• Սիլվեստր Ստալոնեն մեմուարներ է գրում

  Սիլվեստր Ստալոնեն գրի է առնում իր հուշերը։ Գիրքը, որը կոչվում է «Աստիճաններ», ոգեշնչված է նրա հայտնի կերպարից՝ Ռոքիից․․․

• Բրիթնի Սփիրսը համաձայնության է եկել հոր հետ

  Դատարանի՝ ավելի քան երկու տարի առաջ կայացրած որոշումից հետո, ըստ որի Բրիթնի Սփիրսի հայրը պետք է դադարեցներ նրա խնամակալությունը՝ վերջ դնելով նրա կյանքի հանդեպ վերահսկողությանը․․․

• Doja Cat-ը շատ համարձակ ու բաց լողազգեստով ցուցադրել է կազմվածքը

  Doja Cat-ը ցուցադրել է իր կազմվածքը շատ համարձակ ու բաց լողազգեստով՝ կեցվածք ընդունելով սերֆինգի տախտակի վրա․․․

• Փերիս Հիլթոնը մերկացել է Flaunt ամսագրի շապիկի համար

  Փերիս Հիլթոնը մերկացել է Flaunt ամսագրի շապիկի համար։ 43-ամյա հայտնի շիկահերը իր սեքսուալ տեսքը լրացրել է Versace-ի, Saint Laurent-ի եւ Anthony Vaccarello-ի գունագեղ աքսեսուարներով․․․

• Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից

  Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից…

• Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»

  Քիմ Քարդաշյանը տխրել է Թեյլոր Սվիֆթի նոր դիս-թրեքից, որն ուղղված է իրեն, եւ, ակնհայտորեն, նման բան չէր սպասում…

• Սելենա Գոմեսին տխրեցնում են իր սերնդակիցների գեղեցկության չափանիշները

  Սելենա Գոմեսին տխրեցնում են իր սերնդակիցների գեղեցկության չափանիշները…

• Սուպերմոդել Ժիզել Բունդխենը ոստիկանի հետ զրույցի ժամանակ արտասվել է

  Սուպերմոդել Ժիզել Բունդխենը ոստիկանի հետ զրույցի ժամանակ արտասվել է…

Աֆրիկյան ծագում ունեցող ամերիկացի մոդել Թանիշա Հարփերին նորաձեւության աշխարհը բացահայտեց 2008 թ-ին՝ սուպերմոդել Հայդի Քլումի Project Runway նախագծից հետո:

Այս շոուի շրջանակներում միմյանց հետ մրցում են դիզայներները, որոնց հագուստները յուրաքանչյուր մրցույթի ավարտին ներկայացնում են գեղեցիկ մոդելները:

Նախագծի 6-րդ եթերաշրջանին մասնակցում էր նաեւ Թանիշան, որը հիմնականում ցուցադրում էր երկրորդ հորիզոնականը զբաղեցրած դիզայներ Ալթեա Հարփերի զգեստները:

Հարկ է նշել, որ Թանիշային որպես իրենց մոդել էին ցանկանում տեսնել, գրեթե, բոլոր դիզայներները, քանի որ նրան նմանեցնում էին սուպերմոդել Նաոմի Քեմփբելին:

Մոդելինգի, Project Runway նախագծին մասնակցության եւ Նաոմի Քեմփբելի հետ համեմատության շուրջ բացառիկ հարցազրույց ունեցանք թխամաշկ գեղեցկուհու հետ:

-Թանիշա, Ձեր մոդելային կարիերան սկսվեց, երբ գործակալներից մեկը Ձեզ նկատեց առեւտրի կենտրոնում: Հետաքրքիր է՝ մինչ այդ երազո՞ւմ էիք մոդել դառնալու մասին:

-Մինչ այդ՝ ես երազում էի դառնալ դիզայներ: Երբ փոքր էի, տատիկիցս սովորեցի կարել: Ամեն ամառ, երբ գնում էի նրա մոտ, միասին թերթում էինք Vogue կամ Teen ամսագրերը եւ այնտեղ ներկայացված զգեստների օրինակներից էինք կարում: Ամեն տարի սպասում էի մեր հանդիպումներին եւ դրանց շնորհիվ ցանկացա դառնալ դիզայներ:

-Մոդելինգը, ինչ-որ կերպ, փոխե՞լ է Ձեր կյանքը:

-Կյանքս այն առումով է փոխվել, որ ես սովորեցի լինել ֆինանսապես կայուն եւ սկսեցի հոգալ իմ ծախսերը շատ վաղ տարիքից: Դրա շնորհիվ ես ինքնավստահություն ձեռք բերեցի եւ հնարավորություն ունեցա ճանապարհորդել ամբողջ աշխարհով ու շատ բաներ սվորեցի:

-Շատերը Ձեզ հիշում են Project Runway/Models նախագծից: Եթե չեմ սխալվում, որոշ դիզայներներ Ձեզ նմանեցնում էին Նաոմի Քեմփբելին: Դուք՝ ինքներդ, տեսնո՞ւմ եք նմանություն ձեր մեջ:

-Կարծում եմ՝ մարդիկ հիմնականում մեզ նմանեցնում են աչքերի կառուցվածքով, քայլվածքով եւ պահվածքով: Նա աշխարհի ամենատպավորիչ մոդելներից մեկն է եւ ինձ համար պատիվ է, որ ինձ նմանեցնում են նրան:

-Դուք նախագծում զբաղեցրեցիք երկրորդ հորիզոնականը: Դրանից հետո Ձեր կյանքն ինչ-որ կերպ փոխվե՞ց:

-Նախագիծն ինձ մեծ հաջողություն բերեց, քանի որ գործատուները կարողացան տեսնել, թե ինչպես եմ ես քայլում, թե ինչպիսի մոդել եմ ես եւ թե, առհաասարակ, ինչ տիպի անձնավորություն եմ: Դրա շնորհիվ ես հետագայում տարբեր հեռուստանախագծերից առաջարկներ ստացա:

-Ո՞ր բրենդների հետ եք հիմնականում աշխատում:

-Այժմ հիմնականում աշխատում եմ Chagoury եւ Laer նորաձեւության տների հետ:

-Նախագծի շրջանակներում Դուք հիմնականում համագործակցում էիք դիզայներ Ալթեա Հարփերի հետ: Հիմա է՞լ եք մտերիմ:

-Մրցույթից հետո եւս մի քանի նախագծերի շուրջ համագործակցեցինք: Հիմա Ալթեայի հետ հիմնականում շփվում ենք համացանցի միջոցով: Այժմ նա գեղեցիկ ընտանիք է ստեղծել, նա շատ հոգատար մայր է: Հուսով եմ՝ շուտով կրկին նրան կհանդիպեմ:

-Նախագծի ընթացքում հաղորդավարուհի եւ սուպերմոդել Հայդի Քլումը հաճախ էր խորհուրդներով կիսվում մոդելների հետ: Կհիշե՞ք, թե Ձեզ ինչ խորհուրդ է տվել նա:

-Գիտեք՝ կոնկրետ Հայդիի խորհուրդը չեմ հիշում, բայց առհասարակ մոդելինգի վերաբերյալ ինձ համար ամենակարեւոր խորհուրդը եղել է այն, որ պետք է միշտ հավատարիմ լինես ինքդ քեզ, սիրես քեզ ու երջանիկ լինես, որ հենց այդպիսին ես: Շատ մոդելներ մի շարք փոփոխությունների են դիմում, որպեսզի լինեն այնպիսին, ինչպիսին նրանց ցանկանում է տեսնել նորաձեւության աշխարհը:

-Բացի մոդելինգից՝ նաեւ որոշ հեռուստանախագծերում եք նկարահանվում…

-Այո, այժմ մի շատ հրաշալի նախագծի շուրջ եմ աշխատում եւ անհամբերությամբ եմ սպաում, թե երբ է այն, վերջապես, հասանելի լինելու հանրությանը:

-Ի՞նչ խորհուրդ կտայիք այն բոլոր աղջիկներին, որոնք երազում են մոդել դառնալու մասին:

-Երբեք մի ստեղծեք ձեզ համար անհարմար կերպար, որը դեմ է ձեր արժեհամակարգին: Հավատարիմ եղեք ինքներդ ձեզ: Ահա, թե ինչ է իրականում ուզում աշխարհը:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում