Արեւելյան կանայք հատուկ ընդգծում են աչքերը. նրանք դեռեւս հազար տարի առաջ են սովորել իդեալական սլաք նկարել:
Սուրմա՝ հեղուկ սեւաներկի փոխարեն
Արեւելքի աղջիկները սլաք նկարել են սովորել ավելի վաղ, քան հեղուկ սեւաներկը կհայտնվեր: Նրանք դրա կարիքը չունեն էլ: Սուրման անհամեմատ ավելի է համապատասխանում այդ նպատակին. դա փափուկ, սեւ քար է, որը փոշի են դարձրել եւ վրան գերչակի յուղ են ավելացրել: Երբ խառնուրդը չորանում է, դրանից սուր մատիտ են պատրաստում, եւ սեւաներկը պատրաստ է: Ի տարբերություն դրա հեղուկ նմանակի, դրանով հնարավոր է հրաշալիորեն ստվերագծել, իսկ կառուցվածքը մի քիչ ավելի փափուկ է եւ յուղոտ, քան կոպերի սովորական մատիտը:
Սլաքի երկարությունը
Արեւելյան սլաքը չափավորություն չի ճանաչում. դրա ծայրը կարճ եւ համեստ չպիտի լինի: Դրան հակառակ, կատվային կորությունը եւ դեպի վեր` քունքերը ձգտող սլաքն աչքերը տեսողական առումով ավելի մեծ եւ արտահայտիչ են դարձնում: Այն աղջիկների համար, որոնք իրենց դեմքը ցույց չեն տալիս, դա հատկապես կարեւոր է. աչքերը պիտի տեսանելի լինեն: Բայց մեզ դիմահարդարման նման տեսակն ավելի շուտ հարմար կլինի երեկոյի համար:
Այսպես, սլաքը չպիտի ավարտվի աչքի ներքին անկյան հետ միասին. այն ավելի երկարացրու` ծայրն իդեալականորեն սրելով եւ թեթեւակի դեպի վեր թեքելով:
Մանրամասն ստվերագծում
Եվս մի կարեւոր պահ. արեւելյան սլաքները նման չեն դասական «հոլիվուդյան» տարբերակին: Եթե եվրոպացի կանայք դրանք հեղուկ սեւաներկով են նկարում` երկարությունը իդեալականորեն հավասարեցնելով, արաբական եղանակը սլաքը թեթեւակիորեն ծխապատելն է (իմիջիայլոց, սուրման հենց դրա համար է օգտագործվում):
Սլաք նկարելուց հետո փոքրիկ, կոշտ վրձին օգտագործիր ստվերաներկ քսելու համար. սլաքի ծայրերը խնամքով այնպես ստվերագծիր, որ այն ծխապատ լինի, բայց ձեւը չկորցնի:
Մշակիր ստորին կոպը
Դու հավանաբար նկատել ես, որ արեւելյան դիմահարդարումը երբեք ստորին կոպն առանց ուշադրության չի թողնում: Մեզ դա տարօրինակ եւ նույնիսկ չափազանցված կարող է թվալ, բայց փաստը մնում է փաստ. ստորին կոպի մշակումը աչքերն ավելի է մեծացնում: Չնայած թվում է, թե արեւելյան աղջիկների աչքերն առանց այն էլ փոքր չեն:
Վուլգար տեսք չունենալու համար այս անգամ ոչ թե մատիտ օգտագործիր, այլ մուգ, փուխր ստվերաներկ: Նուրբ վրձնի եւ ապլիկատորի օգնությամբ դրանք քսիր ստորին կոպին` աչքի արտաքին անկյունից մինչեւ միջին մասը, եւ վերին հատվածը ստվերագծիր քունքի ուղղությամբ:
Աղբյուրը` Cosmo
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից