Նյու Յորքում սեզոնի գլխավոր կարգավիճակային աքսեսուարը բոլորովին էլ բարձրակրունկ կոշիկները կամ դիզայներական պայուսակը չեն։ Հիմա դա մկանոտ բազուկներն են։
Այսպես կոչված «տիտղոսակիր բազուկները»՝ արևահարված, մկանոտ ու ձիգ, ուժի, դիրքի և սեքսուալության նոր խորհրդանիշն են դարձել։ Դրանց վրա արդեն շեշտը դնում են Մադոննան, Միշել Օբաման և Քեթի Հոլմսը, իսկ Նյու Յորքի ունևոր բնակչուհիները պատրաստ են ծայրահեղ քայլերի գնալ կատարյալ մկանային ռելիեֆ ստանալու համար՝ ծանրություններ բարձրացնել, պեպտիդներ ընդունել և նույնիսկ թեստոստերոն օգտագործել։

«Տիտղոսակիր բազուկները նոր շքեղություն են»,— հայտարարել է 37-ամյա բժշկուհի Ամանդա Կանը։
Նրա խոսքով՝ այսօր գրեթե յուրաքանչյուրը կարող է նիհարել, այդ թվում՝ GLP-1 դեղամիջոցների տարածվածության շնորհիվ։
Իսկ ահա նկատելի մկանային զանգվածը ժամանակ, կարգապահություն և ջանքեր է պահանջում, ուստի դառնում է բարձր կարգավիճակի նոր ցուցիչ։

Ինքը՝ Կանը, ով տարեկան 50 հազար դոլար է գանձում բժշկության և երկարակեցության ոլորտում իր ծառայությունների համար, ընդունում է պեպտիդներ ու թեստոստերոն, ինչպես նաև կանոնավոր ուժային մարզումներ անում։ Սակայն նույնիսկ դա բավարար չէր։ Ապրիլին նա բազուկների ձևափոխման քիչ ինվազիվ միջամտություն է արել, որը համատեղում է մաշկի ռադիոհաճախականային ձգումն ու ճարպասկումը։
Պլաստիկ վիրաբույժ Դարրեն Սմիթի խոսքով՝ նման միջամտությունների պահանջարկը մեկ տարում աճել է 25%-ով։ «Բոլորը դեմքի ձգում են անում, իսկ հիմա ուզում են, որ բազուկները համապատասխանեն երիտասարդացած դեմքին»,— բացատրել է նա։

Ընդ որում, միտումը վերաբերում է չէ միայն 40-ն անց կանանց։
Երկարակեցության մասնագետները նշում են, որ ձիգ ու մկանոտ բազուկների հանդեպ հետաքրքրությունն հատկապես աճել է այն կանանց շրջանում, ովքեր մկանային զանգված են կորցրել GLP-1 դեղամիջոցների կամ պերիմենոպաուզայի շրջանում հորմոնալ փոփոխությունների պատճառով։ Որոշ բժիշկներ իրենց պացիենտներին խորհուրդ են տալիս ճշգրտել նիհարեցնող դեղերի չափաբաժինները, ինչպես նաև սննդակարգում ավելացնում են կրեատին և այլ հավելումներ։ «Նիհար բազուկները լավագույնը չեն, ավելի լավ է ունենալ ուժեղ բազուկներ»,— կարծում է Լոս Անջելեսից երկարակեցության մասնագետ, բժշկուհի Պուջա Գիդվանին։

Նյույորքյան ֆիթնես-ստուդիաներում նույնպես բազուկների մարզումների հանդեպ հետաքրքրության մեծ աճ են նկատել։ Անհատական մարզիչ Սարա Կուչուչելան, ում անվանում են «բազուկներ վարժեցնող», լեփ-լեցուն դասընթացներ է անցկացնում՝ շեշտը դնելով եռագլուխ (տրիցեպս), երկգլուխ (բիցեպս), մեջքի լայն մկանների և նախաբազուկների վրա։ Նրա հաճախորդուհիները հաճախ գալիս են 2000-ականների սկզբի Մադոննայի լուսանկարներով և խնդրում ստանալ նույն մկանային ռելիեֆը։ Նրանցից մեկն էլ նույնիսկ հայտարարել է. «Հարսանիքիս համար ուզում եմ Մայլի Սայրուսի բազուկներն ունենալ»։

