• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

• «Մի գդալ սեր», Coca-Cola Fest ու հարսանիքներ․ Instagram-ը՝ նախորդ շաբաթ

  Նախորդ շաբաթ Instagram-ից սեր էր ճառագում։ Սիրո մասին նոր ֆիլմի պրեմիերա ու աստղային հարսանիքներ․․․ Սկսենք սկզբից...

• Մաքուր միջավայրում մաքուր մտքեր են ծնվում․ Հակոբ Միկոյանի «ՄաքրաՊատումը»

  Աղբը սովորաբար տեսնում ենք այնտեղ, որտեղ այն չպետք է լինի՝ փողոցում, անտառում, ճանապարհի եզրին, գետի ափին...

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

Թեև «Եվրատեսիլին» դեռ ամիսներ կան, մրցույթի երկրպագուները վաղուց սկսել են համացանցում շրջանառել վարկածներ՝ փորձելով ենթադրել, թե ով պետք է լինի Հայաստանի հաջորդ «դեսպանը» համաեվրոպական հեղինակավոր մրցույթում:

Հանրային հեռուստաընկերությունը նախորդ տարի մեր ներկայացուցչին ընտրեց «Դեպի Եվրատեսիլ» մրցույթի միջոցով: Այս տարի դեռևս հայտարարված չէ այն ձևաչափը, որով ընտրվելու է Հայաստանի պատվիրակը, բայց մեր աչքից չեն վրիպել երկրպագուների կողմից առաջարկվող որոշ վարկածներ, որոնք շրջանառվում են դեռ անցած տարվանից:

Սիմոն

Երգիչ Սիմոնը, ով նաև փայլուն պարող է, մրցույթին հավակնում էր մասնակցել դեռևս նախորդ տարվանից: «Դեպի Եվրատեսիլ»-ում Սիմոնը հանդիսատեսին գրավեց իր ակտիվ բեմական ելույթով, սակայն զբաղեցրեց երկրորդ հորիզոնականը. հաղթող ճանաչվեց Պարգը, ով դարձավ մրցույթի՝ նախորդ տարվա հայ դեսպանը:

Այնուամենայնիվ, շատերը կարծում են, որ Սիմոնը մրցույթին համապատասխան արտիստ է, և նրա «եվրատեսիլյան ժամը» դեռևս առջևում է:

Աթենա Մանուկյան

Աթենա Մանուկյանի անունը սկսեց շրջանառվել արդեն անցած տարի: Ֆան-ֆորումներում լուրեր տարածվեցին, թե հունահայ երգչուհին է դառնալու Հայաստանի հաջորդ դեսպանը մրցույթում: Աթենան անձամբ ոչ մի մեկնաբանություն չի տվել թեմայի շուրջ, սակայն իր էջում կիսվում էր երկրպագուների կանխատեսումներով:

Հավելենք, որ Աթենան ոչ միայն նախորդ տարի էր մասնակցել «Դեպի Եվրատեսիլ»-ին, այլև դարձել էր 2020 թ-ի մրցույթի հաղթողը, սակայն Covid 19-ի պատճառով մրցույթն այդ տարի ընթացավ այլ ձևաչափով և երգչուհին, ինչպես նաև մյուս երկրների ներկայացուցիչները, չկարողացավ ներկայանալ եվրատեսիլյան բեմում:

Բրյունետ

Բրյունետը Հայաստանը ներկայացրել է 2023 թ-ին՝ Future Lover երգով: Երգչուհին զբաղեցրել է 14-րդ հորիզոնականը, սակայն երկրպագուները հաճախ են գրում այն մասին, որ նրա ելույթը թերագնահատված էր: Եվ հաշվի առնելով երգչուհու նոր հիթերը՝ շատերը ցանկություն են հայտնում կրկին տեսնել նրան՝ որպես «Եվրատեսիլ»-ում Հայաստոնի ներկայացուցիչ:

Մալենա

«Մանկական Եվրատեսիլ 2021»-ի հայաստանյան ներկայացուցիչն ու հաղթողը մրցույթի ֆավորիտներից է: Մալենան 19 տարեկան է, և երկրպագուները նրան ցանկանում են տեսնել նաև մեծերի մրցույթում:

Պատրիկ Ֆիորի

Մրցույթում ֆրանսահայ երգչի հնարավոր մասնակցության մասին սկսեցին խոսել նախորդ տարի՝ նրա հարցազրույցից հետո:

France 2 հեռուստաալիքի «Quelle époque!» հաղորդման ուղիղ եթերում հաղորդավարուհի Լեա Սալամեի և ստուդիայի հյուրերի հետ զրույցի ընթացքում Ֆիորին պատմել է Կորսիկային նվիրված իր նոր՝ Corsu Mezu Mezu 3 ալբոմի մասին։ Սակայն խոսակցությունն անմիջապես անցել է մեկ այլ կարևոր թեմայի՝ երգչի հայկական ծագմանը։

Պատասխանելով Բիոլեի կատակին այն մասին, որ նա «հազվադեպ է բաց թողնում Հայաստանը հիշատակելու հնարավորությունը», արտիստը անսպասելի հայտարարություն է արել.

«2027 թվականին ես Հայաստանը կներկայացնեմ «Եվրատեսիլ» մրցույթում։ Սկզբունքորեն, ամեն ինչ արդեն սկսվել է»։

Սյուզաննա Մելքոնյան

Հզոր ձայնով երգչուհին, ով հաղթել է միջազգային մի շարք մրցույթներում, վաղուց գրավել է հայ հանդիսատեսի սրտերը: Գուցե հաջորդը «Եվրատեսի՞լ»-ն է:

Երկրպագուները հաճախ են շոշափում նաև մրցույթի նախորդ մասնակիցներից Սիրուշոյի և Իվետա Մուկուչյանի անունները:

Այլ խոսակցություններ.

Վիզուալ շոուի առումով լուրեր են շրջանառվում, որ Հայաստանն այս տարի վարձել է առաջատար եվրոպացի ռեժիսորի՝ բարձր տեխնոլոգիաների՝ AR-ի վրա շեշտը դնելու համար։

Ոմանք կարծում են՝ այս տարի կունենանք արագ տեմպով երգ՝ հայկական ժողովրդական գործիքներով և բարձրորակ գործիքավորմամբ։

Սակայն հավելենք, որ բոլոր նշված անունները, պարզապես, համացանցային տարբեր քննարկումներից վերցված վարկածներ են, պաշտոնապես մեր մասնակցի անունը կհայտարարի Հանրային հեռուստաընկերությունը: Ի դեպ, հաշվի առնելով նախորդ տարիների փորձը՝ չի բացառվում, որ մեր պատվիրակը լինի բոլորովին նոր արտիստ, որի անունը, գուցե, նույնիսկ չի քննարկվում:

«Եվրատեսիլ 2026»-ն անցկացվելու է Վիեննայում՝ մայիսի 12-ին, 14-ին և 16-ին:

Հետևեք NEWS.am STYLE-ին Facebook-ում, Twitter-ում և Instagram-ում