Մարդը առաջին հերթին հոգի է. Նարինե Գրիգորյան

Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս

Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն

Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Սկանդալ «Միսս Տիեզերք» մրցույթում․ մասնակիցները սայթաքել են, կազմակերպիչները փորձում են արդարանալ

12:15, 19 նոյեմբերի

«Միսս Տիեզերք 2026» մրցույթի նախնական միջոցառումները վերածվել են մեծ սկանդալի այն բանից հետո, երբ լողազգեստներով ցուցադրության ժամանակ մի քանի մասնակիցներ քիչ է մնացել՝ վայր ընկնեին։ Աղջիկները ստիպված են եղել բարձրակրունկ կոշիկներով քայլել ավազե լողափի վրա հատուկ պատրաստված ժամանակավոր բեմահարթակով։ Անհաջող ցուցադրության տեսագրությունները կարճ ժամանակում տարածվել են սոցիալական ցանցերում՝ առաջացնելով ծաղրի և վրդովմունքի ալիք։

Միջադեպը տեղի է ունեցել նոյեմբերի 13-ին՝ Պուերտո Ռիկոյի Սան Խուան քաղաքի Caribe Hilton հյուրանոցում անցկացված Beauty at the Beach միջոցառման ժամանակ։ «Միսս Տիեզերք» 75-րդ մրցույթին ընդառաջ՝ թագի համար պայքարող շուրջ 80 գեղեցկուհի լողազգեստներով դուրս է եկել բեմահարթակ։ Սակայն սովորական, հարթ և կայուն բեմի փոխարեն կազմակերպիչները երկար ճանապարհ են պատրաստել՝ այն փռելով անմիջապես ավազի և կոշտ ծածկույթով հատվածների վրա։

Անկայուն մակերեսը լուրջ փորձություն է դարձել մասնակիցների համար, որոնք ստիպված էին բարձրակրունկներով քայլել այդ ճանապարհով։ Որոշ աղջիկներ սայթաքել են, կորցրել հավասարակշռությունը և հազիվ են կարողացել ոտքի վրա մնալ։ Դժվարությունների են բախվել նաև Ֆիլիպինները, Վենեսուելան, Կոսովոն և Պերուն ներկայացնող գեղեցկուհիները։ Չնայած անհարմար իրավիճակներին՝ մասնակիցները փորձել են պահպանել ինքնատիրապետումը և շարունակել իրենց ելույթը։

Ցուցադրության տեսանյութերը բուռն արձագանք են առաջացրել սոցիալական ցանցերում։ Օգտատերերից շատերը քննադատել են կազմակերպիչներին անփութության և մասնակիցների համար ոչ պատշաճ պայմաններ ստեղծելու համար՝ տեղի ունեցածը որակելով ձախողված շոու և կասկածի տակ դնելով գեղեցկուհիների անվտանգությունը։

Իրավիճակին ստիպված է եղել արձագանքել «Միսս Տիեզերք» կազմակերպությունը։ Պաշտոնական հայտարարության մեջ մրցույթի ներկայացուցիչներն ընդգծել են, որ Beauty at the Beach միջոցառումը չի կազմակերպվել և չի անցկացվել անմիջապես Miss Universe Organization-ի թիմի կողմից։ Դրա նախապատրաստման պատասխանատուն անկախ պրոդյուսեր Մագալի Ֆեբլեսն էր և նրա The Crown Production LLC ընկերությունը, որոնք ստացել էին մրցույթի ապրանքանիշն օգտագործելու թույլտվություն։

Միևնույն ժամանակ կազմակերպությունը խոստովանել է, որ միջոցառումը չի համապատասխանել պրոֆեսիոնալիզմի և որակի այն չափանիշներին, որոնք պետք է ուղեկցեն «Միսս Տիեզերք» անվանը։

«Ցավոք, այս միջոցառումը չի արդարացրել պրոֆեսիոնալիզմի և որակի այն բարձր չափանիշներին համապատասխանելու մեր ակնկալիքները, որոնք մենք պահանջում ենք Miss Universe ապրանքանիշի ներքո անցկացվող բոլոր միջոցառումներից»,-ասվում է հայտարարության մեջ։

Կազմակերպության ներկայացուցիչները նաև նշել են, որ խնդիրների առաջացմանը հանգեցրած որոշումներն ընդունվել են անկախ պրոդյուսերի կողմից՝ առանց իրենց մասնակցության և համաձայնության։ Այսպիսով, Miss Universe Organization-ը փաստացի հեռու է մնացել տեղի ունեցածի համար պատասխանատվությունից։

Իր հերթին՝ Մագալի Ֆեբլեսը հրապարակավ ներողություն է խնդրել մասնակիցներից։ Նա ընդունել է, որ հասկանում է նրանց դժգոհությունը, և խոստացել է իր թիմի հետ վերանայել միջոցառման կազմակերպման ընթացքը՝ հատուկ ուշադրություն դարձնելով այն հատվածներին, որտեղ աղջիկները կորցրել են հավասարակշռությունը։

Սկանդալը հատկապես անհարմար ժամանակ է վրա հասել մրցույթի համար, քանի որ դրանից ընդամենը մեկ տարի առաջ տեղի էր ունեցել մեկ այլ աղմկահարույց միջադեպ։ 2025 թվականի նոյեմբերին Ջամայկան ներկայացնող Գաբրիել Հենրին լուրջ վնասվածքներ էր ստացել Թաիլանդում անցկացվող «Միսս Տիեզերք» մրցույթի նախնական փուլում բեմից ընկնելու հետևանքով։

Աղջկա մոտ ախտորոշվել էին գանգուղեղային վնասվածք, ներգանգային արյունազեղում, կոտրվածք և դեմքի բազմաթիվ վնասվածքներ։

Այժմ հերթական միջադեպը կրկին ստիպել է մրցույթի երկրպագուներին մտածել այն մասին, թե որքանով են կազմակերպիչները հոգ տանում մասնակիցների անվտանգության մասին։

«Միսս Տիեզերք» 75-րդ մրցույթի եզրափակիչը կկայանա 2026 թվականի նոյեմբերի 24-ին՝ Պուերտո Ռիկոյում։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News



@NEWSam_STYLE

  • Archive
Search