• Համշենական «Մելուսես» խումբը մայիսին համերգ կունենա Երեւանում

  Համշենական «Մելուսես» խումբը մայիսի 4-ին համերգով հանդես կգա Երեւանում․․․

• ԴԴՏ-ի համերգը Երևանում՝ եվրոպական մակարդակի շոու

  Ամառվա սկիզբը Երևանում կնշանավորվի հայտնի և օրիգինալ «ԴԴՏ» ռոք խմբի երկար սպասված համերգով՝ Կարեն Դեմիրճյանի անվան մարզահամերգային համալիրում՝ երաժիշտ, կոմպոզիտոր, կատարող, արտիստ, դերասան և պրոդյուսեր Յուրի Շևչուկի գլխավորությամբ...

• Ռուսական կուլտային «ԴԴՏ» ռոք խումբը համերգով հանդես կգա Երեւանում

  Համերգը, որով խումբը հանդես կգա Երեւանում, առանձնահատուկ է, քանի որ 2020 թվականից հյուրախաղեր եւ մեծ համերգներ չի ունեցել…

• Կոչ եմ անում ժամանակակից հայ կոմպոզիտորներին օգտագործել իրենց ժառանգությունը՝ ժամանակակից ձևով. Կիրիլ Ռիխտեր

  Դաշնակահար և կոմպոզիտոր Կիրիլ Ռիխտերն ապրիլի 21-ին իր միակ համերգով հանդես կգա Երևանում՝ իր անսամբլի՝ Richter Trio-ի հետ։ Յուրահատուկ շոուի նախօրեին Կիրիլը կարճ բացառիկ հարցազրույց է տվել NEWS.am STYLE-ին, որում կիսվել է Հայաստանի երաժշտական ժառանգության, ժամանակակից հանդիսատեսի երաժշտական պահանջների, արհեստական ինտելեկտի սպառնալիքի և շատ այլ բաների մասին իր մտքերով...

• Սանկտ Պետերբուրգի հանրահայտ Imperial Orchestra-ն Երեւանում կներկայանա միանգամից երկու համաշխարհային շոուներով

  Սանկտ Պետերբուրգի հանրահայտ Imperial Orchestra-ն Երեւանում կներկայացնի երկու վառ համաշխարհային շոուներ՝ Cinema Medley «Interstellar»-ը եւ Cinema Medley «Oppenheimer»-ը․․․

• «Մաշինա վրեմենի» հանրահայտ խումբը համերգ կունենա Երևանում

  «Մաշինա վրեմենի» խումբը, որն այս տարի տոնում է հիմնադրման 55-ամյակը, մեծ համերգային ծրագրով հանդես կգա Երևանում: Համերգը տեղի կունենա ապրիլի 13-ին, Կարեն Դեմիրճյանի անվան մարզահամերգային համալիրում...

• Tiesto-յի համերգը Երեւանում

  Հոլանդացի հայտնի դիջեյ Tiesto-ն համերգով հանդես է եկել մայրաքաղաքում։ Երաժշտին աջակցել են տեղի դիջեյները․․․

• Աֆիշա․ ու՞ր գնալ

  NEWS.am STYLE-ը ներկայացնում է դրանցից ամենահետաքրքիրները․․․

Մեծանուն իսպանացի տենոր Պլասիդո Դոմինգոյի որդին՝ Պլասիդո Դոմինգո կրտսերը նոյեմբերի 16-ին կայացած մամուլի ասուլիսի ժամանակ հայտնեց, որ ելույթ կունենա Ստեփանակերտում եւ Երեւանում: Արցախի մայրաքաղաքում նա կկատարի իսպանական եւ լատինաամերիկյան սիրային, ռոմանտիկ երգեր, ինչպես նաեւ մեծանուն հայազգի շանսոնյե Շառլ Ազնավուրի երգերից: Համերգների կազմակերպիչը «Mezzo Production» ընկերությունն է:

Պլասիդո Դոմինգո կրտսերն այսօր առավոտյան է ժամանել Հայաստան: Վաղը` նոյեմբերի 17-ին, նա ելույթ կունենա Ստեփանակերտում, իսկ նոյեմբերի 21-ին Երեւանի «Արամ Խաչատրյան» մեծ համերգասրահում հանդես կգա Հայաստանի պետական Երիտասարդական նվագախմբի հետ՝ նվագախմբի հիմնադիր, գեղարվեստական ղեկավար եւ գլխավոր դիրիժոր Սերգեյ Սմբատյանի ղեկավարությամբ:

«Իմ ծրագիրը համահունչ է լինելու իմ նոր ձայնասկավառակում տեղ գտած 11 երգերին: Այն ներկայացնելու եմ Ղարաբաղում: Իմ այս ծրագրում ներառել եմ տանգոներ եւ կփորձեմ նաեւ մեծանուն հայ երգիչ Շառլ Ազնավուրի երգերից մեկը կատարել: Վաղը երեկոյան ելույթ եմ ունենալու Ստեփանակերտում»,- ասաց Դոմինգո կրտսերը:

Ինչ վերաբերում է երեւանյան համերգի ծրագրին. երաժշտի խոսքով, այդ ծրագիրը լատինաամերիկյան սիրային բալլադների, ջազի եւ ռոմանտիկ երաժշտության խառնուրդ է, որը բնորոշ է իր նոր` «Latidos» («Սրտի զարկեր») ձայնասկավառակին:

Պատասխանելով լրագրողների հարցին, թե ի՞նչ է մտածում Ադրբեջանի «սեւ» ցուցակի մասին, որում ներառել են նաեւ իրեն, երաժիշտը կատակեց՝ ասելով, որ գաղափար անգամ չունի տեղի քաղաքականության մասին, եւ եթե ծխախոտ եւ սուրճ ունենա, պատրաստ է գիշերել այնտեղ, միայն թե հաջորդ օրն իրեն չգնդակահարեն: Երաժիշտը պատմեց նաեւ հոր` Պլասիդո Դոմինգո ավագի մասին, ով Հայաստանից հեռացել է չափազանց դրական տպավորություններով:

Նա լրագրողներին պատմեց, որ սկսել է երգել ընդամենը 2 տարի առաջ եւ կատակով հիշեց, թե ինչպես հայրը հարցրեց իրեն, թե ինչո՞ւ չի երգում. «Նա այդ այնպես ասաց, կարծես հարցներ, թե ինչո՞ւ տաբատ չեմ հագել»:

Երաժիշտը հրաժարվեց իրեն հոր հետ համեմատել, ով 50 տարվա ստեղծագործական կյանք ունի: Լրագրողների խնդրանքով, Պլասիդո Դոմինգո կրտսերն իր թավ ու գեղեցիկ ձայնով երաժշտական երկու հատված կատարեց:

Երգիչ, կոմպոզիտոր, երաժշտական պրոդյուսեր Պլասիդո Դոմինգո կրտսերը ծնվել է 1965 թվականի հոկտեմբերի 21-ին, Մեխիկոյում: Պլասիդոն երգեր է գրել այնպիսի արտիստների համար, ինչպիսիք են Լուչիանո Պավարոտին, Խոսե Կարերասը, Դայանա Ռոսը, Մայքլ Բոլթընը, Սառա Բրայթմանը, Վանեսա Վիլյամսը, Թոնի Բենեթը, Ալեխանդրո Ֆերնանդեսը եւ, իհարկե, իր հայրը՝ Պլասիդո Դոմինգո ավագը: Երկու Պլասիդոները նաեւ միասին հանդես են եկել դուետով՝ կատարելով այդ երգերից մի քանիսը:

2010 թվականից Պլասիդոն սկսեց հանդես գալ առավելապես որպես երգիչ: Նույն տարում նա թողարկեց հատուկ Ծննդյան տոներին նվիրված ձայնասկավառակ, որտեղ ընդգրկված էին Սուրբ Ծննդյան գեղեցիկ երգեր՝ իսպաներենով եւ անգլերենով: Մինչեւ այս տարեվերջ կթողարկվի նրա նոր ձայնասկավառակը: Այն բաղկացած է հայտնի իսպանական բալլադներից՝ հատուկ գործիքավորմամբ: Այն կոչվելու է «Latidos»:

Պլասիդոն ապրել է ամենատարբեր երկրներում եւ ազատ տիրապետում է եվրոպական մի քանի լեզվի, այդ թվում՝ իսպաներեն, անգլերեն, իտալերեն, ֆրանսերեն, գերմաներեն: Երեւանյան ելույթների ժամանակ Պլասիդոն կներկայացնի հենց այս ալբոմում ընդգրկված երգերը, ինչպես նաեւ կլինեն անակնկալներ հատուկ երեւանյան լսարանի համար: Սա երաժշտի առաջին այցելությունն է Հայաստան, որին Պլասիդոն սպասել է մեծ սիրով եւ հանդիսատեսի հետ հետաքրքիր շփման ակնկալիքով:

Լիլիթ Պետրոսյան

Հետևեք NEWS.am STYLE-ին Facebook-ում, Twitter-ում և Instagram-ում