• Ոսկերիչները բացատրել են Մեգան Մարքլի ադամանդե մատանու գաղտնի նշանակությունը

  2,8 հազար դոլար արժողությամբ եւ հատուկ նշանակությամբ․․․

• «Թագուհու քայլը» սերիալի աստղն ամուսնանում է

  Թանկարժեք քարով շքեղ մատանի․․․

• «Տատու» խմբի նախկին մենակատար Լենա Կատինան ամուսնացել է միլիոնատիրոջ հետ

  Մեկ ամիս առաջ Լենա Կատինան պարծեցել էր նշանադրության մատանիով․․․

• Քորթնի Քարդաշյանը փչացրել է իր՝ 1 միլիոն դոլար արժեքով նշանադրության մատանին

  Սիրելին նրան նվիրել էր Lorraine Schwartz ապրանքանիշի՝12 կարատ քաշով մատանին․․․

• Զարդերի գովազդի պատճառով․ օգտատերերը կասկածում են, որ Louis Vuitton-ն աջակցում է Ուկրաինայում Ռուսաստանի հատուկ գործողությանը (ֆոտո)

  Համացանցում քննադատել են նոր հավաքածուն․․․

• Ալեքսիս Օհանյանի նվերը․ Սերենա Ուիլյամսի նշանադրության մատանին հայտնվել է ամենագեղեցիկ ու արտասովոր զարդերի ցանկում

  Ցանկում են ներառվել նաեւ Մեգան Ֆոքսի, Էմիլի Ռատակովսկու մատանիները․․․

• Tiffany & Co.-ն Դուբայում ներկայացրել է ապրանքանիշի պատմության ընթացքում ամենաթանկարժեք զարդը (ֆոտո)

  Զարդը 1939թ․-ի վզնոցի վերաիմաստավորումն է…

• Գիտեի՞ք արդյոք. «Կարիբյան ծովի ծովահենները. աշխարհի ծայրում». 11 հետաքրքիր փաստ ֆիլմի մասին

  NEWS.am STYLE-ը շարունակում է հետաքրքիր փաստեր ներկայացնել հանրահայտ տարբեր ֆիլմերի մասին...

Մեզանից շատերը գնահատում են թանկարժեք քարերի փայլը եւ գեղեցկությունը, իսկ եթե այդ քարը Ձեր Մեծություն Ադամանդն է, ապա հետաքրքրությունը շատ ավելի է մեծանում: Ցավոք, հիացմունքը ադամանդների պատմության միակ հետ եւանքը չէ: Երբեմն այդ թանկարժեք քարի պատմությունը լի է լինում սպանությունների, խելագարությունների եւ դժբախտ պատահարների դեպքերով:

NEWS.am STYLE-ի թղթակիցը ուսումնասիրել է նրանցից մի քանիսւ պատմությունը եւ այժմ ներկայացնում է ընթերցողների դատին: Ամենաչարաբաստիկը.

Ամենաչարաբաստիկը. Հոուփի ադամանդը

Այդ խոշոր երկնագույն ադամանդը, որի սկզբնական քաշը կազմել է 112,5 կարատ, հինգ հարյուր տարվա պատմություն ունի: Ասում են, որ առաջին անգամ այդ թանկարժեք քարով զմայլվել է հնդիկ մի հոգեւորական, ով գողացել է ադամանդը աստվածներից մեկի արձանի ճակատից, ինչի պատճառով բռնվել է եւ, դաժան տանջանքների մատնվելով, մահացել: Շուտով դրանից հետո՝ 1842 թվականին, երկնագույն ադամանդը հայտնվել է Ֆրանսիայում, մաքսանենգ Ժան-Բատիստ Տաֆերնյեի մոտ, ով, վաճառելով քարը, իրեն տիտղոս է գնել:

Սակայն որոշ ժամանակ անց Տաֆերնյեի որդին խաղամոլության պատճառով տանուլ է տվել հոր ողջ կարողությունը, իսկ Տաֆերնյեն ստիպված վերադարձել է Հնդկաստան, որտեղ նրան պատառոտել է վայրի շների ոհմակը: Ադամանդի սեփականատերն է դարձել Ֆրանսիայի հայտնի Արեւ թագավոր Լյուդովիկոս XIV-րդը, ում հրամանով քարը մշակվել եւ փոքրացվել եւ դարձել է 67,5-կարատանոց: Ադամանդի արյունոտ հետքը չափազանց երկար է. այն կրել է դժբախտ թագուհի Մարիա-Անտուանետտան, ում գլուխը, վերջ ի վերջո, գլորվել է գիլյոտինից, իսկ քարի հայտնի սիրահար արքայադուստր դե Լամբալին պատառոտել է կատաղած ամբոխը Ֆրանսիական Բուրժուական Մեծ Հեղափոխության ժամանակ: Վերջապես՝ իր անհետանալուց 40 տարի անց, քարը հայտնվում է Անգլիայում, իրլանդացի բանկիր Հենրի Թոմաս Հոուփի մոտ, ով այն գնում է ընդամենը 30 000 ֆունտ սթերլինգով եւ տալիս է քարին իր այժմյան անվանումը: Բանկիրի թոռը մահանում է կատարյալ աղքատության մեջ: Ինչպես մինչ Հոուփի մոտ իր հայտնվելը, այնպես էլ հետո այդ քարը դժբախտություններ է բերում իր սեփականատերերին: Այդ պատմության վերջը տալիս է ամերիկացի ոսկերիչ Հարրի Ունսթոնը, ով փոխանցում է Հոուփի ադամանդը Սմիթսոնյան ինստիտուտ, որտեղ այն պահպանվում է մինչ օրս: Ամենապատմականը.

Ամենապատմականը. «Կոխինոր» ադամանդը

Այդ քարի պատմությունը ամենահինն է. այն ոչ հարյուր, ոչ երկու հարյուր, ոչ էլ հինգ հարյուր տարեկան է: Այն քսան դարերի պատմություն ունի: Առասպելին համաձայն՝ այդ սպիտակ ադամանդի առաջին սեփականատերն է եղել Հնդկաստանում՝ Յամունա գետի ափին գտնված մանուկը, ում ճակատին շողշողացել է 600 կարատի քաշով ադամանդը: Մանուկը Արեւի աստծո ոդին էր՝ Կարնան:

Քարի մասին առաջին գրավոր վկայությունները հայտնվել են 14-րդ դարում, որոնց համաձայն այնպատկանել է Մալվայի ռաջային, իսկ որոշ ժամանակ անց հայտնվել էՄեծ Մոգոլների գանձարանում եւ զարդարել Թաջ Մահալի նախաձեռնող Շահ Ջահանի գահը: Դժբախտ պատահարների մի ողջ շարանից հետո ադամանդը հայտնվել է Անգլիայում 1851 թվականին, որտեղ այն հանձնվել է Վիկտորիա թագուհուն, ում հրամանով քարը մշակվել է եւ 186 կարատից դարձել 108,93-կարատանոց ադամանդ: Ներկայումս «Կոխինորը» զետեղված է Թագավորական պետական թագում եւ պահպանվում է լոնդոնյան Թաուերում:

Ամենախոշորը. «Կուլլինան» ադամանդը

Այս քարը հայտնաբերվել է 1905 թվականին՝ բրիտանական Տրանսվաալ գաղութում (ներկայումս Հարավ-Աֆրիկյան Հանրապետության տարածքում): Դեռեւս մշակվելուց առաջ ալմաստի քաշը կազմել է 3106 կարատ: Անգլո-բուրերի պատերազմից հետո Տրանսվաալյան Հանրապետության կառավարությունը այն նվիրել է Անգլիայի թագավոր Էդուարդ VII-ին ի նշան հաշտության: 1908 թվականին ալմաստը մասերի էբաժանվել հայտնի ամստերդամյան ոսկերիչների՝ Ասկոր եղբայրների կողմից:

Աշխտանքի ավարտից հետո ալմաստը վերածվել է երկու խոշոր, յոթ միջին եւ իննսուն վեց մանր մաքրագույն ադամանդների: Նրանցից ամենախոշորը՝ «Աֆրիկայի աստղ» կամ «Կուլլինան I» ադամանդի քաշը կազմում է 530,2 կարատ եւ իրենով է զարդարում Մեծ Բրիտանիայի թագավորական գայիսոնը, իսկ երկրորդ խոշորագույնի՝ «Կուլլինան II»-ի քաշը կազմում է 317,4 եւ զետեղված է բրիտանական թագի մեջ:

Ամենառոմանտիկը. ադամանդ «Օրլովը»

Այդ Ռուսաստանի Ալմաստե Հիմնադրամի խոշորագույն ադամանդն է: Այդ թանկարժեք քարի քաշը կազմում է 199,6 կարատ: Համաձայն առասպելին՝ այդ քարը զետեղված է եղել Բրահմա աստծո քանդակում Մադրասում, իսկ այնուհետեւ առեւանգվել է ֆրանսիացի զինվորականի կողմից:

1768 թվականին քարը հայտնվել է Ամստերդամում, որտեղ այն գնել է հանրահայտ ռուսաստանյան կոմս Օրլովը, ով այն նվիրել է իր թագակիր սիրեցյալին՝ Եկատերինա II-ին: Քարը զետեղվել է արծաթե շրջանակի մեջ եւ փակցվել Ռուսաստանի թագավորական գայիսոնի վերեւի հատվածում:

Հետևեք NEWS.am STYLE-ին Facebook-ում, Twitter-ում և Instagram-ում