• Met Gala 2027. Ջոն Գալիանոյի հետ կապված սկանդալից հետո նորաձևության աշխարհը պառակտել է պարահանդեսի նոր թեման  

  Ինչպես հաղորդում է Vogue-ը, 2027 թվականի Met Gala-ի թեման է «արտակարգ. նորաձևությունը և առօրյայի պոետիկան» «extraORDINARY: Fashion and the Poetics of the Everyday»...

• Անհետանալ՝ էլ ավելի ցանկալի դառնալու համար․ ինչպես Bottega Veneta-ն Instagram-ում հինգամյա լռությունը վերածեց նորաձև ռազմավարության

  Ավելի քան հինգ տարվա լռությունից հետո Bottega Veneta-ն կրկին բացել է իր էջը Instagram-ում։ Այս վերադարձը բրենդն ուղեկցել է լակոնիկ S’ciao բառով՝ հին վենետիկյան ողջույնով, որը ծագում է schiavo vostro («ձեր ծառան եմ» / «պատրաստ եմ ձեզ ծառայելու») արտահայտությունից։ Իտալական հին ցուցանակներին և 1960-ականների տպագիր դիզայնին հղում անող նրբագեղ տառատեսակով գրությունն ընկալվել է որպես վերադարձի խորհրդանշական հրավեր, գրում է La Repubblica-ն...

• Մի անգամ Prada-ի աշխարհում․նորաձևության տունն իր նոր արշավը վերածել է «Դիսնեյի» հեքիաթի

  Prada-ն հրավիրում է հեքիաթային աշխարհ, որտեղ բյուրեղապակյա կոշիկների փոխարեն դիզայներական աքսեսուարներ են, իսկ նկարված արքայադուստրերի փոխարեն՝ Սեդի Սինկն ու Մայա Հոքը…

• Lamborghini-ն` ձեր ուսերին. Balenciaga-ն ներկայացնում է 9,500 դոլար արժողությամբ բաճկոն և գլխարկ՝ ավիատոմսերի գնով

  Balenciaga-ն և Automobili Lamborghini-ն կրկին միավորվել են՝ ներկայացնելով սահմանափակ քանակությամբ հագուստի հավաքածու, որը ոգեշնչված է Fenomeno նոր հիբրիդային սուպերմեքենայից…

• Dolce & Gabbana-ն և Mytheresa-ն շքեղ հավաքածու են ներկայացրել 2026 թվականի Սուրբ Ծննդյան համար

  Փայլ, փայլեր և համարձակ կանացիություն. Dolce & Gabbana-ն և Mytheresa-ն կրկին միավորվել են՝ 2026 թվականի Սուրբ Ծննդյան համար բացառիկ կապսուլային հավաքածու թողարկելու համար…

• «Նորաձևությունը կարող է լինել Հայաստանը աշխարհին ներկայացնելու միջոց». Ստելլա Մանֆերդինի՝ Harper's Bazaar Italia-ի և ELLE Italia-ի խմբագիր

  Մեկ շաբաթ է անցել «Երևանի նորաձևության շաբաթ 2026»-ի ավարտից։ Այս մի քանի օրերը հնարավորություն տվեցին ոչ միայն բացահայտել հայ դիզայներների աշխատանքները, այլև ուսումնասիրել տեղական նորաձևության ոլորտը միջազգային մասնագետների աչքերով․․․

• Մերկ կորսետները գրավել են կարմիր գորգը. Աստղերից ով է մերկությունը վերածել արվեստի, և ո՞վ է չափն անցել  

  Մերկ մարմինը դարձել է 2026 թվականի գլխավոր նորաձևության աքսեսուարը։ Հայդի Քլումը, Զենդայան, Քիմ Քարդաշյանը և այլ հայտնիներ դուրս են գալիս անսովոր կորսետներով, որոնք ընդօրինակում են մերկ կուրծքն ու կորերը։ Ոմանք սադրիչ հանդերձանքները վերածում են արվեստի գործերի, մինչդեռ մյուսները ռիսկի են դիմում չափազանց բացահայտող թվալ...

• Chanel-ը, Gucci-ն և Burberry-ն հարվածի տակ են. Ինչ են թաքցրել շքեղ ապրանքանիշերը հաճախորդներից  

  Շքեղ ապրանքանիշերը տարիներ շարունակ ոչնչացրել են չվաճառված իրերը՝ բացառիկությունը պահպանելու և իրենց հավաքածուների արժեզրկումը կանխելու համար: Այժմ Եվրամիությունը փորձում է վերջ դնել այս պրակտիկային...

Գարնան մուտքով Tiffany & Co.-ն մեկնարկում է բարձր ոսկերչական նոր շրջանը՝ ներկայացնելով Blue Book 2026 «Hidden Garden» նոր հավաքածուն։ Նոր շարքը շարունակում է բրենդի ամենահեղինակավոր ավանդույթներից մեկը և ստեղծվել է ավագ փոխնախագահ և ստեղծագործական տնօրեն Նատալի Վերդեյլի ղեկավարությամբ, գրում է Robb Report-ը։

Հավաքածուի համար ոգեշնչման աղբյուր են դարձել Tiffany-ի լեգենդար դիզայներ Ժան Շլումբերժեի աշխատանքները, որի բուսական և կենդանական մոտիվները ստացել են ժամանակակից մեկնաբանություն։ Կոնցեպտի կենտրոնում փոխակերպման և շարժման գաղափարն է․ զարդերը կարծես կենդանանում են՝ վերածվելով երևակայական այգու, որտեղ բնակվում են թիթեռներ, թռչուններ, մեղուներ և ծաղիկներ։

Հավաքածուի հիմնական թեմաներից է Butterfly շարքը, որտեղ թիթեռների թևերը պատրաստված են հազվագյուտ պադպարաջա և մոնտանա շափյուղաներից՝ համալրված դեղին և սպիտակ ադամանդներով։ Monarch շարքում դիզայներները դիմում են Շլումբերժեի արխիվային գաղափարներին՝ ստեղծելով կրծքազարդեր և զարդեր, որոնցում «թաքնված» թիթեռը կարծես քողարկված է պլատինից, 18 կարատ ոսկուց և փայլուն

պավե ադամանդների ճյուղերի մեջ։ Կերպարը լրացնում է ականջօղերի զույգը՝ զարդարված անթերի IIa տիպի, գրեթե կատարյալ մաքրությամբ ադամանդներով, որոնց ընդհանուր քաշը գերազանցում է 10 կարատը։

Առանձնահատուկ տեղ է զբաղեցնում լեգենդար «Bird on a Rock» կոմպոզիցիայի վերաիմաստավորված տարբերակը։ Այժմ թռչունները կարծես «նստում» են Բրազիլիայից բերված Santa Maria երանգի խոշոր ակվամարինների կողքին, իսկ ֆոնը զարդարված է կանաչ քրիզոպրազի ուլունքներով։ Կենտրոնական շեշտադրումը դարձել է կախազարդը՝ ավելի քան 22 կարատ քաշ ունեցող ակվամարինով։

Մյուս մոտիվների շարքում առանձնանում է «Paradise Bird»-ը, որտեղ յուրաքանչյուր կրծքազարդ պատկերում է երևակայական թռչուն՝ տեղակայված թանկարժեք քարի վրա՝ սկսած Մեքսիկայից բերված օպալից մինչև Եթովպիայից ստացված երկնագույն խալցեդոն։ «Parrot» շարքում բրենդը վերադառնում է 1960-ականների էսթետիկային՝ վերաիմաստավորելով արխիվային կրծքազարդերը թութակներով՝ կապույտ և մանուշակագույն շափյուղաների հարուստ գունապնակով։ «Bee» հավաքածուն հղում է կատարում մեղվի փեթակի մոտիվին՝ համալրելով կոմպոզիցիաները բարձրագույն որակի ադամանդներով և թաքնված դեկորատիվ մանրամասներով։

«Hidden Garden»-ում բուսական աշխարհը ներկայացված է Jasmine, Twin Bud, Bloom, Marguerite և Palm շարքերով։ Այստեղ կիրառվում են ինչպես Զամբիայից բերված հարուստ կանաչ երանգի զմրուխտներ, այնպես էլ բարձր մաքրության ադամանդներ՝ շրջապատված ոսկուց և պլատինից ստեղծված քանդակային կառուցվածքներով, որոնք հիշեցնում են ծաղկող ու բացվող բույսեր։

«Blue Book 2026» հավաքածուն արտացոլում է մեր շարունակական ձգտումը դեպի ստեղծագործություն, վարպետություն և գեմոլոգիայի ամենաբարձր չափանիշներ»,- նշել է Tiffany & Co.-ի գլխավոր տնօրեն Էնթոնի Լեդրուն։ Նրա խոսքով, նոր շարքը շարունակում է ավելի քան մեկդարյա պատմություն ունեցող տան ավանդույթները՝ միաժամանակ վերաիմաստավորելով Շլումբերժեի ժառանգությունը ժամանակակից բարձր ոսկերչական նորաձևության հաճախորդի համար։

Հետևեք NEWS.am STYLE-ին Facebook-ում, Twitter-ում և Instagram-ում