• Արդյո՞ք Շոպենը սիրում էր տղամարդկանց. Գերմանացի հետազոտողը սիրո խոստովանություններ է հայտնաբերել նրա նամակներում  

  Ֆրեդերիկ Շոպենի տղամարդկանց ուղղված նամակները, որոնք տասնամյակներ շարունակ համարվել են 19-րդ դարի բնորոշ բարեկամության արտահայտություններ, կարող են բացահայտել շատ ավելի խորը զգացմունքներ: Այս եզրակացությանն է հանգել գերմանացի երաժշտական լրագրող և դաշնակահար Մորից Վեբերը, որն ուսումնասիրել է կոմպոզիտորի պահպանված մոտ 800 նամակ, ինչպես նաև լեհական և փարիզյան արխիվներից փաստաթղթեր...

• Սև մանիկյուրը վերադարձել է նորաձևություն. Սանդրա Բալոքը, Դուա Լիպան և Քայլի Ջենները ընտրում են աշնան հիմնական գույնը  

  Սև մանիկյուրը վերադարձել է 2026 թվականի աշնան գեղեցկության միտումների շարքին: Z սերնդի աստղերից մինչև 40-ն անց հոլիվուդյան դերասանուհիներ, հայտնիները կրկին ապացուցում են, որ ամենամուգ երանգը կարող է համարձակ, էլեգանտ և անժամանակ տեսք ունենալ...

• Ռոջեր Ֆեդերերի անսովոր ընտրությունը. թենիսի լեգենդը կրում է Rolex-ի ամենաքննարկվող ժամացույցը  

  Ռոջեր Ֆեդերերը կարողանում է էֆեկտիվ հայտնվել ոչ միայն թենիսի կորտում. Թենիսի փառքի սրահ ընդունվելիս մարզիկն ընտրել է անսովոր Rolex, որը անմիջապես գրավել է ժամացույցագործության սիրահարների ուշադրությունը...

• Կաշեմիրով գայլեր. միլիարդատերերն այլևս չեն ցանկանում միլիարդատիրոջ տեսք ունենալ

  Զուսպ շքեղություն։ Աննկատ հարստություն։ Ոչ մի լոգոտիպ։ Միայն որակյալ նյութեր...

• Վատիկանից մինչև haute couture. Հռոմի պապ Լևոն XIV-ը գլխավորել է ամենաոճային մարդկանց ցուցակը  

  Vanity Fair-ը պապին ներառել է իր ամենամյա լավագույն հագնվածների ցուցակում։ Նրա կերպարը՝ ավանդական, շքեղ պապական զգեստների, բեյսբոլի գլխարկների և Nike սպորտային կոշիկների համադրությունը, այնքան է տպավորել խմբագիրներին, որ Լևոն XIV-ը այժմ ցուցակը կիսում է Նիկոլ Քիդմանի, Ռիհաննայի և Քոլման Դոմինգոյի հետ...

• Քենդալ Ջենները և Ջեյքոբ Էլորդին գաղտնի հանդիպում են ունեցել, բայց չեն կարողացել խուսափել պապարացիների ուշադրությունից  

  Քենդալ Ջեններին և Ջեյքոբ Էլորդին կրկին միասին են նկատել, և, կարծես, նրանց նոր սիրավեպը լուրջ է դառնում...

• Մահացել է լեգենդ. Յայոյի Կուսաման՝ նկարչուհին, որը կետիկները վերածել է համաշխարհային արվեստի խորհրդանիշի  

  Ճապոնացի նկարչուհի Յայոյի Կուսաման, աշխարհի ամենահայտնի և առևտրային առումով հաջողակ նկարիչներից մեկը, մահացել է 97 տարեկանում։ Այս մասին հայտարարվել է նկարչուհու պաշտոնական կայքում հրապարակված հայտարարության մեջ...

• Աստղաբաշխական հաշիվ. Որքա՞ն է արժեցել Մեգանի և Հարրիի մասնավոր ինքնաթիռով թռիչքը դեպի Մեծ Բրիտանիա  

  Մեգան Մարքլը և արքայազն Հարրին վեցանիշ գումար են ծախսել Լոս Անջելեսից դեպի Բիրմինգհեմ մասնավոր ինքնաթիռով թռիչքի վրա...

Քրիստա Մարինան (Ապարդյան) երգչուհի, երգահան եւ պրոդյուսեր է, որը բնակվում է Լոս Անջելեսում եւ հիմնականում ստեղծագործում է R&B եւ փոփ ժանրերում՝ իր երաժշտության մեջ դնելով Մերձավոր Արեւելքի տարրերը, որոնք նրա մեղեդիները դարձնում են ավելի յուրահատուկ եւ հիշարժան: Նրա ձայնագրությունները YouTube-ում ունեն հազարավոր եւ միլիոնավոր դիտումներ: 

Վերջերս նա նաեւ փորձեց իրեն որպես դերասանուհի՝ նկարահանվելով Սուրբ Ծննդյան մասին նոր ֆիլմում, որում նրա խաղընկերներից է նաեւ բրիտանահայ հայտնի շոումեն Կեւ Օրկյանը։ Ֆիլմում նա մարմնավորում է գլխավոր հերոսուհուն, որը, նույնպես, երգչուհի է: Գանգրահեր ու ժպտերես Քրիստայի հետ ծանոթացա հենց նկարահանման հրապարակում եւ, իհարկե, չէի կարող շրջանցել ու չպատմել նրա մասին NEWS.am STYLE-ի «ArmenՅԱՆs» խորագրում։

Քրիստա Մարինան ծնվել է Փասադենայում, Կալիֆոռնիա: Նրա ընտանիքի արմատներն Արեւմտյան Հայաստանից են: Հայոց ցեղասպանության հետեւանքով նրանք ստիպված են եղել փախչել Սիրիա, Հունաստան եւ Պաղեստին: «Իմ ծնողները Բեյրութի եւ Հորդանանի հայեր են։ Ես ծագումով ամբողջովին հայ եմ»,-ասում է երգչուհին, որի մանկությունն անցել է Լոս Անջելեսում։

Քրիստա, ապրելով արտերկրում, հաջողացրե՞լ եք պահպանել ինչ-որ հայկական ավանդույթներ։

Այո, շատ ավանդույթներ։ Օրինակ՝ իմ ծննդյան օրը հունվարի 5-ին է՝ հայկական Սուրբ Ծննդյան նախօրեին։ Մենք նշում ենք հայկական Սուրբ Ծնունդը, Ծաղկազարդը եւ Զատիկը մեր Օրինջ Քաունթիի հայկական եկեղեցում։ Ես սովորել եմ Օրինջ Քաունթիի փոքրիկ հայկական դպրոցում, որտեղ նշում էինք Վարդավառի մեր սեփական տարբերակը։ Ես նաեւ զբաղվել եմ հայկական պարով եւ ներառված եմ եղել երգչախմբի մեջ։

Ինչպե՞ս եւ ե՞րբ սկսեցիք ստեղծել Ձեր երաժշտությունը։

Երաժշտության հանդեպ իմ հետաքրքրությունն ու կապվածությունը սկսվեց հայկական երաժշտությունից։ Ես սիրում էի սովորել եւ երգել մեր երգերը դպրոցում։ Ես սկսեցի դաշնամուրի հաճախել 8 տարեկանում՝ մի հրաշալի հայ ուսուցիչ ունեի։ Այնտեղից սկսեցի ուսումնասիրել օրիգինալ երաժշտությունը եւ խումբ կազմեցի իմ լավագույն ընկերներից մեկի՝ Ալիք Չերչյանի հետ։ Տարիների ընթացքում մենք կատարեցինք հայկական երգերի մեր սեփական մեկնաբանությունները, ինչպես նաեւ՝ այլ ժողովրդական, փոփ եւ բլյուզ «քավերներ» եւ օրիգինալ երգեր։ Ես երբեք չեմ մոռանա մեր առաջին համատեղ ելույթը՝ ապրիլի 24-ին, երբ ես 4-րդ դասարանում էի։ Մենք հիանալի ժամանակ անցկացրինք հարմոնիաներ գործիքավորելով, եւ ինձ դուր եկավ դաշնամուրից կախոնի անցնելը։ Ավագ դպրոցում մենք շարունակեցինք ելույթ ունենալ, եւ ես լսումների մասնակցեցի ու միացա ավագ դպրոցի երաժշտական ​​ծրագրին, որն ինձ շատ բան սովորեցրեց իմ սեփական հնչողության, բեմական ներկայության եւ երաժշտության ​​​​արտադրության մասին։ Այդ ընթացքում ես նաեւ կիթառ ձեռք բերեցի ու սկսեցի աշխատել իմ ստեղծագործական հմտությունների վրա։

Իսկ կա՞ մեկը, ով ոգեշնչում է Ձեզ Ձեր երաժշտության ոճի հարցում։

Սա դժվար հարց է ինձ համար, քանի որ դա անընդհատ փոփոխվում է։ Ես կասեի՝ ինձ վրա հիմնականում ազդեցություն են թողել Լենա Չամամյանը, Էմի Ուայնհաուսը, Ալիշա Քիզը, Ալինա Բարազը, Armenian Navy Band-ը, «Ռեինկարնացիան», H.E.R.-ը, Naika-ն: Վերջերս շատ Ladaniva եմ լսում, Տիգրան Համասյան, Téo, Բիլլի Այլիշ, Saint Levant եւ շատերին։

Վերջերս Դուք Հայաստանում նկարահանվում էիք Սուրբ Ծննդյան մասին նոր ֆիլմում, որտեղ խաղում եք գլխավոր հերոսուհու դերը: Ինչպե՞ս անցավ Ձեր առաջին դերասանական փորձը։

Դա շատ ազդեցիկ եւ անմոռանալի փորձառություն էր: Դա կանացիության, տարբեր տեսակի սիրո եւ երազելու մասին ամբողջական պատմություն է, որին ես անհամբերությամբ եմ սպասում, հատկապես այն պատճառով, որ դա կօգնի համաշխարհային ուշադրություն գրավել մեր երկրի վրա: Դերասանական կազմը, անձնակազմը, բոլոր նրանք, ում հետ ես հնարավորություն ունեցա կիսելու այս փորձառությունը, հրաշալի էին, եւ դրա համար ես շատ շնորհակալ եմ: Ես շատ բան սովորեցի ինքս իմ մասին, նոր հիշողություններ ստեղծեցի հայրենիքում եւ հնարավորություն ունեցա ուսումնասիրելու իմ արվեստի նոր ուղիները՝ երաժշտությունից մինչեւ դերասանություն։

Բայց երբեւէ երազե՞լ էիք դերասանական կարիերայի մասին․ ի՞նչ հեռանկարներ եք տեսնում այդ ոլորտում:

5-րդ դասարանում սցենարներ էի գրում եւ ընկերներիս հետ «ֆիլմեր» նկարահանում։ Դպրոցից շտապում էի տուն, ավարտում էի տնային աշխատանքս եւ անմիջապես սկսում հաջորդ պատմությունը պլանավորել։ Սա մի քանի տարի ամեն օր անում էի։ Դպրոցական տարիներին թատերական դասընթացների էի հաճախում, որպեսզի դուրս գամ իմ ամաչկոտության պատյանից, եւ շուտով սիրահարվեցի բեմին։ Քոլեջում ես երկու թատրոնի անդամ էի, որոնք դերասանական արվեստի, արձակի եւ ավանդական ելույթների համադրություն էին։ Ես նաեւ աշխատել եմ տեսախցիկի առջեւ՝ թե՛ տեսահոլովակների, թե՛ հանրային ելույթների նկարահանման ժամանակ։ Միշտ անհամբեր սպասում էի տեսնելու, թե ինչպես կդրսեւորվեին իմ արվեստն ու երաժշտությունը, եւ, անկեղծ ասած, չէի կարող կանխատեսել, որ դա ինձ մի օր կբերեր դեպի այս գլխավոր դերը լիամետրաժ ֆիլմում, բայց կարծում եմ՝ դա իմ գեղարվեստական ​​​​ճանապարհորդության բնական եւ օրգանական առաջընթաց էր։ Ես խորը հարգանք ունեմ դերասանական արվեստի նկատմամբ. դա արվեստի ամենախոցելի ձեւերից մեկն է, եւ այն քեզանից պահանջում է ամբողջական ներկայություն։ Ես շատ բան սովորեցի մեր դերասանական կազմից եւ  ընդհանուր փորձից։

Որքա՞ն հաճախ եք այցելում Հայաստան։

Տարին մեկ կամ երկու անգամ, չնայած կցանկանայի ավելի շատ այցելել։ Ինձ համար միշտ հուզիչ եւ դժվար է հեռանալը, ես հաճախ եմ կարոտում այս վայրը։

Ունե՞ք այստեղ սիրելի վայրեր։

Հայաստանում այնքան շատ գեղեցկություն կա ուսումնասիրելու, եւ ես գիտեմ, որ դեռ շատ ավելին կա տեսնելու։ Իմ սիրելի վայրերից մի քանիսն են Կասկադը՝ մայրամուտի, կամ արեւածագի ժամանակ, Սեւանա լիճը, Դիլիջանը, Կոմիտասի թանգարանը, In Vino-ն։ 2019 թվականին ես հնարավորություն ունեցա ապրելու Երեւանում, Շիրակում եւ Ստեփանակերտում, ու բոլոր վայրերն էլ շատ սիրեցի։

Հայաստանի վերաբերյալ այլ ծրագրեր կա՞ն, օրինակ՝ այստեղ երգելու, նոր նախագծերի հետ կապված․․․

Անկասկած․ ես դեռ համերգ չեմ տվել Հայաստանում եւ անպայման ուզում եմ դա ​​պլանավորել։ Կարողանալ լույս սփռել մեր մշակույթի վրա, արվեստ ստեղծել Հայաստանում եւ իմ արվեստը ծառայեցնել իմ երկրին՝ դա պատիվ է, ու ես անհամբեր սպասում եմ այդ ամենն իրագործելու հնարավորություններին։

Սյունե Առաքելյան

Լուսանկարները՝ cha.cha.studio, Hovig Kazandjian, Jade Marie, Robin Truong, Talia

Հետևեք NEWS.am STYLE-ին Facebook-ում, Twitter-ում և Instagram-ում