«Дом 2» հեռուստանախագծի ամենապոպուլյար մասնակիցներից մեկը՝ Իոսիֆ Օգանեսյանը, այս ձմռանը իր ծնողների հետ հյուրընկալել էր Հայաստանում, որտեղ, ինչպես մենք գրել էինք, իր համար հարսնացու էր փնտրում։
Օգանեսյանը վերադարձել է նախագիծ ու հայտնել, որ ընդմիշտ կմնար Հայաստանում, եթե ունենար նման հնարավորություն, ինչով առաջացրել էր հանդիսատեսի բուռն վրդովմունքը։ Նա հարսնացու այդպես էլ չգտավ, իսկ վերադառնալով նախագիծ՝ որոշեց նորից վերականգնել հարաբերությունները իր նախկին ընկերուհու հետ։ Իոսիֆ Օգանեսյանի մտերիմները տագնապ են հայտարարում՝ նա իր մորը՝ Հռիփսիմե Օգանեսովնային հասցրել է հիվանդանոց։ Կինը հեռուստատեսությամբ տեսել է, թե ինչպես է որդին հարաբերություններ կառուցում իր ընկերուհու՝ Սաշա Չերնոյի հետ ու նրա ինքնազգացողությունը կտրուկ վատացել է։
Հռիփսիմե Օգանեսովնան արդեն արտահայտել էր իր տեսակետը որդու ընտրության մասին։ Նա մի քանի անգամ հայտնել էր, որ Չերնոն չար, լկտի ու անդաստիարակ անձնավորություն է։ Մայրը շատ անհանգիստ է Իոսիֆի համար, դրա համար էլ մշտապես նրան խնդրում է լքել Սաշային ու հավասարակշռված ու կիրթ հարսնացու գտնել ։
Նշենք , որ Օգանեսյանի մորը կարելի է հասկանալ, քանի որ այդ կոլորիտային զույգի հարաբերությունները իդեալական անվանել չի կարելի՝ սկանդալները, որոնք սարքում Իոսիֆի ճոխ մարմին ունեցող ընկերուհին, կարող են ապշեցնել նույնիսկ հեռուստանախագծի փորձառու խմբագիրներին։ Դրա համար էլ Հռիփսիմե Օգանեսովնայի սիրտը չի դիմացել։ Հարևանների խոսքով՝ շոուի հերթական դրվագից հետո Հռիփսիմեն, որը ամենայն հավանականությամբ, շաքարային դիաբետ ունի, հիպոգլիկեմիկ կոմայի մեջ է ընկել։
«Ես լավ ճանաչում եմ Իոսիֆի ընտանիքին ու շփվում եմ նրանց հետ, մենք հարևաններ ենք։ Թե ինչ է կատարվում նրանց տանը՝ դուք չեք պատկերացնի։ Հերթական թուքումրից ու որդու ծեծից հետո Հռիփսիմեի մոտ ինսուլինային կրիզ է տեղի ունեցել, վերջին կաթիլը աղջկան ծեծի ենթարկելու տեսարանն էր, որին նրա որդին էլ էր մասնակցում։ Ծնողները պարզապես հուսահատվել են, բայց չեն կարող որդուն հանել հեռուստանախագծից։ Ընտանիքը Սաշային ոչ մի դեպքում չի ընդունի»,- գրել է Дом 2 հեռուստանախագծի սրտացավ հանդիսատեսներից մեկը սոցցանցերում։
Հավելենք, որ մոր հիվանդության սրացման մասին նորությունը չի խանգարել Օգանեսյանին իրականացնել իր պլանները։ Տղան որոշել է առաջարկություն անել սիրեցյալին հենց նկարահանման հարթակում։
«Ես քեզ շատ սիրում եմ, ու կյանքս առանց քեզ չեմ պատկերացնում։ Ուզում եմ, որ դու այդ մասին իմանաս»,- ասել է Իոսիֆը։ Դրանից հետո նա ծնկի է իջել ու նրան նվիրել մատանի։ Ցնցված աղջիկը մի քանի րոպեից ուշքի է եկել ու բնականաբար ընդունել է տղայի առաջարկը, հայտնում է «Դնին»։
Հետևեք NEWS.am STYLE-ին Facebook-ում, Twitter-ում և Instagram-ում
23:18, 6 մայիսի
Daily Express-ը՝ Կիմ Չեն Ընի սեռական կյանքի մասին. 25 կույսերից բաղկացած «Հաճույքների ջոկատ» եւ ուղեկցորդուհիներով լի գնացք22:20, 6 մայիսի
Իտալական ծովափնյա քաղաքը նախատեսում է «մերկ» հարսանիքներ կազմակերպել20:33, 6 մայիսի
Snob. Դիլիջանը, թերեւս, Հայաստանի ամենահանգիստ քաղաքն է19:46, 6 մայիսի
«Imperial Orchestra»-ն Երեւանին զգացմունքների կայսրություն կնվիրի16:25, 6 մայիսի
Պիեռ Յովանովիչը եւ Քրիստիան Լուբուտենը ստեղծել են Red-Bottom աթոռների յուրահատուկ հավաքածու15:06, 6 մայիսի
Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին14:20, 6 մայիսի
Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին13:55, 6 մայիսի
Միխայիլ Գալուստյանը 14 կգ նիհարել է՝ հրաժարվելով խորովածից13:16, 6 մայիսի
Նիկոլաս Քեյջի որդուն մեղադրել են սեփական մորը ծեծելու մեջ12:33, 6 մայիսի
Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին11:23, 6 մայիսի
Բեյոնսեն ցուցադրել է իր համարձակ կերպարը՝ մերկացնելով հետույքը10:59, 6 մայիսի
Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների