Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Հայոց ցեղասպանության ժխտումն է մյուս ցեղասպանությունների պատճառը». Դին Քեյնն ու Մոնթել Ուիլյամսը Երեւանում ներկայացրեցին «Ժխտման ճարտարապետներ» ֆիլմը

19:25, 5 մարտի

«Իմ ճանաչած բոլոր շարքային թուրքերն ընդունում են, որ ցեղասպանություն եղել է, մերժողը Թուրքիայի կառավարությունն է»,- այսօր Երեւանում լրագրողների հետ հանդիպման ժամանակ ասաց ամերիկացի հայտնի դերասան Դին Քեյնը, որն այստեղ երեկոյան կմասնակցի Հայոց ցեղասպանության մասին «Ժխտման ճարտարապետներ» վավերագրական ֆիլմի պրեմիերային:

Դինը ֆիլմի համահեղինակներից է: 2017-ին նա ֆիլմի նկարահանումների շրջանակնում այցելել էր Հայաստան: Ինչպե՞ս է իմացել Հայոց ցեղասպանության մասին ամերիկացի դերասանն այն դեպքում, երբ, իր իսկ խոսքով, ամերիկացիների մեծ մասը չգիտի այդ մասին.

«Ես սովորել եմ աշխարհի լավագույն համալսարաններից մեկում՝ Փրինսթոնի համալսարանում, իմ հիմնական առարկան պատմությունն էր: Մի ընկեր ունեի՝ Քեւին Մաթոսյան, մեկ օր ինձ հարցրեց, թե ինչ գիտեմ Հայոց ցեղասպանության մասին, ես ինձ շատ վատ զգացի, քանի որ, լինելով պատմաբան, ոչինչ չգիտեի այդ մասին, եւ նա ինձ հրավիրեց մասնակցել Լոս Անջելեսում ապրիլքսանչորսյան երթին»:

Դին Քեյնը Հայոց ցեղասպանության մասին վավերագրական ֆիլմ նկարահանելու գաղափարով կիսվում է իր ընկերոջ՝ «Էմմի» դափնեկիր Մոնթել Ուիլյամսի հետ:

«Երբ Դինն ինձ պատմեց Հայոց ցեղասպանության մասին, ես զարմացա, ասացի՝ ի՞նչ Հայոց ցեղասպանություն: Ես 22 տարի բանակում եմ աշխատել, ռազմական պատմաբան եմ եւ իմ հաղորդման շրջանակներում անդրադարձել եմ բազում ռազմական հարցերի, բայց հայերի ցեղասպանության մասին առաջին անգամ էի լսում: Եթե ես չգիտեի այդ մասին, պատկերացնո՞ւմ եք՝ ինչքան շատ մարդիկ չգիտեն: Այդ իսկ պատճառով ես որոշեցի բացահայտել այս պատմությունն աշխարհի համար: Կարծում եմ, որ Հայոց ցեղասպանության ժխտումն է, որ պատճառ է դառնում այլ ցեղասպանությունների: Այսօր էլ աշխարհի տարբեր ծայրերում ցեղասպանություններ են ընթանում»,- նշեց Ուիլյամսը:

«Կարծում եմ՝ քանի դեռ չի ճանաչվել Հայոց ցեղասպանությունը, Ադրբեջանում եւ Արցախում այս լարված դրությունը կարող է վերածվել մասշտաբային ցեղասպանության»,- իր հերթին հավելեց Դինը:

Դինն ու Մոնթելը «Ժխտման ճարտարապետները» նկարահանելիս որեւէ խոչընդոտի չեն հանդիպել: Միակ դեպքը, որ եղել է, այն է, երբ Վաշինգթոնում նրանց չեն թույլատրել ֆիլմի գովազդային պաստառները փակցնել ավտոբուսների վրա:

«Պատրաստվո՞ւմ եմ այցելել ես վաղը Թուրքիա՝ ոչ, պատրաստվո՞ւմ եմ Ադրբեջանով ճանապարհորդել՝ ոչ»,- այդ երկրների սեւ ցուցակներում հայտնվելու հնարավորության մասին խոսելիս ասաց Մոնթել Ուիլյամսը:

Ի դեպ, կազմակերպիչները հայտ են ներկայացրել ֆիլմը «Էմմիի» ներկայացնելու համար: Կընդգրկվի, արդյոք, «Ժխտման ճարտարապետները» մրցանակաբաշխության շորթ լիստում, հայտնի կդառնա մարտի երկրորդ կեսին:

Շուշան Շատիկյան

Լուսանկարները՝ Արսեն Սարգսյանի

Տեսանյութը՝ Դավիթ Խուդավերդյանի


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել