն ուղղակի անմիջական ազդեցություն չէ, կարեւոր է, թե ինչպես է մաշկը «պահում իրեն» հաջորդ շաբաթների ընթացքում, եւ կոսմետոլոգը պետք է վերահսկի դա ձեզ հետ միասին»,- ընդգծում է Արմինե Աղաջանյանը։

Գեղեցկության ոլորտը ամենաառեւտրայնացվածներից է, ինչը հանգեցնում է ամենամեծ եւ ամենատարածված խնդրին. միջամտությունների ագրեսիվ վաճառք, որոնք հաճախորդին պետք չեն:

Հաճախ կանայք գալիս են կոնկրետ խնդրանքով, օրինակ՝ մաշկը խոնավացնելու կամ այտուցները նվազեցնելու համար, եւ հեռանում են ներարկումների նշանակված ընթացքով, որի մասին նրանք նույնիսկ չեն էլ լսել:

«Ես հաճախորդուհի ունեի, որը պարզապես ուզում էր ազատվել չոր մաշկից: Նրան անմիջապես խորհուրդ էին տվել կոնտուրային պլաստիկա եւ նույնիսկ ասել, որ ժամանակն է մտածել բոտոքսի մասին, թեեւ նա ընդամենը 27 տարեկան էր: Սա ոչ միայն ավելորդ է, այլեւ վնասակար, եթե դեղամիջոցներն անհարկի են ներարկվում»,- նշում է Արմինեն։

Ինչպե՞ս տարբերել որակյալ կոսմետոլոգին: Նա չի պնդում միջամտության հարցում, եթե դուք կասկածում եք, այլ ընդհակառակը, բացատրում է, թե ինչ է դա, ինչ այլընտրանքներ կան եւ իրականում ինչի կարիք ունի նրա մաշկը։

Ցավոք, Հայաստանում կոսմետոլոգիական շուկան շարունակում է վատ կարգավորված մնալ, եւ հաճախորդը մեծ պատասխանատվություն է կրում մասնագետի ընտրության հարցում։

Նախքան ընթացակարգին համաձայնելը՝ կարեւոր է կոսմետոլոգին տալ հիմնական հարցերը.

• Ի՞նչ կրթություն եւ աշխատանքի ի՞նչ փորձ ունի։
• Ի՞նչ միջոցներ է օգտագործում, եւ կարելի՞ է արդյոք նայել դրանց փաթեթներին բացելուց առաջ։
• Ի՞նչ կլինի միջամտությունից հետո. կարելի՞ է արդյոք կապվել նրա հետ, եթե խնդիրներ ծագեն։
• Ո՞րն է մաշկի հետ աշխատելու պլանը, այլ ոչ թե «մեկ միջամտություն եւ վերջ»։

«Ես իմ հաճախորդներին միշտ ասում եմ. եթե կոսմետոլոգը խուսափում է հարցերից կամ չի կարողանում բացատրել, թե ինչ է անում, ապա նա պարզապես ուզում է ձեզ ծառայություն վաճառել եւ ոչ թե օգնել ձեր մաշկին»,- եզրափակում է Արմինե Աղաջանյանը։

Հայաստանում լավ կոսմետոլոգներ կան, բայց բազմաթիվ մասնագետների մեջ կարեւոր է գտնել մեկին, ով իսկապես հասկանում է նրանց աշխատանքը, քանի որ կոսմետոլոգիան պարզապես գեղեցկության ոլորտ չէ, այլ մաշկի խնամք։ Իսկ եթե մասնագետը միջամտություններ է կատարում առանց բացատրության, առանց անհատական մոտեցման, ապա նա ձեր կոսմետոլոգը չէ։

Հիշեք. կոսմետոլոգը պետք է լինի ձեր դաշնակիցը մաշկը խնամելիս, այլ ոչ թե պարզապես միջամտություն իրականացնող։

Հետևեք NEWS.am STYLE-ին Facebook-ում, Twitter-ում և Instagram-ում