Բաննի Հեդայայի հետևորդները սովոր են նրա սոցիալական ցանցերում տեսնել ազդեցիկ անձի, ձեռնարկատիրոջ, ռեալիթի շոուի աստղի և մոր կյանքից որոշ հատվածներ։ Սակայն վերջերս ընտանեկան նորություններից մեկը ստիպել է ինտերնետին քարանալ զարմանքից։
Այս տարվա սկզբին Բաննին հայտնել է, որ իր ամուսինը՝ Հարրին, և նրա նախկին կինը՝ Քերի Չարլզը, այժմ ապրում են իր հետ նույն տանիքի տակ։ Քերին ժամանակավորապես տեղափոխվել էր զույգի տուն՝ Ֆլորիդա նահանգի Տամպա քաղաքում, մինչդեռ իր սեփական տունը, որը գտնվում էր բառացիորեն «փողոցի մյուս կողմում», վերանորոգման փուլում էր։
Անսովոր ընտանեկան իրավիճակը անմիջապես հարցեր է առաջացրել. ինչպե՞ս են նրանք երեքով կարողանում համակերպվել։ Որոշ օգտատերեր նույնիսկ ենթադրել են, որ նրանք գաղտնի սիրային հարաբերությունների մեջ են՝ պոլիամոր եռյակ։
Այնուամենայնիվ, Հեդայան ինքը պնդում է, որ սկանդալ չկա։ «Մենք միասին չենք քնում։ Եվ լիովին հնարավոր է պահպանել հիանալի հարաբերություններ նախկին զուգընկերների հետ», - PEOPLE-ին տված բացառիկ հարցազրույցում ասել է 35-ամյա Բաննին։
Բաննին 12 տարի ամուսնացած է եղել 58-ամյա ձեռնարկատեր Հարրի Հեդայայի հետ։ Երբ նրանք հանդիպել են, Հարրին և Քերին, նույնպես 58 տարեկան էին և մոտ տասը տարի ամուսնալուծված։ Այս ընթացքում նրանք կառուցել են հարմարավետ հարաբերություններ և հաջողությամբ միասին մեծացրել երկու երեխա։
Բաննիի խոսքով՝ սա է օգնել նրան աստիճանաբար մտերմանալ ամուսնու նախկին կնոջ հետ։ Բաննին և Հարրին ավելի ուշ որդի են ունեցել։
Հեդայան խոստովանում է, որ իր և Քերիի հարաբերությունները աստիճանաբար են զարգացել։ Կային շրջաններ, երբ նրանք հատկապես մտերիմ էին, իսկ հետո՝ ժամանակներ, երբ նրանց շփումը դժվար էր։
«Տարիների ընթացքում մենք ունեցել ենք վերելքներ և վայրէջքներ, բայց վերջին երկու տարիները հրաշալի են եղել», - ասում է Բաննին։
Քերիի տեղափոխությունը սկզբում նախատեսված էր որպես ժամանակավոր։ Նրա տան վերանորոգումը նախատեսված էր ավարտել մոտ չորս ամսից, բայց աշխատանքները զգալիորեն հետաձգվել են։ Այժմ կապալառուները գնահատում են, որ վերանորոգումը, ի վերջո, կարող է տևել մեկ տարուց ավելի։ Սա նշանակում է, որ Քերին, որն արդեն մի քանի ամիս ապրել է ընտանիքի հետ, հավանաբար երկար ժամանակ կմնա նույն տանիքի տակ Հեդայաների հետ։ Սակայն սա Բանիին ընդհանրապես չի անհանգստացնում։ Իրականում, նա ասում է, որ սովորել է Քերիի ներկայությանը, հատկապես այն պատճառով, որ նրանք երեքն էլ զբաղված կյանք ունեն և միշտ չէ, որ տանը են միաժամանակ։
«Քերին ավելի շատ նման է ամուսնուս քրոջը։ Գիտեմ, որ մարդկանց մեծ մասը կասի, որ դա տարօրինակ է հնչում, բայց այդպիսի հարաբերություններ ունեն նրանք հիմա», - խոստովանում է Բանին։
Հենց այս մտերմությունն է հատկապես զվարճացնում Հեդայային երեք մեծահասակների միջև ենթադրյալ գաղտնի սիրավեպի մասին անվերջ առցանց լուրերի ֆոնին։
Բանին կտրականապես հերքում է նման ենթադրությունները։ «Քերին իրականում ամուսնացել է Իտալիայում մեկ ամիս առաջ, և նա շատ երջանիկ է իր հարաբերություններում։ Մենք էլ երջանիկ ենք մեր հարաբերություններում», - ընդգծում է նա։ Վերջնարդյունքում Բանին ասում է, որ չի պատրաստվում թույլ տալ, որ ուրիշների կարծիքները որոշեն այն հարաբերությունները, որոնք հիանալի կերպով գործում են իրենց ընտանիքի բոլոր անդամների համար։
Նա հույս ունի, որ նրանց պատմությունը կծառայի որպես օրինակ այն բանի, թե ինչպես ամուսնալուծությունը պարտադիր չէ, որ նախկին ամուսիններին թշնամիներ դարձնի, հատկապես, երբ երեխաները մեծացել են, կյանքերը փոխվել են, և հին դժգոհությունները անցյալի բան են։ «Կարծում եմ՝ սա իսկապես լավ օրինակ է այն բանի, թե ինչպես կարող են բոլորը հասունորեն վարվել և ասել. «Հեյ, մենք պարտավոր չենք ատել միմյանց ամուսնալուծությունից հետո։ Երբեմն հարաբերությունները կարող են իրականում ավելի լավ դասավորվել ամուսնալուծությունից հետո, քան նախկինում», - եզրափակել է Բաննին։
Հետևեք NEWS.am STYLE-ին Facebook-ում, Twitter-ում և Instagram-ում
23:01, 19 նոյեմբերի
Birkin-ը՝ GTA 6-ի աշխարհից․ Hermès-ի խորհրդանշական պայուսակը պատվել է Vice City-ի ոճով փայլող բյուրեղներով22:19, 19 նոյեմբերի
Աթեիստ, որը հանդիպել է Հռոմի պապին, փանկ-ռոքի երկրպագու և ծանոթությունների հավելվածի ստեղծող․ արհեստական բանականության աշխարհի յոթ արտասովոր միլիարդատերերը21:34, 19 նոյեմբերի
WSJ․ Ի պաշտպանություն կաշվե բաճկոններ կրող միջին տարիքի տղամարդկանց20:20, 19 նոյեմբերի
600 միլիոն ֆունտ ստեռլինգ՝ «արժանապատիվ կյանքի» համար․ ռուսաստանցի օլիգարխի նախկին կինը ամուսնալուծությունից հետո ռեկորդային գումար է պահանջում19:35, 19 նոյեմբերի
Նյու Յորքի Հինգերորդ պողոտան կրկին դարձել է աշխարհի ամենաթանկ առևտրային փողոցը18:00, 19 նոյեմբերի

16:30, 19 նոյեմբերի
Dior-ը, Omega-ն և Aston Martin-ը պայքարում են նոր գործակալ 007-ի կողքին հայտնվելու համար15:26, 19 նոյեմբերի
Ֆլորենս Փյուն պատասխանել է քննադատներին․ դերասանուհին բացահայտել է նիհարելու և արտաքինի փոփոխության իրական պատճառները14:33, 19 նոյեմբերի
«Նա հիշաչար է». Քրիստինա Ռիչին պատմել է, թե ինչու է Շերը դադարել շփվել իր հետ14:14, 19 նոյեմբերի
Սարդ-մարդը կմարմնավորի ChatGPT-ի ստեղծողին․ Սեմ Ալթմանը խոստովանել է, որ իր կյանքն առանց այդ էլ չափազանց տարօրինակ է13:06, 19 նոյեմբերի
Բրիտանական կառավարությունը ծաղրել է նոր Ջեյմս Բոնդին12:31, 19 նոյեմբերի
«Հանգստացիր կամ հեռացիր բեմից». Մրայա Քերին քննադատության է արժանացել Բրազիլիայում ունեցած տարօրինակ ելույթից հետո