Ջենիֆեր Լոուրենսը կազմել է հայտնի հոլիվուդյան դերասանների հետ իր էկրանային համբույրների վարկանիշային աղյուսակը։ Առաջին տեղում անսպասելիորեն հայտնվել է Ջոշ Հաթչերսոնը, իսկ ահա Հոլիվուդի գլխավոր աստղերից մեկի հետ համբույրը դերասանուհին համարել է ամենավատը։
«Օսկար» մրցանակի 36-ամյա դափնեկիրը, որն այժմ զբաղված է «Քաղցած խաղեր» ֆրանշիզի նոր՝ «Քաղցած խաղեր. Հնձի լուսաբացը» (The Hunger Games: Sunrise on the Reaping) ֆիլմի գովազդային արշավով, հյուրընկալվել է Watch What Happens Live with Andy Cohen հաղորդմանը։ Հաղորդավարը նրան առաջարկվել է էկրանային խաղընկերների հետ համբույրները դասակարգել՝ լավագույնից դեպի վատագույնը։
«Տո՛ւր անունները»,- վստահ պատասխանել է Լոուրենսը։
Քոենը պատահական հերթականությամբ թվարկել է հինգ դերասանի՝ Լիամ Հեմսվորթ, Բրեդլի Քուփեր, Ջոշ Հաթչերսոն, Քրիս Փրատ և Տիմոտի Շալամե։
Հաթչերսոնը նույնպես ներկա էր տաղավարում։ Երբ հաղորդավարը տվել է նրա անունը, Լոուրենսը բազմիմաստ հայացք է գցել գործընկերոջ վրա, իսկ վերջինս նյարդային ժպտացել է։
«Դե ինչ, կարծում եմ՝ սկսեմ... Չնայած բոլորն էլ ուղղակի ցնցող էին»,- ընդգծված առոգանությամբ ասել է դերասանուհին։
Հաղորդավարը ստիպված է եղել հիշեցնել, որ ցանկը պետք է կազմել հենց լավագույն համբույրից դեպի վատագույնը։
«Օ՜, առաջին տեղում Ջոշն է»,- հայտարարել է Լոուրենսը։ Հաթչերսոնը նկատելիորեն ուրախացել է, թեթևացած ժպտացել և նույնիսկ հաղթական բռունցքը վեր պարզել։
«Հետո՝ Հեմսվորթը, Քուփերը, Շալամեն»,- շարունակել է դերասանուհին՝ վերջին տեղում թողնելով Քրիս Փրատին։
Լոուրենսն ու Փրատը միասին նկարահանվել են «Ուղևորները» (Passengers, 2016) ֆանտաստիկ մելոդրամայում։ Դեռևս 2015 թվականին The Hollywood Reporter-ին տված հարցազրույցում դերասանուհին պատմել էր, թե որքան դժվարությամբ է իրեն տրվել խաղընկերոջ հետ ինտիմ տեսարանի նկարահանումը։
«Մի քանի շաբաթ առաջ իմ կինոկարիերայում առաջին անգամ իրական սեքսուալ տեսարանում նկարահանվեցի, և դա շատ տարօրինակ էր։ Իսկապես անսովոր էր։ Ես լավ հարբել էի»,- խոստովանել էր նա։
Լոուրենսի խոսքով՝ ալկոհոլը չի ազատել իրեն ապրումներից, այլ ընդհակառակը՝ նկարահանումներից հետո էլ ավելի է ուժեղացրել տագնապը։
«Երբ տուն վերադարձա, անհանգստությունս էլ ավելի մեծացավ։ Մտածում էի. «Ի՞նչ եմ արել։ Ես նույնիսկ չգիտեմ...»։ Բացի այդ՝ նա ամուսնացած էր։ Դա ամուսնացած տղամարդու հետ իմ առաջին համբույրն էր լինելու, իսկ մեղքի զգացումը ստամոքսում առաջացող ամենասարսափելի զգացողությունն է»,- հիշել է դերասանուհին։
Նա հավելել է, որ նախկինում երբեք իրեն այդքան խոցելի չէր զգացել։
Ավելի ուշ E! News-ին տված հարցազրույցում Լոուրենսը հստակեցրել է, որ իր հուզմունքի պատճառը բոլորովին էլ Փրատը չէր, այլ բազմամարդ նկարահանող խմբի ներկայությունը։
«Խնդիրը խաղընկերս չէր. Քրիսը հիանալի և շատ հաճելի մարդ է։ Ես նյարդայնանում էի ոչ թե նրա, այլ նկարահանման հրապարակում աշխատող մյուս բոլոր մարդկանց պատճառով։ Բոլոր օպերատորները, պրոդյուսերները, ռեժիսորները... Գալիս ես նկարահանման, և այդ բոլոր մարդիկ նայում ու լսում են։ Ու մտածում ես՝ «Իսկ ես պե՞տք է ինչ-որ ձայներ հանեմ»։ Ամենաշատը վախենում էի, որ ինչ-որ մեկը ներս կխուժի հրապարակ ու կգոռա՝ «Հոպ, հոպ, հոպ, մի քիչ կամա՛ց»»,- պատմել է դերասանուհին։
Լոուրենսն ու նրա վարկանիշում առաջին տեղը զբաղեցրած Հաթչերսոնը միասին նկարահանվել են «Քաղցած խաղեր» ֆրանշիզի բոլոր հիմնական ֆիլմերում։ Նրանք մարմնավորել են Քիթնիս Էվերդինին և Փիթա Մելարքին, որոնց կերպարները ողջ պատմության ընթացքում սիրահարված էին միմյանց և ի վերջո ամուսնացան եզրափակիչ՝ «Քաղցած խաղեր. Ծաղրասարյակ. Մաս 2» ֆիլմում։
Հետևեք NEWS.am STYLE-ին Facebook-ում, Twitter-ում և Instagram-ում
11:12, 21 նոյեմբերի
Քրիս Փրատը բոլորից վա՞տ է համբուրվում. Ջենիֆեր Լոուրենսը կազմել է հոլիվուդյան աստղերի անսպասելի վարկանիշ10:30, 21 նոյեմբերի
«Պենելոպե, օ՜, Պենելոպե…». երբ սպասումը դառնում է ճակատագիր, իսկ հավատարմությունը՝ ընտրություն09:00, 21 նոյեմբերի
ՆՈՅԵՄԲԵՐԻ 21-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:01, 20 նոյեմբերի
Կանայք հրաժարվո՞ւմ են «ալֆա արուներից»22:33, 20 նոյեմբերի
Ferrari-ն ավտոմեքենաների հանդեպ կիրքը վերածել է շքեղության․ այժմ երկրպագուները 9 հազար դոլար արժողությամբ պայուսակներ են գնում21:32, 20 նոյեմբերի
Սիլիկոնյան հովտի նոր միլիարդատերերը չգիտեն՝ ինչի վրա ծախսել իրենց գումարները20:45, 20 նոյեմբերի
«Ես վաղուց էի ցանկանում այցելել Հայաստան». Enigma-ի ոսկե ձայն Էնդրյու Դոնալդսն առաջին անգամ մենահամերգով հանդես կգա Երևանում20:21, 20 նոյեմբերի
Louis Vuitton-ի գլխավոր պարֆյումերը բացահայտել է, թե ինչպես է արաբական մշակույթը փոխում համաշխարհային օծանելիքի արդյունաբերությունը19:35, 20 նոյեմբերի
Նույնիսկ միլիարդատերերն են սխալվում․ Patek Philippe-ի ղեկավարը բաց է թողել մի ժամացույց գնելու հնարավորությունը, որի արժեքը գրեթե հազարապատկվել է16:20, 20 նոյեմբերի
GTA 6 խաղացողները վրդովված են մարմնավաճառների անհետացումից և գլխավոր հերոսի իր ընկերուհու հանդեպ հավատարմությունից15:40, 20 նոյեմբերի
Հարսանիքը վերածվել է վեճի՝ ուրիշի ամուսինների համար15:21, 20 նոյեմբերի
Քրիս Ջեններն անցել է ինտիմ գոտիների երիտասարդացման գործին. 71-ամյա աստղը պատմել է անսովոր միջամտության մասին