Վերին Վեսթ Սայդի 37-ամյա բնակչուհի Ջեսիկա Լանսոնն ասում է, որ կանոնավոր մարզումներն ամբողջովին փոխել են իր վերաբերմունքը սեփական արտաքինի հանդեպ։ Հիմա նա չի վախենում շոգ եղանակին անգամ կապիչներով շապիկներ ու թոփեր հագնել։
Այդուհանդերձ, մասնագետները զգուշացնում են՝ լավ մարզավիճակում լինելու ձգտման և սեփական արտաքինի վրա հիվանդագին կենտրոնացման միջև սահմանը շատ նուրբ է։ Բևերլի Հիլզից պլաստիկ վիրաբույժ Չարլզ Գալանիսը կոչ է անում ավելի ուշադիր լինել այն հարցում, թե ինչպես են մարդիկ ընկալում իրենց մարմինը։ «Կատարելապաշտությունն իրականություն չէ»,— ընդգծել է նա։
Հետևեք NEWS.am STYLE-ին Facebook-ում, Twitter-ում և Instagram-ում
23:01, 16 նոյեմբերի
Շուրջ 6000 ուղևոր, առանց հագուստի երեկույթներ և հատուկ սենյակներ․ ինչպե՞ս է կազմակերպված սվինգերների աշխարհի ամենամեծ կրուիզը22:13, 16 նոյեմբերի
Cartier-ը ոսկերչական գամերը վերածել է 4700 դոլարանոց պայուսակի. նոր Clash մոդելը մեկ շարժումով փոխում է ձևը21:21, 16 նոյեմբերի
Տոնածառ՝ ասես մանկությունից. ինչու են 2026-ին կրկին նորաձև դարձել հին խաղալիքներն ու փայլազարդերը20:30, 16 նոյեմբերի
Ինչպե՞ս են միլիարդատերերն ու թոփ-մենեջերները հանրությունից թաքցնում իրենց սիրավեպերը և ստուգում ապագա սիրելիներին19:26, 16 նոյեմբերի
Հրաժարում շքեղությունից՝ հանուն գոյատևման․ ինչո՞ւ են միլիարդատերերն ու Թոմ Հենքսը մեկնում անապատ՝ իրենց տոկունությունը փորձելու16:28, 16 նոյեմբերի
Yandex Music-ը սկսում է համագործակցել հայ արտիստների հետ․ առաջին հատուկ նախագիծը՝ Սևակ Խանաղյանի «Голоса» («Ձայներ») երգի կենդանի կատարումը օդապարիկում16:18, 16 նոյեմբերի
Սիրային կապ ավելի քան 200 տղամարդու հետ և ծխախոտ՝ մեկը մյուսի հետևից․ ո՞վ էր «Կաբարեի» իրական Սալի Բոուլզը15:23, 16 նոյեմբերի
«Նեշվիլի ամենաատելի մարզիկի կնոջը» ծաղրել են փառքի հետևից ընկնելու և ձախողված նախագծերի համար14:37, 16 նոյեմբերի
Ռոբերտ Փաթինսոնը՝ Ջեյմս Բոնդի դերի գլխավոր հավակնորդ․ դերասանին ամենախոշոր հոնորարն են առաջարկել14:14, 16 նոյեմբերի
«Ես քո հայրն եմ» տեսարանից Դարթ Վեյդերի լուսային թուրը վաճառվել է 4,9 մլն դոլարով13:28, 16 նոյեմբերի
Մեգան Ֆոքսը՝ «առնետ», Անջելինա Ջոլին՝ «գորտ». TikTok-ում տարօրինակ թրենդ է տարածվում12:40, 16 նոյեմբերի
Քիմ Քարդաշյանը կերպարանափոխվել է Louis Vuitton-ի բուժքրոջ