Ռեժիսոր Անատոլի Դեմիդովը «Կոմսոմոլսկայա պրավդա»-ի հետ զրույցում պատմել է, թե ինչ է կատարվում դերասանուհի Անաստասիա Զավորոտնյուկի ընտանիքում։ 

Զավորոտնյուկի մոտ ուժեղ թուլություն, հյուծվածություն են նկատվում, նա երբեմն բողոքում է գլխացավերից եւ ընդհանուր տկարությունից։ Ծանոթների խոսքով՝ դերասանուհու խոսքն այժմ «այնքան էլ կապակցված չէ», թեեւ հիվանդության հետեւանքով ինտելեկտը չի տուժել։

«Զավորոտնյուկն այն վիճակում չէ, որ երեւա հանրությանը։ Կյանքի համար պայքարը շարունակվում է»,- հայտնել է Մոսկվայի Չեխովի անվան գեղարվեստական թատրոնի նախկին ռեկվիզիտոր Սվետլանա Վեսելյովան։

Ընդ որում, թերթի տեղեկություններով՝ Զավորոտնյուկը գիտակցություն ունի, սակայն ամեն ինչ «կարծես մշուշում լինի»։ «Անաստասիան սայլակի վրա է, քանի որ շատ  հոգնում։ Սա առաջին դեպքը չէ, երբ վիճակը վատանում է։ Հիմա կրիտիկական ոչինչ չկա»,- հայտնել է երաժշտական պրոդյուսեր Օլեսյա Սազիկինան։

Զավորոտնյուկի հիվանդության մասին լուրերը տարածվել են նախորդ տարվա օգոստոսին։ Որոշ լրատվամիջոցներ գրում էին, որ նա ուղիղ քաղցկեղ ունի։ Դերասանուհու հարազատները երկար ժամանակ չէին մեկնաբանություն լուրերը, սակայն հետագայում հաստատել են, որ նրա մոտ գլիոբլաստոմա է հայտնաբերվել։

Հետևեք NEWS.am STYLE-ին Facebook-ում, Twitter-ում և Instagram-ում