«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

«Ես ապրում եմ Ամերիկայի հայերին հատուկ կյանքով». օսկարակիր Քեթրին Սարաֆյանի հարցազրույցը NEWS.am STYLE-ին

20:04, 7 մարտի

Այս տարի «Լավագույն անիմացիոն ֆիլմ» անվանակարգում «Օսկար»-ի արժանացավ «Սրտով խիզախը» (Brave) գունագեղ մուլտֆիլմը: Այն նկարահանել են «Pixar» ընկերությունն ու պրոդյուսեր Քեթրին Սարաֆյանը: NEWS.am STYLE-ին տված բացառիկ հարցազրույցում Քեթրին Սարաֆյանը պատմել է հաջողության, մուլտիպլիկացիայի գաղտնիքների եւ իր հայկական ընտանիքի մասին:

Նախ շնորհավորում ենք Ձեզ «Օսկար» ստանալու առիթով: Դուք աշխատել եք նաեւ «Pixar» ընկերության այլ հայտնի անիմացիոն ֆիլմերի ուղղությամբ, ինչպիսիք են «Խաղալիքների պատմությունը», «Սուպերընտանիք», «Հրեշների կորպորացիա» եւ այլն: «Սրտով խիզախը» պարգեւատրվեց արձանիկով, որի մասին երազում են բոլոր կինոգործիչները: Ի՞նչ եք կարծում, ո՞րն է հաջողության գաղտնիքը. համառ աշխատա՞նքը, թե՞ աշխատանքն առանց հաջողության ոչինչ է:

Ինձ համար մեծ պատիվ է, որ «Սրտով խիզախը» ճանաչում ստացավ Ակադեմիայի եւ Արտասահմանյան մամուլի հոլիվուդյան ասոցիացիայի կողմից: Բայց առավել կարեւոր է այն, որ «Սրտով խիզախը» հանդեսատեսի աջակցությունը ստացավ: Մենք այս ֆիլմի ուղղությամբ աշխատել ենք 6 տարի, այնպես որ փաստը, որ ֆիլմը գնահատում եւ վայելում են մարդիկ ամբողջ աշխարհում, մեծագույն պարգեւն է: 

Իհարկե, ֆիլմը ժամանակի մեծ ծախս, աշխատասիրություն եւ համբերություն է պահանջում: Կինոարդյունաբերությունը համատեղ աշխատանք է: «Pixar» ընկերությունում մենք հաջողության ենք հասնում, երբ միասին ենք աշխատում՝ առաջանալով դեպի ընդհանուր նպատակ. պատրաստել լավ ֆիլմ: Ես ինձ հաջողակ եմ զգում, երբ ֆիլմի վրա աշխատող 250 նկարիչներն ու տեխնիկները հրաշալի հարաբերություններ են ունենում եւ անում են ինչ-որ բացառիկ բան, որը դիմանալու է ժամանակի փորձությանը: Եթե մենք ներդնում ենք բոլոր ջանքերը եւ տարվում ենք աշխատանքով, ինչպես նաեւ միմյանց հարգանքով ենք վերաբերվում, ապա միշտ հասնում ենք հաջողության:

Անիմացիոն ֆիլմի բովանդակությունը բարդ գործընթաց է: Անհրաժեշտ են ժամանակ եւ համբերություն: Անիմացիան մարդու բնավորության վրա հետք թողնո՞ւմ է:

Անիմացիան առանձնահատուկ համբերություն եւ կարգապահություն է պահանջում: Դա այնպիսի մարդկանց զբաղմունք չէ, ովքեր արագ արդյունք են ակնկալում: Մեր աշխատանքը մշակվում եւ զարգանում է երկար տարիների ընթացքում. այն, ինչ անում ենք, գեղեցիկ տեսք չունի ընդհուպ մինչեւ աշխատանքի ավարտը: Մենք պետք է խորապես համոզված լինենք, որ ամբողջ թիմն անում է ամեն հնարավորը՝ առավելագույնս լավ ֆիլմ ստեղծելու համար: Դա մյուսների հանդեպ վստահություն եւ հարգանք է պահանջում: Մարդիկ, ովքեր չեն կարող վստահել մյուսներին կամ կրքոտ բնավորություն չունեն եւ չեն կարողանում կիսվել իրենց գաղափարներով, չեն կարող վայելել անիմացիոն ֆիլմի ստեղծման գործընթացը:

Հարցազրույցներից մեկում Դուք ասել եք, որ ֆիլմի ուղղությամբ աշխատանքի ընթացքում հասկացել եք, որ շատ ընդհանուր բաներ ունեք Ձեր հոր հետ, «ով մարդկանց կառավարման հարցում ուժեղ չէր»: Դուք պրոդյուսեր եք եւ մյուսներին կառավարելը Ձեր հիմնական պարտականություններից է: Ի՞նչ է պետք անել՝ մարդկանց լավ կառավարել սովորելու համար:

Իմ հոր ուժը մարդկանց հասկանալն ու նրանց կարեկցելն էր: Կարծում եմ, որ անիմացիոն ֆիլմն այդ ոլորտում հատուկ հմտություններ է պահանջում: Հայրս քահանա էր եւ գնահատում էր իր ծխականների հավատը: Լինելով կառավարիչ, ես հայտնաբերեցի, որ հորս անձնական որակներն ավելի օգտակար եւ էական կլինեին, քան կառավարման մեթոդների իմացությունը: Իմ ենթակաները պետք է հուսալիություն եւ սեփական անձի կարեւորությունը զգան: Իսկ ես պետք է զգամ, որ նրանք ինձ աջակցում են: Այդպես մենք ավելի դյուրին կտանենք դժվարությունները:

«Սրտով խիզախը» շոտլանդական թագավորությունում ապրող արքայադուստր Մերիդայի պատմության մասին է: Դուք հանգամանալից վերստեղծել եք Շոտլանդիան եւ միջնադարյան հագուստները: Ժամանակակից ֆիլմարտադրողներն այնքան էլ ուշադրություն չեն դարձնում մանրուքներին: Կարծում եք՝ ի՞նչն է պատճառը:  

Կարծում եմ, որ ֆիլմարտադրողները մանրուքներին, ամեն դեպքում, ուշադրություն դարձնում են, բայց դա կախված է ֆիլմից: «Pixar» ընկերությունում կարծում ենք, որ մանրուքներն ուսումնասիրելը կարեւոր նշանակություն ունի, դրա համար էլ այդ ուղղությամբ մեծ ջանքեր ենք ներդրել: Մենք ցանկանում էինք ստեղծել ճշմարտանման, արժանահավատ աշխարհ, որպեսզի մեր հանդեսատեսի համար դրանում ընկղմվելու արդյունք ստանանք:

Իհարկե, կարճ ուղիով ընթանալն ավելի դյուրին է: Սակայն մուլտֆիլմի ստեղծման ժամանակ զգացինք, որ կարեւոր է խորանալ մանրուքների ուսումնասիրման մեջ, որովհետեւ չէինք ցանկանում ստեղծել ստերեոտիպային Շոտլանդիա: Ցանկանում էինք, որպեսզի ֆիլմը դառնար նոր դասական եւ դիմակայեր ժամանակի փորձությանը: Այնպես որ, կարճ ճանապարհներ չէինք փնտրում: Հանգեցինք նրան, որ «Սրտով խիզախը» ֆիլմը պետք է լինի ճշմարտացի, Շոտլանդիայի աշխարհում ընկղմամբ, կերպարների եւ հագուստների լայն սպեկտրով: Մեր հերոսների արկածներում եւ դյուցազներգության մեկնաբանությունում պետք է զգացվի նույնիսկ բնապատկերը:

Հայերը հպարտանում են նրանով, որ Դուք «Օսկար» եք ստացել: Երբեւէ մտածե՞լ եք Հայաստանի պատմական իրադարձությունների հիման վրա անիմացիոն ֆիլմ ստեղծելու մասին:

Ես պաշտում եմ Հայաստանի լեռնային տեսարանները, եւ Շոտլանդիայի բազմաթիվ շրջաններ ինձ ստիպեցին մտածել Հայաստանի մասին: Նույնիսկ իմացա, որ Հայաստանում կան նույնքան հնամյա մասունքներ, ինչպիսիք պատկերված են «Սրտով խիզախը» մուլտֆիլմում: Չեմ կարող Ձեզ որեւէ հստակ բան ասել նման ֆիլմի մասին: Սակայն իմ գործընկերներն անիմացիոն կամ գեղարվեստական ֆիլմերի բազմաթիվ գաղափարներ ունեն, որոնք արժանի տուրք կմատուցեին մեր հայրենիք Հայաստանին: Հուսով եմ՝ այդ նախագծերը կզարգանան: Դրանք ֆինանսական եւ հասարակական աջակցության կարիք ունեն:

Հայկական ի՞նչ ավանդույթներ են պահպանվել Ձեր ընտանիքում: Հայկական տոներ նշո՞ւմ եք կամ, միգուցե, հայկական կերակուրներ եք պատրաստում:

Մենք ապրում ենք Ամերիկայի հայերին հատուկ կյանքով: Ամուսնուս եւ երեխաներիս հետ ակտիվ մասնակցում եմ տեղի հայ համայնքի կյանքին: Եվ, իհարկե, խորոված եւ փլավ ենք ուտում: Տոնում ենք հայկական տոները եւ հաճախում ենք տեղի հայկական եկեղեցին, որտեղ ինձ կնքել են եւ որտեղ ես ամուսնացել եմ:

Պատրաստեց՝ Աննա Ղազարյանը


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել