• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

• Այլընտրանքային տարբերակներ ենք մտածել, որ Գոռ Հակոբյանը ներկա լինի․ Մենչը՝ «Ֆուլ Հաուս»-ի նոր ներկայացման մասին

  «Ֆուլ Հաուս»-ի երկրպագուները կրկին միավորվելու առիթ ունեն…

• Վահան Տերյանի և Հովհաննես Թումանյանի գրական երկխոսությունը՝ նոր բացահայտումների լույսի ներքո

  Հայ գրականության երկու մեծերի՝ Վահան Տերյանի և Հովհաննես Թումանյանի ստեղծագործական ու մարդկային կապերի մասին նոր փաստեր են ներկայացվել Սուսաննա Հովհաննիսյանի նոր ուսումնասիրությունում...

• Ռաֆայել Երանոսյանը նոր մոնոներկայացում ունի` «Ծանր ու թեթև»

  Ռաֆայել Երանոսյանն իր հանդիսատեսին շուտով պատրաստվում է ներկայանալ նոր մոնոներկայացմամբ՝ «Ծանր ու թեթև»…

• Էվելինայի ու Անիի նախահարսանեկան խնջույքները, Արմինկայի 53-ամյակը, Ֆլորա Բիչախչյանը՝ «Նոր ալիք 2026»-ում․ Instagram-ը՝ այս շաբաթ

  Այս շաբաթը հայ հայտնիների համար լի էր գեղեցիկ առիթներով, անակնկալներով ու տոնական տրամադրությամբ...

• Ավետիք Իսահակյանը և Չինաստանը․ երբ հայ բանաստեղծի պոեզիան և չինական մշակույթը հանդիպեցին՝ դառնալով կամուրջ երկու քաղաքակրթությունների միջև

  Ի՞նչ կարող են պատմել մի քանի փոքրիկ չինական արձանիկները հայ գրականության մեծերից մեկի մասին...

• Մարդուն փնտրելով. «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին

  «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին...

Երեկ՝ մայիսի 22-ին, լեգենդար շանսոնյե Շառլ Ազնավուրի ծննդյան 101-ամյակին, նրա մեղեդային ու գեղեցիկ երգերից եւս մեկը հնչեց հայերենով։ Կինոմոսկվայում կայացավ Ton Nom երգի հայերեն տարբերակի պրեմիերան, որը նոր գործիքավորմամբ, նոր մոտեցմամբ ու տեսահոլովակով ներկայացրին Միքայել Սարգսյանն ու Լիլան։ Ամուսնական զույգը վաղուց էր ցանկանում անդրադառնալ Ազնավուրի այս ստեղծագործությանը․ զույգն իր մեկնաբանությամբ տարիներ առաջ ներկայացրել էր նաեւ ֆրանսահայ երգչի La Mamma երգը: Այս անգամ թարգմանության համար երգիչ-ամուսինները դիմել էին լրագրող, հեռուստամեկնաբան Արտակ Հերիքյանին։

Լրագրողը ժամանակին մի քանի հարցազրույց է հասցրել ունենալ աշխարհահռչակ արտիստի հետ․ Ազնավուրին լավագույնս ճանաչելն օգնել է Արտակին հասկանալ՝ ինչ նորամուծությունների կողմ կլիներ ինքը՝ Ազնավուրը, թեեւ նրա ստեղծագործությունը հայերեն թարգմանելը հայտնի մեկնաբանը «լուրջ փորձություն» է համարում։ Արտակի խոսքով՝ գաղափարի ծնվելուց ի վեր երգի հայերեն տարբերակի վրա աշխատել են երկու տարի։ Նա ընդգծում է՝ թե Միքայելը, թե Լիլան, մեծ բծախնդրությամբ ու պատասխանատվությամբ են վերաբերվել գործին․ «Իրենք չեն խնդրել գտնել պարզ, թեթեւ բառեր, որպեսզի հեշտ երգեն․ այնտեղ կան այնպիսի բառեր, որ ես սարսափով էի մտածում, թե ինչպես էին հաղթահարելու դրանք երգելը, բայց ի պատիվ իրենց՝ հրաշալի են կատարել։ Իմ գնահատմամբ՝ ստացվել է մի գործ, որն արժանի է Ազնավուրի ստեղծագործական ժառանգությանը»։

Երգի մեջ կա նաեւ ռեփի հատված․ Արտակն է խորհուրդ տվել այն կիրառել՝ վերհիշելով, որ Ազնավուրն ինքն էլ շատ էր սիրում այդ ժանրը։  

Посмотреть эту публикацию в Instagram

Публикация от NEWS.am STYLE (@style.news.am)

«Այնքան համոզիչ էր ասում, որ ինքն ապրելու է 120 տարի եւ երգելու է 100 տարի, որ նրա մահից ավելի քան 6 տարի է անցել, բայց դեռ ինքս չեմ հավատում, որ նա չկա, եւ որ այս կյանքում նրան այլես չենք հանդիպելու։ Իրոք, ինչպե՞ս կարելի է մահացած համարել մեկին, ով ունի այնքան անտիպ չափածո ստեղծագործություններ, այնքան չերգված երգեր, որոնք կբավականացնեին մեկ լավ արվեստագետի 100 տարվա կարիերայի համար։ Ինչպե՞ս կարող ենք մահացած համարել մեկին, ում երգերն իրենց զգացմունքայնությամբ, համարձակությամբ, իրենց ժամանակակից լինելով շարունակում են ցնցել բոլորիս՝ աշխարհի բոլոր անկյուններում։ Ազնավուրը, չնայած ֆրանսիացի պոետ է, ֆրանսիացի արտիստ, ֆրանսիական մշակույթի հսկա, հայերս միշտ հայացրել ենք նրան՝ ու այնքան, որ, նույնիսկ, թվացել է, թե նա հենց հայերեն էլ երգում է, բայց իրականում շատ հաճախ Ազնավուրի տեքստերն անծանոթ են եղել շատերին, որովհետեւ բոլորս չէ, որ խոսում ենք ֆրանսերեն։ Նրա մահից հետո ստացվել է այնպես, որ Հայաստանում շատ լավ սկսել են հայացնել նրա ստեղծագործական ժառանգությունը։ Ազնավուրն այսօր էլ՝ 101 տարեկանում, երգում է հայերեն, երգում է շատ տաղանդավոր երգիչների շուրթերով»,-վստահ է Արտակը։

Երգի ընտրությունից պատմեցին Լիլան ու Միքայելը։ Լիլայի խոսքով՝ այս երգն իրենց խորհուրդ է տվել գործիքավորող Թաթոս Հակոբյանը։ 

«Մտածում էինք՝ ինչ գործ վերցնել ու կանգ առանք այս երգի վրա։ Նպատակ էինք դրել վերցնել այնպիսի ստեղծագործություն, որը քիչ է լսված, եւ կարծում ենք, որ այս տարբերակը նոր շունչ կտա երգին»։

Միքայելը հավելում է՝ Արտակ Հերիքյանը «փառահեղ» է կատարել թարգմանության իր աշխատանքը։ «Արտակի հետ շատ երկար ճանապարհ ենք անցել, անընդհատ շփվում էինք ամեն բառի, ամեն վանկի վերաբերյալ, եւ վերջնական տարբերակը մեզ շատ է դուր եկել»։

Զույգը նշում է՝ երգը շատերի մոտ տարբեր զգացողություններ կարող է առաջացնել, իրենք, սակայն, երգել են միմյանց մասին մտածելով։ 

Շառլ Ազնավուրը Ton Nom երգը կատարել է Լայզա Մինելիի հետ։ Երգն ունի ավելի քան 50 տարվա պատմություն։ 

Երգի հայերեն տարբերակի գործիքավորումը կատարել է Թաթոս Հակոբյանը, օպերատոր՝ Վազգեն Մարտիրոսյան։ 

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում