• «Եղնիկի բծերից» մինչև սրճագույն ֆրենչ. 2026 թվականի աշնանային ու ձմեռային մանիկյուրի լավագույն միտումները

  Բնական երանգները, անսովոր նախշերը և զուսպ շեշտադրումները այս աշնանը և ձմռանը թրենդային կլինեն մանիկյուրի մեջ․․․

• Miu Miu-ի անփույթ մանիկյուրը՝ նորաձևության միտում, թե՞ ապստամբություն իդեալական գեղեցկության դեմ

  Գեղեցկության ցուցադրությունների ոճերը սովորաբար ձգտում են կատարելության՝ անթերի մաշկ, կատարյալ սահմանված կարմիր շուրթեր և մանրակրկիտ քսված փայլ․․․

• «Մերկ եղունգներ» վառ մանիկյուրի փոխարեն. գեղեցկության նոր միտումը BBC-ին սկանդալի մեջ է գցել

  Վառ կարմիր եղունգները 1980-ականների գեղեցկության գլխավոր խորհրդանիշն էին, հաստ ֆրանսիական մանիկյուրը համարվում էր 1990-ականների ոճի մարմնացումը, իսկ փայլերը բառացիորեն ողողել էին գեղեցկության սրահները 2000-ականների սկզբին․․․

• «Ռուսական մանիկյուր». Ինչու է աշխարհը տարված կատարյալ մաքուր եղունգներով

  Մինչև վերջերս միայն նրանք, ովքեր ուշադիր հետևում էին եղունգների միտումներին, գիտեին դրա մասին, բայց այսօր «ռուսական մանիկյուրը» գնալով ավելի ու ավելի է դառնում սրահներում սիրված ընթացակարգ…

• Սև մանիկյուրը վերադարձել է նորաձևություն. Սանդրա Բալոքը, Դուա Լիպան և Քայլի Ջենները ընտրում են աշնան հիմնական գույնը  

  Սև մանիկյուրը վերադարձել է 2026 թվականի աշնան գեղեցկության միտումների շարքին: Z սերնդի աստղերից մինչև 40-ն անց հոլիվուդյան դերասանուհիներ, հայտնիները կրկին ապացուցում են, որ ամենամուգ երանգը կարող է համարձակ, էլեգանտ և անժամանակ տեսք ունենալ...

• «Old money nails». Թանկարժեք տեսք ունեցող մանիկյուր

  Հանգիստ շքեղության գեղագիտությունը հասել է նաև մանիկյուրին․․․

• «Առանց մանիկյուրի» մանիկյուր. «Մերկ» եղունգների միտումը պարզվում է՝ այնքան էլ պարզ չէ, որքան թվում է

  Պայծառ գույներն ու բարդ նախշերը անցյալում են. կարճ, (թվացյալ) բնական եղունգների դարաշրջանը նորաձևության աշխարհում է․․․

• Մարգարտային փայլ առանց լաքի. ինչու է ճապոնական մանիկյուրը դարձել ամռան գլխավոր գեղեցկության միտումը

  Այս սեզոնի ամառային եղունգների արվեստի միտումները հստակորեն բաժանված են երկու հակադիր ճամբարների․․․

Շոգ եղանակին մաշկը հատկապես յուղոտ է դառնում։ Դեմքը մշտապես փայլում է, իսկ մենք ցանկանում ենք նախկինի պես գեղեցիկ տեսք ունենալ։ Բացի այդ, հենց ամռանն է մոտենում հարսանիքի գլխավոր ժամանակը, երբ երեկոյան դիմահարդարումը պարզապես անհրաժեշտ է երկար ժամանակ սկզբնական տեսքով պահպանել։

Ամռան գալու հետ շատ կանանց մոտ բավական լուրջ խնդիրներ են առաջանում. դիմահարդարումը հալչում է եւ ամբողջ հմայքը, որին հասել են կոսմետիկ միջոցների օգնությամբ, չքանում է։ Ի՞նչ անել։ Ընդհանրապես չդիմահարդարվե՞լ։

Արեւի հետեւանքով առաջացող դիմահարդարման ամենամեծ խնդիրը յուղոտ փայլն է։ Այն անհրաժեշտ է կանխել դիմահարդարման պատրաստվելու փուլում։ Օրինակ՝ գոյություն ունեն մաշկն անփայլ դարձնող, ջրի հիմքով հատուկ գելեր։

Նախքան տոնային կրեմ քսելը, սովորություն դարձրեք դիմահարդարման հիմք՝ փրայմեր օգտագործել։ Այս միջոցը ստեղծված է մաշկը հարթեցնելու համար, որը դիմահարդարման համար երկարատեւ «անխափան աշխատանք» է ապահովում եւ, որ ամենակարեւորն է, ամռանը դեմքն անփայլ ծածկույթով է պատում։ Գոյություն ունեն նաեւ փրայմերներ աչքերի ստվերաներկի եւ շրթներկի տակից օգտագործելու համար։ Դրանք շատ օգտակար են շոգ օրերին։

Ամռանը ձեր ցերեկային կրեմը փոխարինեք ավելի թեթեւ բաղադրությամբ կրեմով եւ անպայման SPF պաշտպանիչով։

Տարվա այս եղանակին պահանջները նույնն են նաեւ տոնային կրեմի եւ քողարկող հեղուկ միջոցների դեպքում. թեթեւ բաղադրություն։ Տաք եղանակին դադարեք այս միջոցները մատներով քսել, վրձիններ օգտագործեք, այլապես մատների միջոցով մաշկի յուղին դուք կրկնակի չափաբաժին կհաղորդեք, այն էլ՝ մանրէներով։

Եթե ձեր մաշկը յուղոտվելու հակում ունի, ապա նախքան կրեմ քսելը կարելի է վրձինը թաթախել վերը նշված գելի մեջ։ Այս միջոցը կօգնի տոնային կրեմը չափավոր օգտագործել եւ մաշկը շնչելու հնարավորություն կունենա։

Լավ կլինի դիմափոշին հանքային հիմքով եւ անփայլ ընտրել։ Շատ արտադրողներ, ինչպես mass-market-ից, այնպես էլ լյուքս դասից, ունեն նման դիմափոշիներ։ Դրանցով վրձնի կամ կլոր բարձիկի օգնությամբ անհրաժեշտ է ամրացնել դիմահարդարումը։

Շատ յուղոտ եւ խնդիրներ ունեցող մաշկի դեպքում կարելի է բացառել տոնային կրեմը եւ օգտվել միայն СС դիմափոշուց։

Եթե դուք պարտադիր ստվերաներկ կամ սնգույր եք օգտագործում, ապա լավ կլինի շոգ եղանակին ընտրեք ոչ թե փոշու տեսքով, այլ հեղուկ կառուցվածքով։ Դրանք երկար են մնում իրենց տեղում, ծալքեր չեն առաջացնում, չեն խամրում։ Մի մոռացեք այն վայրկենապես տարածել, քանի որ հեղուկ միջոցները փաթեթավորումից հանելուց հետո արագ սառչում են։

Աչքերի համար նախատեսված մատիտը եւ ստվերաներկը ջրակայուն ընտրեք։ Շոգ եղանակի համար դրանք լավագույն տարբերակն են։

Եթե դուք հոնքերը շտկում եք ստվերաներկով ու մատիտով, ապա ամռանը դրանց նաեւ ֆիքսող գել ավելացրեք։

Ինչ վերաբերում է շրթունքներին. այս դեպքում տարվա ցանկացած եղանակին կայուն դիմահարդարում դժվար է ապահովել։ Ցանկալի է շրթունքների համար նախատեսված մատիտ օգտագործել, որը պատնեշ կհանդիսանա շրթներկի համար եւ թույլ չի տա անցնել եզրագիծը։ Հետո քսեք շրթներկը, ցանկալի է՝ վրձինով։ Անձեռոցիկով չորացրեք, հետո կրկին քսեք։ Այս հնարքը թույլ կտա շրթներկն ավելի երկար պահպանել։ Կարելի է հատուկ կայուն շրթներկ օգտագործել, որը սովորաբար վաճառվում է խոնավեցնող փայլի հետ միասին։

Աղբյուը՝ fancy-journal.com

Հետևեք NEWS.am STYLE-ին Facebook-ում, Twitter-ում և Instagram-ում