• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երևանը, որ այսպես նայում ես, Հռոմից ոչ միայն հին չէ, այլև շատ նոր քաղաք է

  Երևանը միայն քարտեզի վրա նշված քաղաք չէ․ այն հիշողություն է, պատմություն, սեր ու երազանք՝ միավորված մեկ անվան մեջ...

• Արգենտինայի համը Երևանի սրտում. դեսպանատունը ներկայացրեց գինիներ, որոնք արժե փորձել

  Գինին ունի երկրի ինքնությունը առանց խոսքերի փոխանցելու հազվագյուտ ունակություն․․․

• Եթե Երևանի պատմության թանգարանը ապագայում  չարժանանա սեփական շքեղ շինության, թող սա լինի գոնե վերջին հանգրվանը  

  Հայաստանում ես առաջին անգամ հասկացա, թե ինչ է հայրենիքը, որը կրում ես քո ներսում։ Հայ լինելը նրանց համար դժբախտություն չէ կամ պարտականություն, դա նրանց էությունն է...

• Երկիրը՝ գլխավերևում. «Հայ ֆեստ»-ի բացումը Երևանում

  Նույնիսկ մռայլ աշնան կեսը պատճառ չէ դադարեցնելու տոներն ու փառատոները Հայաստանում…

• «Հակաքրիստոսը գալիս է Երևան». Հայերը պահանջում են չեղարկել Մորգենշտեռնի համերգը

  Մորգենշտեռնը դեկտեմբերի 19-ին նախատեսում է ելույթ ունենալ Երևանում․․․

• «Կինեմատոգրաֆիկ, կոսմոպոլիտ, հիասքանչ». Vogue France-ը պատմում է Հայաստանում տեղի ունեցած հարսանիքի մասին

  Ի՞նչ է պատահում, երբ հայկական հարսանեկան ավանդույթները հանդիպում են Վիետնամի, Կամբոջայի և Չինաստանի մշակույթներին․․․․

Երևանը պատրաստվում է ամենասիրելի ըմպելիքներից մեկին նվիրված փառատոնին։ Արդեն չորրորդ տարին մայրաքաղաքի սրտում՝ Զաքյան փողոցում, կանցկացվի «Գարեջրի օրեր» կոչվող եռօրյա միջոցառումը, որը տեղի կունենա օգոստոսի 22-ին, 23-ին և 24-ին։ Փառատոնն իրականացվում է ՀՀ էկոնոմիկայի նախարարության Զբոսաշրջության կոմիտեի և «էվենտՏուրա» ընկերության ջանքերով։ 

Կազմակերպիչների խոսքով՝ այս միջոցառումը նպաստում է ոչ միայն հայկական գարեջրի հանրահռչակմանը, այլև գյուղատնտեսության զարգացմանն ու զբոսաշրջիկների հոսքին։ 

«Ես, որպես 18 տարի տարբեր փառատոնների կազմակերպիչ, կարող եմ ասել, որ դրանց շնորհիվ է զարգանում իրադարձային տուրիզմը։ Այս միջոցառումն արդեն 4 տարի է, ինչ անցկացվում է ու հայտնի է՝ որպես Գարեջրի փառատոն, և հույս ունենք, որ այն կշարունակի լինել սիրված՝ զբոսաշրջիկների և մեր հանրության կողմից։ Հիմա Հայաստանում շատ են փառատոնները, և դա ողջունելի է, քանի որ իրադարձային տուրիզմի ճյուղը պետք է զարգանա։ Գարեջրի փառատոնն ունի մեծ պոտենցիալ, որովհետև մենք ունենք պատմություն, որը կարելի է շատ լավ շահարկել, ներկայացնել՝ Հայաստան բերելով հենց այս ըմպելիքի սիրահարներին»,-այսօր՝ օգոստոսի 13-ին կայացած ասուլիսին, նշեց «էվենտՏուրա» ընկերության համահիմնադիր Նունե Մանուկյանը։

«էվենտՏուրա» ընկերության փոխտնօրեն Լիլիթ Ծառուկյանի խոսքով՝ փառատոնը ևս մեկ առիթ է Հայաստանը՝ որպես գարեջրագործության հնագույն երկիր ներկայացնելու համար։ 

«Փառատոնը տեղի է ունենալու Զաքյան-Խորենացի, Զաքյան-Լուսավորիչ խաչմերուկների հատվածում՝ օգոստոսի 22-ին, 23-ին և 24-ին, ժամը 16:00-ից մինչև 22:30-ը։ Միջոցառման նպատակը իրադարձային զբոսաշրջության զարգացումն է և Հայաստանը՝ որպես գարեջրագործության ամենահին երկրներից մեկը ներկայացնելը։ Դեռևս մ․թ․ա․ 5-րդ դարում, երբ Քսենոֆոնն այցելել է Հայաստան, նա իր աշխատության մեջ նշել է, որ հայերը պատրաստում էին խմիչք և այն պահում էին խառնարաններում, և այդ խմիչքը պատրաստվում էր գարուց։ Սա վկայում է այն մասին, որ այդ խմիչքը հենց գարեջուրն է եղել, և մենք կարող ենք այս պատմությունը վերցնելով ասել, որ, այո, մենք գարեջուր արտադրող ամենահին երկրներից ենք»,-շեշտում է նա։  Լիլիթ Ծառուկյանի խոսքով՝ 2024 թ-ին փառատոնին մասնակցել են 14 գարեջուր արտադրող ընկերություններ, իսկ այս տարի լինելու են ավելի քան 25 ընկերություններ։ «Հատկանշական է, որ արտադրողները Հայաստանի տարբեր մարզերից են՝ Սյունիք, Գեղարքունիք, Կոտայք․․․ Հիմնականում հայկական գարեջուր արտադտող ընկերություններ են մասնակցում, բայց կունենանք նաև 2-3 ներմուծող ընկերություններ»։

Փառատոնի գոտին բաժանված կլինի մի քանի մասերի՝ գարեջուր արտադրողների, սնունդ ներկայացնողների տաղավարներից մինչև խաղային հատված։ Կանցկացվի նաև մրցույթ և խաղարկություն՝ յուրաքանչյուր օր՝ 22:00-ին։ 

«Հայաստանում ունենք գրեթե 30 գարեջուր արտադրողներ․ եթե նախորդ տարիներին փոքր արտադրողները չէին մասնակցում փառատոնին՝ պատճառաբանելով, որ իրենց արտադրանքը չի բավականացնի 3 օրերի այցելուների համար, ապա այս տարի այդպիսի մի քանի ընկերություններ այնքան են մեծացրել իրենց արտադրանքի ծավալը, որ արդեն մասնակցում են փառատոնին և պատրաստ են սպասարկել այցելուներին»,-ուրախությամբ ընդգծեց Լիլիթ Ծառուկյանը։ 

ՀՀ էկոնոմիկայի նախարարության Զբոսաշրջության կոմիտեի մարքեթինգի և վարչության ներկայացուցիչ Դիանա Կարապետյանը՝ ամփոփելով փառատոնային արդյունքները, հավելեց․

«Մենք ձգտում ենք, որ մեզ մոտ ամբողջ տարին փառատոնաշատ լինի՝ ձմեռային զբոսաշրջությանն աջակցող փառատոններից մինչև աշուն, որպեսզի տարին իրադարձային զբոսաշրջությամբ լի լինի և ցանկացած զբոսաշրջիկ կարողանա իրեն հարմար միջոցառում գտնել՝ սպորտայինից մինչև մշակութային»։ 

Ըստ նրա՝ 2025 թ-ի հուլիսին Հայաստան են եկել 263592 զբոսաշրջիկ, որը նախորդ տարվա համեմատ 10,9 տոկոսով ավել է։ Նա նշեց, որ ակտիվ են եղել նաև մայիս և հունիս ամիսները։ 

Հետևեք NEWS.am STYLE-ին Facebook-ում, Twitter-ում և Instagram-ում