• Մասնավոր ինքնաթիռներ, շքեղ վիլլաներ և թանկարժեք արձակուրդներ. Քենդալ Ջենների ընտանիքը մտահոգություն ունի, որ Ջեյքոբ Էլորդին չարաշահում է նրա հարստությունը

  Քենդալ Ջենները և Ջեյքոբ Էլորդին վերջին ամիսների ամենաշատ քննարկվող հայտնի զույգերից են դարձել, սակայն աղբյուրները նշում են, որ մոդելին մոտ կանգնածները մտահոգված են, թե որքան ժամանակ և գումար է նա նվիրում իր ընկերոջը․․․

• 54-ամյա Կարմեն Էլեկտրան սեքսուալ «նախաճաշ» է կազմակերպել Բեռլինում՝ կուրծքը ծածկելով միայն անանասի կտորներով

  «Baywatch»-ի 54-ամյա աստղ Կարմեն Էլեկտրան անկեղծ լուսանկարներ է հրապարակել բեռլինյան պատշգամբից, որտեղ վայելում էր ամառային առավոտը…

• «Բոլորը սարսափից շշնջում են մեջքի ետևում». Աննա Վինտուրի անձնակազմը ցնցված է Ջոն Գալիանոյի հետ Met Gala-ի ձախողումից

  Աննա Վինտուրի անձնակազմը խորապես ամաչում է և շփոթված է ընկերության կողմից Ջոն Գալիանոյի և 2027 թվականի Met Gala-ի շուրջ առաջացած վիճահարույց իրավիճակի լուծման համար…

• «Կես դրույքով» Առաջին տիկինը. Թրամփի կենսագիրը պնդում է, որ Մելանիան առանձին կյանքով է ապրում Նյու Յորքում

  Մելանիա Թրամփը, հնարավոր է, ոչ մի գիշեր չի անցկացրել Սպիտակ տանը ամուսնու իշխանության գալուց ի վեր։ Սա նախագահի կենսագիր Մայքլ Վոլֆի սենսացիոն պնդումն է…

• Բիանկա Սենսորին կրկին ցնցող տեսք ունի. նրա կարմիր լողազգեստը քիչ բան է թողել երևակայության համար

  Միայն Բիանկա Սենսորին կարող է նույնիսկ մի կտորից բաղկացած լողազգեստը վերածել սադրիչ հանդերձանքի…

• Met-ը չեղարկել է Ջոն Գալիանոյի ցուցահանդեսը՝ սկանդալի պատճառով

  Մետրոպոլիտեն արվեստի թանգարանը չեղարկել է բրիտանացի դիզայներ Ջոն Գալիանոյին նվիրված ցուցահանդեսը՝ հրեական համայնքի և այլ հասարակական խմբերի քննադատության ալիքից հետո…

• Դուեյն «Քեֆ Դի» Դեյվիսը մեղավոր է ճանաչվել Թուփաք Շաքուրի սպանության մեջ. նրան սպառնում է ցմահ բանտարկություն  

  Դուեյն «Քեֆ Դի» Դեյվիսին մեղավոր են ճանաչել լեգենդար ռեփեր Թուփաք Շաքուրի սպանությունը կազմակերպելու մեջ՝ վերջ դնելով հիփ-հոփի պատմության ամենաաղմկոտ և խորհրդավոր գործերից մեկին, որը հետապնդել է ռեփերի երկրպագուներին և մնացել հանրության ուշադրության կենտրոնում գրեթե երեք տասնամյակ, հաղորդում է AP-ն...

• 450 միլիոն դոլար արժողությամբ «Սիրո նավը». միլիարդատեր դեսպանն իր լողացող կայսրությամբ ցնցել է Իտալիան

  Միլիարդատեր Թիլման Ֆերտիտան՝ Golden Nugget հյուրանոցների և կազինոների ցանցի, Bubba Gump Shrimp ռեստորանային բրենդի ու Houston Rockets բասկետբոլային ակումբի սեփականատերը, Թրամփի նախագահության երկրորդ ժամկետի սկզբում Իտալիայում դեսպան նշանակվելու պահից ի վեր չի վարանում ցուցադրել իր ահռելի անձնական կարողությունը, գրում է Daily Beast-ը...

Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում։ Այդ զգացողությունը կրկնապատկվում է, երբ հայ դերասանը այնպիսի հանրաճանաչ սերիալի մաս է կազմում, ինչպիսին HBO-ի «Էյֆորիան» է, իսկ երբ դրան զուգահեռ նա նաև հայերեն է խոսում ամերիկյան ամենաաղմկահարույց սերիալում, այդ ոգևորությանը, ինչպես ասում են, չափ ու սահման չի լինում, և բոլոր հայերը՝ համացանցում, թե մեդիայում, տեղադրում են սերիալի հենց այդ հատվածը:

Ամերիկահայ դերասան Ջեք Թոփալյանի համար «Էյֆորիա»-ի 3-րդ եթերաշրջանը հենց այդպիսի պահ դարձավ: Նա խաղաց պաշտամունքային սերիալի տվյալ եթերաշրջանի գլխավոր բացասական կերպարի դերը, որն  անդադար տանջում էր Ջեյքոբ Էլորդիի մարմնավորած Նեյթ Ջեյքոբսին: Իսկ նրա հայալեզու տեսարանները մեծ արձագանք գտան հայ հեռուստադիտողների շրջանում․ հայերեն երկխոսությունների հատվածներն ու հղումները լայնորեն շրջանառվում էին հայկական լրատվամիջոցներում: 

«Էյֆորիան» նոր շունչ տվեց հայազգի դերասանի կարիերային, որը բավական հետաքրքիր ճանապարհ է անցել:

Ջեք Թոփալյանի հետ զրուցել ենք NEWS.am STYLE-ի «ArmenՅԱՆs» խորագրի համար․ Հայաստանյան հիշողություններից մինչև բիզնես ու «Էյֆորիա», Ջեյքոբ Էլորդիի ու Քոլին Ֆարելի հետ նկարահանման հրապարակը կիսելուց մինչև այն հայի կերպարը, որին կցանկանար մարմնավորել․․․

«Էյֆորիայից» մինչև Sugar

Պարոն Թոփալյան, «Էյֆորիա»-ում Ձեր դերը Ձեզ շատ լայն միջազգային ճանաչում բերեց։ Ինչպե՞ս է փոխվել Ձեր կյանքը շոուի հեռարձակումից հետո։

«Էյֆորիան» անկասկած ինձ ծանոթացրեց աշխարհի շատ ավելի լայն լսարանի հետ։ Մարդիկ ինձ սկսեցին ճանաչել այնպիսի վայրերից, որտեղից ես երբեք նման բան չէի սպասում, և դա դռներ բացեց նոր հնարավորությունների համար։ Բայց ամենից շատ ես շնորհակալ եմ, որ այն թույլ տվեց մարդկանց տեսնել իմ աշխատանքը։ Որպես դերասան՝ դա այն ամենն է, ինչ դու իսկապես կարող ես խնդրել։

Ձեր կերպարը դարձավ եթերաշրջանի գլխավոր չարագործներից մեկը։ Ի՞նչը Ձեզ գրավեց այս դերում։

Ինձ դուր եկավ, որ նա պարզապես վատ մարդ չէր՝ վատ մարդ լինելու համար։ Յուրաքանչյուր կերպար ունի իր պատճառը՝ իր կատարած ընտրությունների համար, նույնիսկ եթե մենք համաձայն չենք դրա հետ։ Ինձ դուր է գալիս խորություն ունեցող կերպարների մարմնավորելը, քանի որ նրանք շատ ավելի հետաքրքիր են, քան պարզապես չար կերպար լինելը։

Ինչպե՞ս եք հոգեբանորեն պատրաստվել այս դերին։

Ես փորձում եմ չդատել իմ մարմնավորած որևէ կերպարի։ Ես ժամանակ եմ ծախսում պարզելու համար, թե ովքեր են նրանք, ինչի միջով են անցել և ինչու են այդպես վարվում։ Երբ ես դա հասկանում եմ, խաղը շատ ավելի անկեղծ է դառնում։

