• Անկախության 35-ամյակին նվիրված համերգը՝ Հանրապետության հրապարակում (ֆոտոռեպորտաժ)

  Տատա Սիմոնյանի երգերի տակ՝ պար ու տժոց Հանրապետության հրապարակում...

• Հայաստանի պետական սիմֆոնիկ նվագախումբը սկսում է 21-րդ համերգաշրջանը․ «Մեր նպատակն է Հայաստանը ներկայացնել աշխարհի մշակութային քարտեզում»

  Հայաստանի պետական սիմֆոնիկ նվագախումբը ազդարարել է նոր՝ 21-րդ համերգաշրջանի մեկնարկը․․․

• «Սիմֆոնիկ ճամփորդություն»․ դասական երաժշտության գլուխգործոցները՝ մեկ երեկոյի ընթացքում

  Հայաստանի պետական սիմֆոնիկ նվագախումբը հուլիսի 1-ին և 2-ին բոլորին հրավիրում է յուրատեսակ սիմֆոնիկ ճամփորդության...

• ՈւՂԻՂ․ Հայաստանի պետական սիմֆոնիկ նվագախումբը` Շանհայի Չենշան երաժշտական փառատոնին

  ՀՀ կրթության, գիտության, մշակույթի և սպորտի նախարարության աջակցությամբ Հայաստանի պետական սիմֆոնիկ նվագախումբը հանդես կգա Չինաստանում կայանալիք համերգներով...

• «Հարրի Փոթերը և Փիլիսոփայական քարը» ֆիլմն առաջին անգամ Երևանում կցուցադրվի Հայաստանի պետական սիմֆոնիկ նվագախմբի կենդանի կատարման ուղեկցությամբ

  Հունիսի 3-ին՝ Կարեն Դեմիրճյանի անվան մարզահամերգային համալիրում կկայանա «Հարրի Փոթերը և Փիլիսոփայական քարը» ֆիլմի ցուցադրությունը, բայց՝ յուրահատուկ ձևաչափով...

• Հայաստանի պետական սիմֆոնիկ նվագախումբը նշեց 20-ամյակը՝ աշխարհահռչակ դաշնակահար Լանգ Լանգի մասնակցությամբ

  Եթե հարցնեիք՝ պատկերացնո՞ւմ էի, որ կունենանք մեր հնչողությունը, կասեի՝ ոչ. դիրիժոր Սերգեյ Սմբատյան...

• Հենրիխ Մխիթարյանի շնորհավորական ուղերձը Հայաստանի պետական սիմֆոնիկ նվագախմբի 20-ամյակի առթիվ

  Հայաստանի պետական սիմֆոնիկ նվագախումբը շարունակում է շնորհավորանքներ ստանալ իր 20-ամյակի առթիվ՝ ոչ միայն մշակութային հայտնի ներկայացուցիրներից, այլև անվանի մարզիիկներից...

• Հայկական ոգին, ուժն ու հաղթանակի խորհրդանիշը՝ «Յարխուշտա»-ն, այսուհետ կհնչի որպես Հայաստանի ֆուտբոլի ազգային հավաքականի պաշտոնական հիմն

  Հայկական մշակույթի և սպորտի միավորումը ստանում է նոր, հնչեղ արտահայտություն․ Հայաստանի պետական սիմֆոնիկ նվագախմբի կատարմամբ «Յարխուշտա»-ն այսուհետ կհնչի որպես Հայաստանի ֆուտբոլի ազգային հավաքականի պաշտոնական հիմնը...

Ապրիլի 14-ին Հայաստանի պետական սիմֆոնիկ նվագախումբը Կարեն Դեմիրճյանի անվան մարզահամերգային համալիրի մեծ դահլիճում հանդես կգա տոնական մեծ համերգով, որը նվիրված է նվագախմբի հիմնադրման 20-ամյակին։ Այս առթիվ Հայաստան է ժամանելու ու առաջին անգամ հայ հանդիսատեսի համար նվագելու է աշխարհահռչակ դաշնակահար Լանգ Լանգը, որին վստահված էր Օլիմպիական խաղերի բացումը Միլանում։

NEWS.am STYLE-ը առաջիկա համերգային ծրագրի մասին զրուցել է Հայաստանի պետական սիմֆոնիկ նվագախմբի տնօրեն Սարգիս Բալբաբյանի հետ։ Նա պատմել է, թե քանի մասից է բաղկացած լինելու համերգը և ինչ անակնկալներ են սպասվում այդ օրը ունկնդրին։

«Համերգն ընթանալու է շատ հետաքրքիր ձևաչափով․ առաջին հատվածում ելույթ է ունենալու աշխարհահռչակ մենակատար Լանգ Լանգը․ սա այն դեպքն է, երբ մենք, իսկապես, Հայաստան ենք հրավիրել աշխարհահռչակ արտիստի, որը հայտնի է աշխարհի բոլոր բեմերում, իսկ օրեր առաջ Միլանում նրա կատարմամբ բացվեցին Օլիմպիական խաղերը։ Մեզ համար մեծ հաջողություն է, որ Լանգ Լանգի հայաստանյան այցով մենք նշելու ենք մեր նվագախմբի համար այս կարևոր հոբելյանը»,-ասում է Բալբաբյանը,-«Համերգի երկրորդ բաժնում մեր ունկնդրի ամենասիրելի նախագծերն են լինելու՝ հայտնի արտիստների կատարմամբ, որի մասին ինֆորմացիան կներկայացնենք մոտ ժամանակներս»։

Նվագախմբի տնօրենը հավելում է՝ Լանգ Լանգի հետ բավական երկար տարիների համագործակցություն ունեին և, պարբերաբար, քննարկում էին համերգի հնարավորությունները Հայաստանում։ «Շատ ուրախ ենք, որ նվագախմբի 20-ամյակը հանդիսացավ այն կարևոր օրը, երբ Լանգ Լանգը կայցելի Հայաստան»։

Նվագախմբի 20-րդ համերգաշրջանը, որը մեկնարկել է 2025 թ-ի սեպտեմբերին, շատ թեժ է, ասում է նա։ «Մենք բազմաթիվ հյուրախաղեր ու համերգներ ունենք։ Այս պահին նվագախումբը գտնվում է Օմանում՝ Թագավորական օպերային թատրոնում հյուրախաղերով։ Նվագախումբը մեծ հյուրախաղեր ունեցավ նաև նոյեմբեր, դեկտեմբեր ամիսներին՝ 15 համերգով հանդես գալով Գերմանիայի լավագույն համերգասրահներում, ներկայացնելով նաև հայ կոմպոզիտորների ստեղծագործությունները։

Պետք է ասեմ, որ այս հյուրախաղերը շատ կարևոր էին մեզ համար, բազմաթիվ հոդվածներ կան, որոնցում ներկայացնում են նվագախմբին բարձր մակարդակով, ինչն այդ հյուրախաղերի մեծագույն ձեռքբերումներից է»։

Հայաստանի պետական սիմֆոնիկ նվագախումբը մշտապես իր ունկնդին է ներկայացնում նորարական ձևաչափով նախագծեր, որոնց նպատակը երիտասարդներին դասական երաժշտության համերգներին ինտեգրելն է․

«Համեստորեն պետք է նշեմ, որ անցած 20 տարիների աշխատանքի ընթացքում մենք ունենք երիտասարդ ունկնդիրների մեծ կշիռ՝ ավելի քան 50 տոկոս, ինչը շատ ուրախալի է»։

Նվագախումբը շարունակելու է իր հանդիսատեսին մատուցել յուրահատուկ համերգային ծրագրեր՝ նորարական մոտեցումներով։

Փետրվարի 21-ին, օրինակ, մեկնարկելու է Ժամանակակից երաժշտության փառատոնը, որի ընթացքում Հայաստանում տեղի կունենան հայտնի հայ ու օտարերկրացի կոմպոզիտորների համաշարհային պրեմիերաներ․ «Այս գործընթացում մեզ միացել է «GTB Holdings» ընկերությունը, ինչի համար շատ ուրախ եմ․ այն հանդիսանալու է մեր փառատոնի ռազմավարական գործընկերը, և մենք միասին մեծ հաջողություններ ենք գրանցում՝ ի նպաստ հայ կոմպոզիտորական արվեստի և հատկապես մեր կողքին ապրող կոմպոզիտորների՝ Հայաստանում և արտերկրում ճանաչման գործում»։

Հավելենք, որ ապրիլի 14-ին կայանալիք համերգն անցկացվում է Հայաստանի Հանրապետության ԿԳՄՍ նախարարության աջակցությամբ։

2009 թվականին Time ամսագիրը Լանգ Լանգին ընդգրկել է աշխարհի 100 ամենաազդեցիկ մարդկանց ցանկում: Նա երկար տարիներ երաժշտական կրթության ակտիվ ջատագով է և մեծ ներդրում ունի դասական երաժշտության հանրահռչակման գործում ոչ միայն Չինաստանում, այլև ամբողջ աշխարհում: 2008 թվականին հիմնել է Lang Lang International Music Foundation-ը՝ նպատակ ունենալով պատրաստել ապագա լավագույն դաշնակահարներին և զարգացնել երիտասարդ հանդիսատեսին կենդանի երաժշտական փորձառություններով:

Դաշնակահարը Երևանում կայանալիք համերգի մասին տեղեկացրել է նաև իր սոցիալական էջերում և պաշտոնական կայքում։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում