Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

«Եթե ստացվի, հայկական բալետը մեծ առաջընթաց կունենա»․ Րաֆֆի Գալստյանը՝ իր նոր գաղափարի, եվրոպական համերգների և շուտով հայ հանդիսատեսին կրկին ներկայանալու մասին

15:10, 15 փետրվարի

Ա. Սպենդիարյանի անվան օպերայի եւ բալետի ազգային ակադեմիական թատրոնի առաջատար մենապարող Րաֆֆի Գալստյանը շուտով կրկին կներկայանա հայ հանդիսատեսին՝ այն էլ միանգամից երեք ներկայացումներում։ NEWS.am STYLE-ի հետ զրույցում Րաֆֆին պատմել է ոչ միայն իր մասնակցությամբ բալետային ներկայացումների, այլև մի գաղափարի մասին, որը, ըստ արտիստի, կարևոր նշանակություն կարող է ունենալ հայկական բալետի զարգացման համար։ 

edc4d2b4-041b-4bf0-984c-a7a62e148c6e.jpeg (169 KB)

Րաֆֆի Գալստյանը վերջին շրջանում զբաղված է եվրոպական շրջագայություններով։ Մեզ հետ զրույցի ընթացքում նա շտապում էր հերթական ներկայացմանը։ Պարողը Փարիզում և ամբողջ Եվրոպայում հանդես է եկել ավելի քան 90 բալետային ներկայացումներում։ 

«Այստեղ վերջին ներկայացումը կունենամ փետրվարի 15-ին, այնուհետև կվերադառնամ Հայաստան և հանդես կգամ երեք ներկայացումներում։ Փետրվարի 18-ին` «Մարդուկ-ջարդուկ», 19-ին՝ «Դիմակահանդես», 21-ին՝ «Գայանե» բալետում»,-պատմում է արտիստը։ 

054a66f4-d5f5-491c-96e7-69d1b2b4dd44.jpeg (87 KB)

Այս ընթացքում նա ունեցել է ևս երեք հրավեր, որոնցից երկուսը մերժել է, քանի որ ֆիզիկապես չէր կարող մասնակցել․ «Մեկը ընդունեցի, քանի որ այդ ժամանակ ազատ կլինեմ․ հոկտեմբերին «Սպարտակ» բալետային ներկայացմամբ կներկայանամ Մոլդովայում՝ փառատոնի շրջանակում»։

Րաֆֆին ևս մեկ հրավեր է ունեցել Հայաստանում՝ մյուզիքլում։ «Ցավոք, այդ առաջարկն էլ ստիպված եղա մերժել, բայց քննարկել ենք հետագա համագործակցությունը»,-ասում է պարողը։

Հեռուստադիտողներին, որոնց Րաֆֆին առավել հայտնի է «Եթե ես կրկին պարեմ» սերիալում իր գլխավոր դերակատարմամբ, արտիստն առայժմ չի ներկայանա նոր նախագծով, բայց առաջարկներ հաճախ է ստանում, այնպես որ նրա էկրանային գործունեությունը այդքանով չի սահմանափակվի։

dc47d905-d858-4a20-961f-c7b957a37ef2.jpeg (67 KB)

Այժմ Րաֆֆին զբաղված է մեկ այլ կարևոր ծրագրով։ Առայժմ շատ փակագծեր չի բացում, քանի որ ինչպես ինքն է ասում՝ սիրում է խոսել այն ժամանակ, երբ գործն արված է․

«Հետաքրքիր գաղափար ունեմ, որի շուրջ համախմբել եմ իմ մտերիմ ընկերներին ու հարազատ մարդկանց․ փորձում ենք ամեն ինչ անել, որպեսզի կարողանանք այդ գաղափարը կյանքի կոչել։ Եթե ստացվի, մեծ առաջընթաց կունենա հայկական բալետը և Հայաստանը՝ որպես միջազգային բեմահարթակ։ Հայաստանում կկարողանանք ստեղծել մի նախագիծ, ինչպիսին երբեք չի եղել այստեղ, ես էլ երբեք չեմ լսել, որ նման բան կարող էր լինել։ Հիմա կատարում ենք նախապատրաստական աշխատանքները, որպեսզի կարողանանք  ներկայացնել համապատասխան մարմիններին, և աջակցություն ստանալու դեպքում կունենանք այդ կարևոր միջազգային նախագիծը։ Փակագծերը չբացեմ, քանի որ սիրում եմ խոսել այն ժամանակ, երբ գործն արդեն արված է լինում։ Հուսով եմ՝ կստացվի, քանի որ գաղափարն իր մեջ կրում է միայն դրական ազդեցություններ»,-եզրափակեց արտիստը։ 

Սյունե Առաքելյան 


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search