Սոֆի Մխեյանի նոր տեսահոլովակի շնորհանդեսը տեղի ունեցավ այսօր՝ հոկտեմբերի 23-ին, Երեւանում։ Սա Սոֆի Մխեյանի առաջին հայրենասիրական երգն է, որի տեսահոլովակը նկարահանվել է Արցախում։ Ռեժիսորն է Արեն Բայադյանը, երաժշտության հեղինակը՝ Էդգար Ալեքսանյանը, իսկ երգի բառերը գրել են Ավետ Բարսեղյանն ու Գրիգոր Կեկչյանը։ Սակյան հեղինակներն իրենք այն տեքս չեն համարում, այլ՝ «բառերի մոնտաժ»։ Եվ դրանում է նոր երգի առանձնահատկությունը՝ ամբողջ տեքստը «հավաքված» է հայտնի հայկական հայրենասիրական երգերից։ «Այն բառերը, որոնք մենք «մոնտաժել» ենք, հնչում էին վերջին 20 տարիների մեր հայտնի հայրենասիրական երգերում։ Ես չեմ վախենում, որ այն լսելիս մարդիկ կսկսեն գուշակել տարբեր երգերի բառերը։ Ես ուզում էի, որ երգը հենց առաջին իսկ տողերից հարազատ թվա լսողին, եւ դա հաջողվել է։ Լսողներից մեկն ասաց՝ «Ի՜նչ ծանոթ է… կարծես հարազատ երգ լինի», - շնորհանդեսին նվիրված ասուլիսին պատմեց Սոֆի Մխեյանը։
Բոլոր կադրերը հատուկ տեսահոլովակի համար են նկարահանվել, եւ արխիվից ոչ մի նյութ չի օգտագործվել։ Արեն Բայադյանն ինքն իր աշխատանքն անվանեց «ոչ սինթետիկ տեսահոլովակ»։ «Ես շատ շնորհակալ եմ Սոֆիին վստահության համար, չէ ո՞ր ես հիմնականում նկարահանում եմ գլամուրային տեսահոլովակներ, իսկ սա շատ պատասխանատու գործ էր։ Տեսահոլովակը հիմնված է, ինչպես ասում են, երեք փղերի վրա՝ մեր կրոնի, դրոշի եւ բանակի։ Մեր վերջին բոլոր ձեռքբերումները նույնպես արտացոլված են դրանում։ Օրինակ՝ Լոնդոնի օլիմպիադայում ծանր աթլետ Հռիփսիմե Խուրշուդյանի բրոնզե մեդալը։ Եթե արտասահմանից մեկը նայի տեսահոլովակը, նա ծավալուն եւ ճիշտ պատկերացում կկազմի մեր երկրի մասին», - ընդգծեց ռեժիսորը։
Տեքստի հեղինակ Ավետ Բարսեղյանն էլ խոստովանեց, որ շատ է հոգնել հայրենասիրական տեքստեր գրելուց, քանի որ անընդհատ է գրում դրանք եւ հայրենիքի հանդեպ սերն արտահայտելու նոր բառեր այլեւս չունի։ Սակյան, հենց այս նախագիծը նրան շատ հետաքրքիր էր։ «Վերցնել երգի մի տող՝ չի նշանակում պլագիատով զբաղվել։ Սա նշված է Օրենսգրքում, իսկ մենք որպեսզի ոչ մեկի հետ հարաբերություն չփչացնենք, համենայն դեպս զանգել ենք երգերի հեղինակներին եւ նրանք ջերմորեն համաձայնվել են մեր հետ համագործակցել», - ասաց նա։
Լուսանկարները տրամադրել է Սոֆի Մխեյանը
Հետևեք NEWS.am STYLE-ին Facebook-ում, Twitter-ում և Instagram-ում
23:11, 14 մայիսի
Աշխարհի ամենաթանկ շրթներկների հնգյակը22:34, 14 մայիսի
Ինչո՞ւ են հասուն կանայք նախընտրում ավելի երիտասարդ տղամարդկանց21:11, 14 մայիսի
Սերը` առաջին համբույրից, գուցե, իրականություն է20:22, 14 մայիսի
Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը19:35, 14 մայիսի
«Սարսափելի գիշեր էր». Բրենդոն Լիի մահից 30 տարի անց16:13, 14 մայիսի
«Դաունթոնի աբբայության» հիման վրա երրորդ ֆիլմը կնկարահանվի15:23, 14 մայիսի
Նաոմի Քեմփբելը «նրբագեղության մարմնացում է» դասական փոքրիկ սեւ զգեստով14:37, 14 մայիսի
Ջորջ Քլունին իր դեբյուտը կկատարի Բրոդվեյում14:04, 14 մայիսի
Սերժ Թանկյանը ցանկանում էր հեռանալ System of a Down-ից13:16, 14 մայիսի
Քեյթ Մոսը սիրավե՞պ ունի Բոբ Մարլիի թոռան հետ12:35, 14 մայիսի
Շերը շլացուցիչ սեւ բոդիով է ներկայացել «Բոբ Մաքի. մերկ պատրանք» ֆիլմի պրեմիերային11:58, 14 մայիսի
Ինչու էին Շարլիզ Թերոնն ու Թոմ Հարդին ատում միմյանց «Խենթ Մաքսը» ֆիլմի նկարահանման հրապարակում