Ինչպե՞ս էր «Էյֆորիա» ֆիլմի դերասանական կազմի, մասնավորապես՝ Ջեյքոբ Էլորդիի հետ աշխատելը։

Դա հիանալի փորձառություն էր։ Ջեյքոբ Էլորդին շատ պրոֆեսիոնալ էր և նրա հետ հեշտ էր աշխատելը։ Նկարահանման հրապարակում բոլորը լուրջ էին վերաբերվում աշխատանքին, և դերասանների միջև մեծ հարգանք կար։ Հիանալի միջավայր էր աշխատելու համար։

«Հայկական պահը»

Սպասո՞ւմ էիք հեռուստադիտողների կողմից այդքան ուժեղ արձագանքի, հատկապես Ձեր հայերեն խոսքերից հետո, որոնք տարածվեցին հայկական մեդիայում։

Բացարձակապես ոչ։ Դա ինձ իսկապես զարմացրեց։ Էպիզոդի հեռարձակումից հետո աշխարհի տարբեր ծայրերից շատ հայեր կապ հաստատեցին ինձ հետ։ Հաճելի էր տեսնել, թե ինչպես են մարդիկ ոգևորված՝ լսելով հայերեն զրույց այդ հայտնի շոուում։ 

Посмотреть эту публикацию в Instagram

Публикация от Armenian Film Society (@armenianfilmsociety)

Կա՞ արդյոք «Էյֆորիա» ֆիլմում որևէ հատուկ տեսարան, որը հատկապես դժվար կամ նշանակալից էր Ձեզ համար։

Հուզական տեսարանները միշտ ամենադժվարն են, քանի որ երբեմն անշարժ և լուռ լինելը և քիչ բան ասելն ավելի խոսուն է։ Այդ տեսարանները պահանջում են, որ դու վստահես քո բնազդներին և թույլ տաս, որ պահը բնականորեն տեղի ունենա։

Դուք նաև նկարահանվել եք Քոլին Ֆարելի հետ «Շաքար»/Sugar ֆիլմում։ Ինչպիսի՞ն էր այս նոր փորձը։

Քոլինի հետ աշխատելը հիանալի փորձառություն էր։ Նա չափազանց տաղանդավոր է, շատ կենտրոնացած և շատ առատաձեռն՝ որպես դերասան։ Այդ մակարդակի մեկի աշխատանքը դիտելը քեզ հիշեցնում է, որ անկախ նրանից, թե որքան հաջողակ ես, պատրաստվածությունն ու պրոֆեսիոնալիզմը միշտ կարևոր են։

Նոր էջ սկսելու քաջությունը

Թոփալյանի դերասանական ուղին բավական հետաքրքիր է սկսվել․ ի տարբերություն շատ դերասանների, ովքեր վաղ տարիքից սկսում են այս մասնագիտությունը, նա նախկինում հաստատված էր բիզնեսում, նախքան բոլորովին այլ մասնագիտություն ընտրելը։

Դերասանությունից առաջ Դուք հաջողակ կարիերա եք ունեցել բիզնեսում։ Ի՞նչը ստիպեց Ձեզ որոշել նոր բան սկսել 40 տարեկանում։

Ես երբեք չեմ մտածել դերասան լինելու մասին, բայց կյանքն ինձ տարավ այլ ուղղությամբ։ Ես հաջողակ կարիերա ունեի բիզնեսում, բայց հասկացա, որ ինչ-որ բան պակասում էր։ Երբ հնարավորությունը ստեղծվեց, չէի ուզում կյանքիս մնացած մասն անցկացնել՝ մտածելով, թե ինչ կլիներ, եթե փորձեի դա։

Շատերը երազում են փոխել կարիերան, բայց երբեք չեն անում դա։ Ի՞նչը Ձեզ քաջություն տվեց, որ այդ քայլն անեք։

Կարծում եմ՝ ես հասա մի կետի, երբ գիտեի, որ ավելի շատ կզղջամ չփորձելու համար, քան՝ ձախողման։ Ես հասկանում էի, որ ոչինչ երաշխավորված չէ, բայց ես պատրաստ էի ներդնել իմ ողջ ուժը և տեսնել, թե ուր կհասցնի դա ինձ։

Եղե՞լ է մի պահ, երբ մտածել եք. «Սա կամ կաշխատի, կամ՝ ոչ»։

Իհարկե։ Այս ոլորտում միշտ լինում են նման պահեր։ Յուրաքանչյուր դերասան անորոշության է բախվում։ Ինչ-որ պահի սովորում ես դադարել անհանգստանալ այն բաների համար, որոնք չես կարող վերահսկել, և պարզապես կենտրոնանում ես քո լավագույն աշխատանքը կատարելու վրա։

Ի՞նչ խորհուրդ կտայիք այն մարդկանց, ովքեր վախենում են հետևել իրենց երազանքին։

Մի թողեք, որ վախը կամ տարիքը կանգնեցնեն ձեզ։ Երբեք ուշ չէ նոր բան սկսելու համար։ Եթե դա մի բան է, որը դուք իսկապես սիրում եք, միշտ կմտածեք՝ ի՞նչ կլիներ, եթե դրան հնարավորություն տայիք։ Աշխատեք քրտնաջան, համբերատար եղեք և մի հանձնվեք շատ շուտ։

Հայաստան, մանկության հիշողություններ և ինքնություն

Դերասանի կարիերայի ու դերերի հետևում ամուր կապ կա այն երկրի հետ, որտեղից սկսվել է Թոփալյանի պատմությունը։ Ծնված լինելով Հայաստանում և մասամբ մեծացած լինելով Միացյալ Նահանգներում՝ նա իր հետ տանում է իր մանկության հիշողությունները, որոնք սկիզբ են առնում Երևանից։

Դուք ծնվել եք Հայաստանում և տասը տարեկանում տեղափոխվել Միացյալ Նահանգներ։ Որո՞նք են Ձեր ամենատպավորիչ հիշողությունները Հայաստանի մասին։

Իմ լավագույն հիշողություններից մի քանիսը կապված են Երրորդ մասում մեծանալու հետ։ Հիշում եմ, թե ինչպես էի ամեն օր անցկացնում դրսում՝ ընկերներիս հետ, խաղում բակում մինչև մութն ընկնելը։ Ամռանը մենք լողում էինք Զանգու գետում և պարզապես վայելում էինք մեր մանկությունը։ Սրանք այն հիշողություններն են, որոնք ես միշտ կպահեմ ինձ հետ։

Ինչպե՞ս է Ձեր հայկական դաստիարակությունը ձևավորել Ձեր անհատականությունն ու արժեքները։

Ծնողներս ինձ սովորեցրել են ընտանիքի կարևորությունը, հարգել ուրիշներին և աշխատել։ Այդ արժեքները մնացել են ինձ հետ նաև Ամերիկա գալուց հետո։ Կարծում եմ՝ հայ մեծանալը նաև սովորեցնում է քեզ լինել դիմացկուն և գնահատել քո ծագումը։

Հայկական ո՞ր ավանդույթները կամ սովորույթներն են մինչ օրս կազմում Ձեր կյանքի կարևոր մասը։

Ընտանիքը միշտ էլ առաջնայինն է եղել։ Մենք դեռ նշում ենք հայկական տոները, վայելում հայկական ուտեստները և կապված ենք մնում մեր մշակույթի և ավանդույթների հետ։ Այդ բաները դառնում են քո էության մի մասը։

Վերջին տարիներին այցելե՞լ եք Հայաստան։ Ինչպե՞ս եք զգում, երբ վերադառնում եք։

Իրականում ես տարիներ շարունակ չեմ վերադարձել Հայաստան, բայց դա այն բանն է, որի մասին հաճախ եմ մտածում։ Անկախ նրանից, թե որքան ժամանակ է անցնում, դա այն վայրն է, որտեղ սկսվել է իմ պատմությունը, և ես միշտ կզգամ այդ ուժեղ կապը։ Ես անհամբեր սպասում եմ կրկին այցելելուն։

Ձեր կարծիքով՝ ի՞նչ պատմություն Հոլիվուդը դեռ պետք է պատմի հայերի մասին։

Կարծում եմ՝ կան այնքան շատ հայկական պատմություններ, որոնք դեռ չեն պատմվել։ Մենք ունենք անհավանական պատմություններ ընտանիքների, ներգաղթյալների, ձեռնարկատերերի, արվեստագետների և անհավանական դժվարություններ հաղթահարած մարդկանց մասին։ Ես կցանկանայի տեսնել ավելի շատ ֆիլմեր, որոնք ցույց կտան, թե ովքեր են հայերն այսօր, այլ ոչ թե միայն այն, ինչի միջով ենք անցել։

Իսկ եթե Դուք կարողանայիք մարմնավորել որևէ հայտնի հայի, ո՞վ կլիներ նա և ինչո՞ւ։

Իրականում երկու մարդ է անմիջապես մտքիս գալիս՝ Ալեքս Մանուկյանը և Քըրք Քըրքորյանը։

Ալեքս Մանուկյանի պատմությունն աներևակայելիորեն ոգեշնչող է։ Նա Ամերիկա է եկել շատ քիչ բանով, հաջողակ բիզնես է կառուցել քրտնաջան աշխատանքի և նպատակասլացության շնորհիվ և երբեք չի մոռացել իր հայկական արմատների մասին։ Նա հետագայում վերադարձրել է՝ մեծապես աջակցելով հայկական կրթությանը, մշակույթին և համայնքներին ամբողջ աշխարհում։ Նրա կյանքը հիանալի օրինակ է այն բանի, թե ինչի կարելի է հասնել, երբ հաջողությունը հանդիպում է առատաձեռնությանը։

Քըրք Քըրքորյանը ևս մեկ անձնավորություն է, որին ես պատիվ կունենայի մարմնավորել։ Մարդկանց մեծ մասը նրան ճանաչում է որպես ամերիկյան պատմության մեծագույն գործարարներից և տեսլական ունեցողներից մեկը, բայց ինձ համար միշտ աչքի է ընկել նրա համեստությունը։ Նա աննկատելիորեն հարյուր միլիոնավոր դոլարներ է նվիրաբերել Հայաստանին՝ առանց ճանաչում փնտրելու։ Նա հսկայական ազդեցություն է ունեցել և՛ Լաս Վեգասի, և՛ Հայաստանի վրա, և կարծում եմ, որ նրա պատմությունը արժանի է լինել մեծ էկրանին։

Այս երկու տղամարդիկ էլ ներկայացնում են հայկական ոգու լավագույն կողմերը՝ աշխատասիրություն, համառություն, խոնարհություն և վերադարձ: Ինձ համար պատիվ կլիներ մարմնավորելը նրանցից յուրաքանչյուրին։

Նոր գլուխ

Երևանի փողոցներից մինչև Միացյալ Նահանգներ, բիզնեսի աշխարհից մինչև Հոլիվուդ, և «Էյֆորիա»-ից մինչև «Sugar»․․․ Ջեք Թոփալյանի պատմությունը հիշեցում է, որ մարդու համար իր իրական կոչումը գտնելու ճանապարհին չկա կոնկրետ ժամանակացույց: Նա դերասանական կարիերան սկսել է 40 տարեկանից հետո, կառուցել իր ռեզյումեն և, ի վերջո, հայտնվել է միջազգային լսարանի առջև՝ հեռուստատեսության ամենամեծ շոուներից մեկում հայերեն խոսելիս։ Ջեք Թոփալյանն իր պատմությամբ ոգեշնչում է չհանձնվել, չկասկածել սեփական ունակությունների վրա ու հստակ քայլել դեպի նպատակը։

Սյունե Առաքելյան

Լուսանկարները՝ Ջեք Թոփալյանի ինստագրամյան էջից

Հետևեք NEWS.am STYLE-ին Facebook-ում, Twitter-ում և Instagram-ում