• Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն

  Փորձագետ Էսթեր Սարֆաթին ընդգծել է երկու բան, որոնք, նրա խոսքով, կանայք «երբեք չպետք է անեն»․ դրանք են՝ «բողոքելը կամ բացատրություններ տալը»․․․

• Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել

  Միայնակ ամերիկացին, ով հուսահատ սեր է փնտրում, որոշել է շաբաթական 400 դոլար արժողությամբ հսկայական գովազդային վահանակ տեղադրել՝ ամուսնանալու հույսով․․․

• Օպտիկական պատրանքը կարող է ցույց տալ՝ որքան «փակ մարդ եք» դուք

  Օպտիկական պատրանքը կարող է բացահայտել՝ արդյոք դուք «փա՞կ» մարդ եք, թե՞ չափազանց «շփվող»…

• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• Մարկ Ցուկերբերգն ապացուցում է, որ մորուքով տղամարդիկ ավելի գրավիչ են

  Մորուքով տղամարդիկ ավելի գրավիչ են։ Մարկ Ցուկերբերգի խմբագրված լուսանկարը․․․

• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

1. Վերջ տվեք ժամանակ անցկացնել սխալ մարդկանց հետ: Կյանքը չափազանց կարճ է, որպեսզի այն անցկացնեք ձեզ մինչեւ վերջ քամող մարդկանց հետ: Եթե ինչ-որ մեկն ուզում է, որ դուք ներկա լինեք իր կյանքում, ինքը հոգ կտանի ձեր պայմաններին: Դուք ստիպված չեք լինի պայքարել տեղի համար:  Երբեք մի կառչեք նրանցից, ովքեր անընդհատ նվազեցնում են ձեր արժեքը: Եվ հիշեք, ձեր իսկական ընկերները նրանք չեն, ովքեր ձեզ աջակցում են, երբ դուք ձիու վրա եք, այլ նրանք, ովքեր ձեր կողքին են մնում, երբ ձեր գործերը վատ են:  

2. Վերջ տվեք սեփական խնդիրներից փախչելուն: Առերեսվեք դրանց: Ոչ, դա հեշտ չի լինի: Աշխարհում չկա այնպիսի արարած, որն ի վիճակի լինի իդեալականորեն հակահարված տալ:  Մեզանից չի պահանջվում վայրկենապես լուծել բոլոր խնդիրները: Մենք ուղղակի այլ կերպ ենք ստեղծված: Մենք ստեղծված ենք վշտանալու, տխրելու, ցավ զգալու, գուցե նույնիսկ` ընկնելու համար Կյանքի իմաստը դրանում է. բախվել խնդիրների, սովորել, հարմարվել եւ ի վերջո լուծել դրանք: Հենց դա է մեզ մարդ դարձնում:

3. Վերջ տվեք ինքներդ ձեզ խաբելուն: Դուք կարող եք դա անել ում հետ ասես, բացի ձեզնից: Մեր կյանքը կարող է բարելավվել այն ժամանակ միայն, երբ մեզ թույլ տանք ռիսկի դիմել, եւ մեր առաջին,  ամենադժվար հնարավորությունը ինքներս մեզ հետ ազնիվ լինելն է:  

4. Վերջ տվեք ձեր պահանջմունքները հետին պլան մղելուն: Ամենից սարսափելին ուրիշ մեկի հանդեպ սիրո մեջ չափից շատ էներգիա ծախսելով եւ սեփական բացառիկության մասին մոռանալով ինքն իրեն կորցնելն է: Ոչ, ուրիշներին մի լքեք, բայց ձեզ էլ օգնեք: Եթե գոյություն ունի համապատասխան պահ, որ լսեք ձեզ եւ անեք այն, ինչը ձեզ համար իրոք կարեւոր է, այդ պահը եկել է:  

5. Մի փորձեք ուրիշ մեկը լինել: Կյանքում ամենաբարդ խնդիրներից մեկը  ինքը լինելն է այս աշխարհում, որը փորձում է մեզ մնացած բոլորին նման դարձնել: Ինչ-որ մեկը միշտ ավելի գեղեցիկ կլինի, ինչ-որ մեկը միշտ ավելի խելացի կլինի, իսկ ինչ-որ մեկը միշտ ավելի երիտասարդ կլինի, բայց նրանք երբեք դուք չեք լինի: Մի փորձեք ձեզ փոխել մարդկանց ուրախացնելու համար: Եղեք, ինչ կաք եւ նրանք, ովքեր իրոք պետք են ձեզ, ձեզ կսիրեն այնպիսին, ինչպիսին դուք կաք: 

6. Վերջ տվեք անցյալից կառչելուն: Դուք չեք կարողանա ձեր կյանքի նոր գլուխ սկսել, քանի դեռ վերընթերցում եք նախորդը: 

7. Վերջ տվեք  սխալ թույլ տալուց վախենալուն: Ինչ-որ բան անելն ու սխալվելն առնվազն տասն անգամ ավելի արդյունավետ է, քան ոչինչ չանելը: Յուրաքանչյուր հաջողություն կրում է անցած անհաջողությունների հետքը եւ յուրաքանչյուր անհաջողություն դեպի   հաջողություն է տանում: Արդյունքում դուք անհամեմատ ավելի կափսոսաք նրա համար, ինչ ՉԵՔ արել, քան նրա, ինչ արել եք:  

8. Վերջ տվեք անցյալի սխալների համար ձեզ հանդիմանելուն: Մենք կարող ենք սխալ մարդու սիրել եւ ափսոսալ մեր սխալների համար, բայց նույնիսկ եթե ամեն ինչ սխալ է գնում, մի բան հաստատ կարելի է ասել. սխալները մեզ օգնում են գտնել ճիշտ մարդու եւ ճիշտ իրեր: Մենք բոլորս սխալվում ենք, պայքարում ենք եւ նույնիսկ ափսոսում ենք անցյալ սխալների համար: Բայց դուք ձեր սխալները չեք, դուք ձեր պայքարը չեք, դուք այստեղ եք եւ հիմա, հնարավորություն ունեք վերակառուցելու ձեր օրը եւ ձեր ապագան:  Ինչ էլ պատահի ձեր կյանքում, դա ձեզ նախապատրաստում է դեպի ապագա եւս մեկ քայլի համար:  

9. Վերջ տվեք երջանկություն գնելու փորձերին: Շատ բան նրանից, ինչ մենք ուզում ենք, թանկ արժե: Բայց ճշմարտությունն այն է, որ այն բաները, որոնք մեզ իսկապես երջանիկ են դարձնում` սերը, ծիծաղը, սեփական զգացմունքների նկատմամբ աշխատանքը, լիովին անվճար են: 

10. Վերջ տվեք երջանիկ լինելու համար ինչ-որ մեկին փնտրելուն: Եթե դուք  դժգոհ եք ձեզնից, ձեր անձից, ուրեմն ինչ-որ մեկի հետ երկարաժամկետ հարաբերությունները եւս ձեզ ավելի երջանիկ չեն դարձնի: Պետք է սեփական կյանքում կայունություն ստեղծել, նախքան այն կկիսեք եւս մեկի հետ: 

Աղբյուրը` Kleo

Հետևեք NEWS.am STYLE-ին Facebook-ում, Twitter-ում և Instagram-ում